کريم خرم: په سيمه کې د ناامنيو د زياتېدو په اړه اندېښمن يو

افغانستان انټرنشنل ـ پښتو په ننګرهار کې د تېرو لسو ورځو د تاوتريخوالي ۹ پېښې ثبت کړې دي.

د تاوتريخوالي دغږ پېښې تر ډېره د ځمکو او ماشومانو پر سر جنجال، کورنۍ شخړې او ځان وژنې پکې شاملي دي.

دغه پېښې د ننګرهار په سره رود، سپين غر، بټي کوټ، خوګياڼي، هسکه مېنه، کوزکونړ، ګوشتې او جلال اباد ښار په ۸ حوزه کې شوې دي.

په دې پېښو کې د ۴ ښځو په ګډون ۱۲ کسان وژل شوي او د يوې ښځې په ګډون ۱۱ نور زخمیان شوي دي.

د دې پېښو وروستې هغه يې نن شنبه د د سره رود ولسوالۍ په باولۍ سيمه کې د ماشومانو پر سر د دووکسانو جګړه وه.

په ننګرهار کې د طالبانو د امنيه قومندانۍ وياند عبدالبصير زابلی وایي، چې په دې پېښه کې د زرګل په نامه يو کس وژل شوی او وژونکی يې نیولی دی.

د طالب وياند په خبره، په همدې ورځ په سپين غر ولسوالۍ کې د ځمکو د اوبو پر سر يوې کورنۍ د افسر خان په نوم يو کروندګر وژلی.

د زابلي د معلوماتو له مخې، چې بېګاه يو کس د کورني جنجال له امله خپله مېرمن، زوی او انګور وژلي دي.

زابلی وايي، چې تېره جمعه په کوزکونړ کې يوې نجلۍ او تېره چهار شنبه په بټي کوټ ولسوالۍ کې يوه نارينه ځانونه وژلي دي.

د طالبانو د دفاع وزارت نن په اېکس پاڼې لیکلي، الحاج قاري محمد فصیح الدین فطرت د پېښې ټپیانو ته د عاجلې روغتیا هیله وکړه.

کندهار کې د پنجشنبې په ورځ د نوي کابل بانک مخې ته داعش ځانمرګی وکړ.

د کندهار میرویس روغتون کې سرچینو پرون افغانستان انټرنشنل ـ پښتو ته ویلي، چې دغه ځانمرګي برید کې ۴۳ تنه وژل شوي او شاوخوا ۴۵ ټپيان دي.

د سرچینو په خبره، برید هغه مهال وشو چې طالب نظامیان د تنخا اخیستو لپاره د بانک مخې ته کتار شوي وو.

د برید یو شمیر ټپیان د تداوي لپاره کابل ته انتقال شوي دي.

د یادونې وړ ده چې د کابل په شهید سردار محمد داوود خان ۴۰۰ بستره روغتون کې د نظامي ټپیانو درملنه کیږي.

دغه برید د کندهار ښار لومړی حوزې ته مخامخ د نوي کابل بانګ مخې د تېرې پنجشنبې په ورځ وشو.

نوی کابل بانک د تېر جمهوریت په څېر هم له طالبانو سره د تړون له مخې د دې ډلې د نظامیانو تنخا اجراه کوي.

د کندهار میرویس روغتون کې سرچینو افغانستان انټرنشنل ـ پښتو ته پرون وویل، چې په دغه ځانمرګي برید کې ۴۳ تنه وژل شوي او ۴۵ ټپيان دي.

د دغه برید مسوولیت داعش په غاړه واخېست او ویې ویل دا برید د دغې ډلې یو غړي معاویه پنجشیري کړی دی.

تر برید درې ورځې وروسته طالبانو ته نږدې المرصاد وېپپاڼې چې د داعش خراسان اړوند راپورونه خپروي، د دې برید په اړه تازه معلومات خپاره کړي دي.

المرصاد وایي؛ دا برید مادیاروف اسدبیک کړی او نوموړی له یو بل ملګري سره دوه میاشتې د مخه د پاکستان د بلوچستان صوبه کې د داعشیانو له خراسان څانګې سره یو ځای شوی و.

د دې رسنۍ د راپور له مخې، دوی دواړه په تېرو دوو میاشتو کې په بلوچستان کې فکري او عقیدوي روزنه تر لاسه کړې ده.

د طالبانو امنیتي ادارو د معلوماتو له مخې مادیاروف اسدبیک له برید څو ورځې د مخه کندهار ته داخل شوی او د کندهار برید یې ترسره کړ

«بلوچستان کې داعشیان»

د طالبانو د سرچینو له قوله المرصاد زیاتوي چې بلوچستان اوس د داعشیانو د خراسان څانګې یو له مهمو مرکزونو څخه دی.

