ناپېژاندو وسله والو د کندهار په ډنډ ولسوالۍ کې یو خاوند او ښځه وژلي دي
د طالبانو د کندهار د امنیه قوماندانۍ ویاند د دوشنبې په ورځ ویلي، چې د ډنډ ولسوالۍ په ده غلامان کلي کې ناپېژانده وسله والو یوه ښځه او خاوند یې په ډزو وژل شوي دي.
د طالبانو د کندهار د امنیه قوماندانۍ ویاند د دوشنبې په ورځ ویلي، چې د ډنډ ولسوالۍ په ده غلامان کلي کې ناپېژانده وسله والو یوه ښځه او خاوند یې په ډزو وژل شوي دي.
د اسدالله جمشید په وینا؛ د پېښې په اړه پلټنې پیل شوي او طالبان د قاتل په لټه کې دي.
د طالب ویاند د څرګندونو له مخې؛ د وژل شوي خاوند نوم عبدالرحمان دی، چې له خپلې کورنۍ سره تر لانجې وروسته له خپلې مېرمنې سره له کوره راوتلی او بیا دواړه ښځه او خاوند وژل شوي دي.
د سیمې اوسېدونکو بیا ویلي، چې د د دغې ښځې او مېړه جسدونه له وژل کېدو وروسته سوځول شوي هم دي.
طالب چارواکي وايي، چې د دغو ډول وژونو لامل تر ډېره کورني تاوتریخوالي او یا شخصي دښمنۍ وي.
د ګلبدین حکمتیار زوی حبیب الرحمان حکمتیار د افغانستان انټرنشنل - پښتو له سپړنې خپرونې سره په مرکې کې ویلي، چې طالبان د داعش په څېر فکر لري، یوازې ورته خپل ځان مسلمان ښکاري او څوک چې د دوی په لار ځي هغه مسلمان او که نه ځي هغه کافر ګڼي.
په دې وروستیو کې د طالبانو د عدلیې وزارت د اسلامي ګوند مشر ګلبدین حکمتیار له دولتي کور څخه ویستی او دغې چارې د اسلامي حزب د پلویانو او طالبانو تر منځ ناندرۍ راپورته کړې دي.
د حکمتیار زوی وايي، چې د طالبانو د عدلیې وزیر له خوا د ګلبدین حکمتیار ته سپکاوی شوی او پلار یې د افغانستان د یو لوی حزب رهبر دی.
هغه زیاته کړه: "دا هېڅ معقوله خبره نه ده، چې که یو څوک په افغانستان کې اوسیږي یا به طالبانو ته تسلیمږي یا به طالب یې او یا به له وطنه تښتې؛ دوی خپل ځان نور هم بې باوره کوي".
حبیب الرحمان حکمتیار وايي، چې د طالبانو د عدلیې وزیر د پخواني جمعیت ګوند غړی و او د همدغه ګوند په سپارښتنه په خوست کې امنیه قوماندان ټاکل شوی و، چې پخوانۍ عقدې ته په کتو چلند کوي.
د نوموړي په خبره، چې د دوی ګوند او ښاغلي حکمتیار په افغانستان کې د مشروع نظام، اساسي قانون او د ښځو د حقونو په اړه غږ پورته کړی او دا چاره طالبانو ته د منلو وړ نه ده.
دی زیاتوي، چې د طالبانو باور په افغاني ټولنه کې له صفر سره ضرب شوی دی او طالبان د هغه چا پر وړاندې جدي غبرګون ښيي، چې د دوی روانې چارې نقدوي.
حبیب الرحمان حکمتیار وویل: "د حزب ادعا د یو هېواد په کچه ده او موږ د یوه هېواد مدعي یو او غواړو یو مملکت رهبري کړو".
نوموړی وايي، چې طالبان په هېڅ ډول تغیر نه کوي او په همدې ډول به دوام کوي.
بل خوا د طالبانو د عدلیې وزیر عبدالحکيم شرعي ویلي، چې د دوی په نظام کې حزبونه ځای نه لري او نوم اخيستل يې جرم دی.
هغه وايي: « تېرکال زموږ په تشکيلاتو کې د احزابو رياست لغوه شو، احزاب په نظام کې په قانوني لحاظ ځای نه لري او د حزب نوم اخیستل تاته يو قانونوني جرم دی.»
طالبانو د حزب اسلامي مشر ګلبدین حکمتیار له خپل استوګنځي او دفتر څخه په دې دلیل وایسته چې د کور او دفتر ځمکه یې دولتي ملکیت و.
طالبانو هغه د دولتي ځمکو په غصب تورن کړ؛ خو د حکمتیار استدلال دا و، چې د تېر حکومت د هوکړې له مخې په دغو ملکیتونو کې پاتې شوی دی.
د حکمتیار د کور د نیولو امر د طالبانو د مشر هبت الله اخوندزاده له خوا صادر شوی او دا کار د طالبانو د عدلیې وزیر عبدالحکیم شرعي کړی دی.
د روسیې د بهرنیو چارو وزارت د دوشنبې په ورځ دولتي تاس خبري اژانس ته وویل، چې د روسیې د تروریستي سازمانونو له لېست څخه د طالبانو د ایستلو موضوع تر غور لاندې ده.
په همدې حال کې په افغانستان کې د روسیې استازي ویلي، چې مسکو له طالبانو سره د ترهګرۍ پر ضد مبارزه کې منظمې همکارۍ لري.
