امریکا پر افغان طالبانو غږ کړی، چې د ترهګریزو ګواښونو مخه ونیسي
د امریکا د بهرنیو چارو وزارت د پنجشنبې په ورځ نړۍوالې ټولنې ته د امریکا د هغې دوامدارې ژمنې په اړه ډاډ ورکړ، چې افغانستان به هیڅکله د ترهګرۍ پر اډې بدل نشي.
د امریکا د بهرنیو چارو وزارت د پنجشنبې په ورځ نړۍوالې ټولنې ته د امریکا د هغې دوامدارې ژمنې په اړه ډاډ ورکړ، چې افغانستان به هیڅکله د ترهګرۍ پر اډې بدل نشي.
د امریکا د بهرنیو چارو وزارت ویاند متیو مېلر په واشنګټن کې یوې خبري غونډې ته د وینا پرمهال ویلي:« موږ دې ته ژمن یو، چې افغانستان به بیا هېڅکله هم د ترهګرۍ پر ځاله بدل نه شي.»هغه د یوې پوښتنې په ځواب کې چې افغانستان نن سبا د ترهګریزو سازمانونو لپاره په اصلي پټنځای بدل شوی وویل:« موږ پر طالبانو غږ کوو، چې د نړۍوالې ټولنې پر وړاندې د ترهګرۍ ضد خپل ټول مسوولیتونه ادا کړي.»هغه یو ځل بیا ټینګار وکړ، امریکا طالبانو ته په ښکاره توګه ویلي چې دا یې مسوولیت دی چې ډاډ ترلاسه کړي "هغوی ترهګرو ته خوندي پټنځای نه ورکوي، که هغه القاعده وي یا داعش یا کوم بل ترهګریز سازمان.»مېلر همداراز د امریکا متحدینو ته ډاډ ورکړ، چې واشنګټن په افغانستان کې بدلونونه له نږدې څاري او چمتو دی چې د سیمې له هر ډول ګواښ سره مقابله وکړي.هغه وویل، امریکا هم په یو اړخیزه توګه او هم د خپلو متحدینو سره یوځای کار کوي؛ ترڅو په بریالیتوب سره په ټوله نړۍ کې د داعش ډله او د دغې ډلې لهخوا ګواښونه له منځه یوسي.مېلر وویل:« موږ به د داعش د کړنو د حساب ورکولو او د متحده ایالاتو او نورو لویدیځو هېوادونو په وړاندې د ترهګریزو بریدونو د مخنیوي لپاره کار ته دوام ورکړو.»
