له افغانستان سره د ایران ختیځو پولو ته د کتنې پر مهال د ایران د پوځ یوه قوماندان د طالبانو د نوم له اخیستو پرته خبرداری ورکړ چې که «دښمن» کومه تېروتنه وکړي، سخت ځواب به ورکړي. هغه د کوم هیواد د نوم له اخیستو پرته وویل چې دښمنان تل د ایران په ختیځو پولو کې د دسیسو په لټه کې دي.
د ایران ځمکني پوځ د شمال ختیځې سیمې یوې اډې قوماندان رضا اذریان وویل، د ایران او افغانستان تر منځ په ګډه پوله ځای پر ځای شوي ځواکونه «په خپل ټول قوت او هوښیارۍ سره د دښمنانو د شومو او شومو پلانونو» څارنه کوي.
د ایرنا اژانس د خبر له مخې اذریان د چهارشنبې په ورځ وویل د ایران ختیځ سرحدونه په برېښنايي تجهیزاتو او امکاناتو سمبال دي او په پام کې ده چې د ایران سرحدی ځواکونو ته زیاتې اسانتیاوې برابرې شي.
وروسته له هغه چې طالبان په افغانستان کې واک ته رسېدلي، د ایران د سرحدي ځواکونو او طالبانو تر منځ ډېرې نښتې شوې دي. د دغو نښتو په دوام په یوه قضیه کې یو ایرانی عسکر وژل شوی.
په دې انځورونو کې د ښار د ګڼې ګوڼې سيمې، د خلکو ورځنۍ چارې او روژه ماتي پکې شامل دي.
په کندهار کې د طالبانو له لوري په دولتي ادارو کې پر عکس او ويډيو بندير پر ټولنه هم منفي تاثیر کړی.
ډېری عام خلک او طالب پلوه کسان خبريالان عکس او ويديو اخيستلو ته هم نه پرېږدي.
د همدې عکسونو د اخيستلو پر مهال ډېرو عامو ښاريانو له اقتصادي ستونزو او د کار د نه شتوالي څخه شکايت کوي.
ښاریانو له طالبانو غوښتل، چې خلکو ته دې کاري فرصتونه برابر کړي.