د طالبانو لوی درستیز: په پوځي لیکو کې مو د ځانمرګو کنډوکونه منحل کړي دي
د طالبانو لوی درستیز قاري فصیح الدین فطرت وايي، چې دغې ډلې د ځانمرګو برېدګرو کنډکونه له دې امله منحل کړي، چې پخوانی حکومت پرځېدلی او په افغانستان کې نړیوال ځواکونه اوس نشته.
د طالبانو لوی درستیز قاري فصیح الدین فطرت وايي، چې دغې ډلې د ځانمرګو برېدګرو کنډکونه له دې امله منحل کړي، چې پخوانی حکومت پرځېدلی او په افغانستان کې نړیوال ځواکونه اوس نشته.
د طالبانو لوی درستیز د افغانستان له یوه سیمه ییزو تلویزون سره په مرکه کې دا خبره په داسې مهال کوي، چې تازه نوموړی د قطر له سفره بېرته افغانستان ته ستون شوی دی.
د طالبانو یو شمېر مشرانو واک ته له رسېدو څو میاشتې وروسته د "منصوري"، "بدري" او "الحمزه" په نومونو د څو ځانمرګو کنډکونو د جوړولو اعلان کړی و.
نړۍوالې ټولنې، ملګرو ملتونو او بشري حقونو نړیوالو سازمانونو د ځانمرګو پر دغو کنډکونو ځانګړي غبرګونونه ښودلي وو.
نوموړي زیاته کړې ده، که دښمن پر دوی برید وکړي، د دوی ټول ځواکونه به ځانمرګي بریدګر شي.
فصیح الدین فطرت همدا راز د افغانستان او پاکستان ترمنځ د سرحدي شخړو په اړه ویلي، چې ډېورنډ د فرضي کرښې په توګه مني او دوی هڅه کوي، چې پر ډېورنډ کرښه رامنځته کېدونکې ستونزې د خبرو اترو له لارې حل کړي.
دا لومړی ځل دی، چې د طالبانو یو لوړ پوړی چارواکی د ځانمرګو د کنډکونو د له منځه وړلو خبره کوي؛ خو ویل کیږي، چې د طالبانو په لیکو کې د ځانمرګو چارې د دې ډلې د کورنیو چارو سرپرست وزیر سراج الدین حقاني او په دفاع وزارت کې د نوموړي ماما مالي خان تنظیموي.
ایراني چارواکي وايي، د پخواني ولسمشر اشرف غني په واکمنۍ کې د کمال خان بند جوړېدو سره اوس اوبه د ایران پر ځای نمیروز کې د ګودزره شاړو ته ځي.
دوی بیا بیا طالبان تورنوي چې ایران ته د اوبو پرېښودلو خنډ دي، خو طالبان تل وايي چې د وچکالۍ له امله اوبه ایران ته نه ځي او کله چې بارانونه وشي اوبه به تر ایران ورسېږي.
په افغانستان کې د وروستیو اونیو ورښت پسې چې له پرون راهیسې له کمال خان بند ایران ته اوبه رسېدلې اوس د دغه هېواد رسنۍ هم پر دې اوبو شک ښيي.
د ایران سپاه پاسدران ته نږدې تسنیم خبري اژانس د یوه راپور په خپرولو سره ویلي، په ټولنیزو رسنیو کې د ایران خوا ته د اوبو تللو خپره شوې ویډیو ښيي، چې په افغانستان کې د سېلابونو خړه ایران ته رسېدلې ده.
د تسنیم خبري اژانس خبریال د خپلو موندنو پر بنسټ وایي، چې د افغانستان په سیندیزه حوزه هلمند کې د ورښت د زیاتوالي له امله د کمال خان بند اوبه ډېرې شوې دي، چې له امله یې د سېلابونو خړه ایران ته رسېدلې ده.
خو د سيستان او بلوچستان د چاپېريال ساتنې عمومي رييس محمد رضا علیمرادي وايي، د اوبو د خوشې کېدو بهیر تېره شپه پیل شوی او په افغانستان کې د ورښتونو د زیاتوالي له امله به په راتلونکو ورځو کې هم دوام وکړي.
خو نوموړی زیاتوي، دا خوشې شوې اوبه د ايران او افغانستان ترمنځ د اوبو د تړون پر بنسټ نه دي، بلکې يوازينى هوکړه ليک د کمال خان بند د دروازو پرانېستل دي، تر څو د ګوډزره دښتې پر ځای ایران ته وبهیږي.
که څه هم د ایران تسنیم خبري اژانس دا اوبه «خړه» بولي، خو ښاغلی علیمراديیې خوږې اوبه بولي او زیاتوي هامون ډنډ ته یې نه پرېږدي ځکه د څښاک اوبو برابرولو کې ډېره مرسته کوي او سیستان بلوچستان له وچکالۍ ژغورلی شي.
ايران ته د اوبو رسېدو خبر په داسې مهال دی چې نیمروز کې طالبان وايي، له تېرو څو کلونو وروسته یو ځل بیا لښکري کانال د دغه ولایت تر مرکز زرنج پورې اوبه ورسولې.
دوی وايي، د ډېر ورښت او د دې کانال پاکولو پسې له کمال خان بند تر زرنج د اوبو بهېدل پیل شوي چې له مخې به یې تر اتیا زره جریبه کرنیزه ځمکه خړوبه شي.
په سیمه کې سرچینو بیا افغانستان انټرنشنل- پښتو ته وویل، چې دا وبه د باران له امله دي او کمال خان بند کې د اوبو په کمېدو سره به لښکري کانال بېرته وچ شي.