په دې ایالت کې داعشیان پټنځي، د روزنې مراکز او د بم جوړونې ورکشاپونه لري.

المرصاد لیکلي، چې د خراسان څانګې مشر شهاب المهاجر او د نوموړي نږدې همکاران هم په بلوچستان کې مېشت دي او له همغه ځایه په افغانستان او نوره نړۍ کې بریدونه تنظیموي.

المرصاد زیاتوی چې د ایران د کرمان برید هم د پاکستان د بلوچستان ایالت څخه د (طارق او عبدالله) په مستعار نومونو د یوه تاجکستاني تبعه له لوري تنظیم شوی وو او نوموړی د یاد برید له مهمو طراحانو څخه وو.

المرصاد په اخر لیکلي، چې په پاکستان کې هم داعشیان د دغه هیواد پوځ سیاسي مخالفین، د غرب مخالف دیني علماء کرام او پاکستاني بلوڅ ملتپال په نښه کوي.

المرصاد په داسې حال کې دغه ادعا کوی، چې د دې ډلې مشران او وسلوال او د دوی د کوټې شورا د پاکستان پلوچستان کې مېشته وه او پټنځي درلودل چې له دغه ځایه یې د تېر افغان حکومت پرضد جګړه پرمخ بووله.

د طالبانو پوهنې وزارت نن په خبرپاڼه کې زیاتوي، چې د ازموينې برخوال مخکي په «جهادي فعاليتونو» بوخت او له زدکړو پاتې وو، خو اوس به خپلو زدکړو بشپړولو ته دوام ورکړي.

طالبانو په ډېرو ولایتونو کې د ښوونځيو د لوړو ټولګيو لپاره له خپلو پخوانیو وسلوالو د سويې ازموينې اخيستې دي.

د نوي تعليمي کال په لومړۍ ورځ د پروان ولایت د طالبانو د پوهنې رييس ويلي و، چې له ۹ څخه تر ۱۲ ټولګيو پوري به زر «مجاهدین»- چې منظور یې د دې ډلې پخواني وسلوال وو- ثبت او شامل کړي.

طالبانو نږدې دوه اونۍ وړاندې په ننګرهار کې خپلو پخوانیو درې زره وسلوالو په ښوونځيو کې د جذب لپاره د سويې ازموينه اخيستې وه.

د طالبانو د ننګرهار د رسنیو دفتر ويلي، چې د دغو طالبانو د وړتیا تر ارزولو وروسته به دوی په لسم، یولسم او دولسم ټولګیو کې کېنول شي.

د طالبانو د کورنیو چارو وزارت د جزییاتو له ورکولو پرته ویلي، چې د دې ډلې پولیسو په غزني ولایت کې نهه تنه د غلا او درې تنه نور د روژې په میاشت کې له "دیني عذر پرته" د روژې خوړولو په تور نیولي دي.

د طالبانو ياد وزارت په خپله اېکس پاڼه کې اعلاميه خپره کړې ده، چې په تخار کې اته تنه نيول شوي، خو د هغوى تورونه يې نه دي په ډاګه کړي.

په ياده اعلامیه کې دا هم راغلي، چې څلور تنه په غور کې د قتل په تور نيول شوي، دوه تنه د مرغانو د ناقانونه ښکار او په سمنګان کې يو غل، دوه تنه په نورستان کې د قتل په تور او يو بل غل هم په فراه ولايت کې ونيول شو.

د طالبانو د کورنیو چارو وزارت زیاتوي، چې له نیمروز څخه پنځه تنه د خوراکي توکو د قاچاق په تورننګرهار کې نیول شوي، دوه تنه غله او یو بل کس د خپلې کورنۍ د دریو غړو د وژلو او یوه جعلکاری په په تور نیول شوي دي.

به روانه روژه کې د ماشومان پر سر د کورنیو خپل منځي جګړو او د ځان وژنو راپورنه زیات شوي دي.

په یوه تازه په پېښه کې د ننګرهار سره رود ولسوالۍ کې د ماشومانو پر سر د دوه کورنیو ترمنځه په جګړه کې دوه تنه ووژل شول.

له یوې اونۍ نه کمې موده کې په ننګرهار کې دویمې ښځې ځان وژنه کړې ده. په همدې ولایت کې په یوه بله پيښه کې، یو کس د خپلې کورنې درې غړي وژلي دي.

د ځان وژنې د پیښې په اړه په ننګرهار کې د طالبانو د امنیه قومندانۍ ویاند عبدالبصیر زابلی د جمعې په ورځ په یوه اعلامیه کې ویلي،‌ چې دغه پیښه په اچین ولسوالۍ کې رامنځ ته شوې او دغې ښځې د عصبي ستونزو له امله ځان کوهي ته غورځولی دی.