د امریکا کرېکټ بورډ د جمعې په وویل، چې د دې ادارې افغان اجرايي مشر نور محمد مراد یې له ډیر غور وروسته له دندې ګواښه کړی دی. دا اداره وايي، خپلو ګټو ته په کتو یې ښاغلی مراد له دندې ګوښه او د هغه قرارداد یې لغوه کړی دی.
په یو لیک کې د امریکا کرېکټ بورډ مشر وینو پیسیکي د دغې ادارې غړو او شریکانو ته لیکلي: “د متحده ایالاتو کرېکټ د خپل راتلونکي اجرایوي رییس پر ګمارلو کار کوي ترڅو موږ سره د دې سازمان په جوړولو کې مرسته وکړي.”
د دغه لیک له مخې، د امریکا کرېکټ بورډ ژمن دی چې د کرېکټ د دوامدار پرمختګ لپاره په دغه اداره کې بدلونونه راولي.
ښاغلي پیسیکي ویلي: “زه غواړم د کرکټ په ټولو کچو کې د شفاف او عادلانه انتخاب پروسو ته زموږ ژمنتیا یو ځل بیا تکرار کړم. لکه څنګه چې موږ د قوي او رقابتي ملي ټیمونو د جوړولو لپاره هڅه کوو، دا اړینه ده چې زموږ د انتخاب طرزالعملونه پیاوړي او د وړتیا پر بنسټ پاتې شي.”
د افغانستان کرېکټ بورډ پخوانی اجراییوي رییس ډاکټر نور محمد مراد د تیر کال په نومبر میاشت کې د امریکا د کرېکټ بورډ د اجراییوي رییس په توګه ټاکل شوی و.