د تسنیم خبري اژانس د خبر له مخې؛ د روسیې د بهرنیو چارو وزارت ویلي: "د روسیې د حکومت د عدلیې، بهرنیو چارو وزارتونو او نور اړوند بنسټونه د ترهګرو سازمانونو له لېست څخه د طالبانو د غورځنګ د ایستلو په اړه کار کوي؛ خو په نهایت کې به د روسیې ستر مشرتابه په دې اړه وروستۍ پرېکړه وکړي.»
طالبان په روسیه کې یو منع شوی تروریستي سازمان دی؛ خو مسکو له دغې ډلې سره ښې اړیکې لري او د دوی چارواکو ته اجازه ورکوي، چې دغه هېواد ته سفر وکړي.
د افغانستان لپاره د روسیې ځانګړي استازي ضمیر کابلوف د دوشنبې په ورځ تاس ته وویل، چې طالبانو ته بلنه ورکړل شوې چې د روسیې په کازان ښار کې د اسلامي نړۍ د فورم په غونډه کې چې د ثور په ۲۵مه جوړیږي، ګډون وکړي.
کابلوف یاد خبري اژانس ته ویلي، چې د روسیې فدراسیون او د طالبانو حکومت له ترهګرۍ سره د مبارزې په برخه کې په "منظم ډول" کار کوي.
روسیه په افغانستان کې د ترهګرو ډلو له شتون څخه اندېښمنه ده، چې د مسکو په وینا؛ د منځنۍ اسیا د هېوادونو امنیت له ګواښ سره مخ کولی شي.
تر دې وړاندې هم له طالبانو سره د روسیې د همکارۍ په اړه راپورونه خپاره شوي وو، چې داعش ډلې تېره اونۍ په روسیه کې په وروستیو کلونو کې تر ټولو خونړي بریدونه وکړل.
د اسلام اباد سترې محکمې اعلان کړی، چې د توشه خانې په قضیه کې د پخواني لومړي وزیر عمران خان او د هغه د مېرمنې بشرا بي بي د ۱۴ کلونو بند سزا یې ځنډولې او په ضمانت يې د خوشي کېدو امر کړی دی.
د اسلام اباد د سترې محکمې مشر قاضي عامر فاروق ویلي، چې د پاکستان د تحریک انصاف ګوند د مشر عمران خان او د هغه د مېرمنې د توشه خانې د قضیې سزا یې ځنډولې ده او د ضمانت د منظورېدا پرېکړه یې کړې ده.
د توشه خانې په قضیه کې پر پخواني لومړي وزیر عمران خان او د هغه پر مېرمنې تور و، چې یو شمېر قیمتي ډالۍ یې دولتي خزانې ته نه دي سپارلي او له همدې امله یې دواړو ته څوارلس - څوارلس کاله د بند سزا اورولې وه او د پي ټي ای مشر عمران خان یې د لسو کلونو لپاره نا اهله اعلان کړی و.
پر عمران خان تور دی، چې له ۲۰۱۸ څخه تر ۲۰۲۲ کال پورې یې د خپلې صدراعظمۍ پر مهال له بهرنیو هېوادونو څخه قیمتي ډالۍ تر لاسه کړې او بیا یې دغه ډالۍ په ۶۳۵ زره ډالرو پلورلې دي.
د عمران خان په ډالیو کې د سعودي عربستان یو قیمتي ساعت هم شامل دی، چې د کعبې یوه نښه لري او په نړۍوال بازار کې یې بیه له ۶۰ تر ۶۵ کروړه پاکستانۍ روپۍ اټکل شوې ده.
همدا راز پر عمران خان تور دی، چې دولتي رازونه یې افشا کړي دي.
په وروستیو ټاکنو کې عمران خان په زندان کې و او ګوند یې په رسمي ډول نه شول کولی، چې په ټاکنو کې برخه واخلي؛ خو د ګوند غړو یې د خپلواکو نوماندانو په توګه په ټاکنو کې ونډه واخیسته.
د طالبانو سترې محکمې د خبر له مخې؛ د فاریاب په دولت اباد ولسوالۍ کې یې درې تنه د يوې ښځې سره د «نامشروع اړيکو او له کوره د تېښتې» په تور په عام محضر کې په درو وهلي دي.
دغې محکمې په یوه خبرپاڼه کې لیکلي، چې یوه ته ۳۹ درو او دوو نورو ته ۳۰ درو سزا ورکړل شوې ده.
د سترې محکمې د خبرپاڼې له مخې؛ دغو کسانو ته په عام محضر کې د وهلو سربېره یو په درې نیم کاله بند او دوه نور هر یو په یو کال او یوه میاشت بند محکوم شول.
د طالبانو سترې محکمې د یکشنبې په ورځ د (وري۱۲مه) په خپله خبرپاڼه کې لیکلي، چې د دولت اباد ولسوالۍ د ښاري ابتدايه محکمې درې تنه د « يوې ښځې سره د نامشروع اړيکو او له کور څخه د تېښتې» په تور په عام محضر کې په درو وهلي او هم يې په بند محکوم کړي دي.
طالبانو د دغو کسانو د هويت په اړه څه نه دي ويلي.
د طالبانو د سترې محکمې په خبرپاڼه کې راغلي، چې تورن کسان د فاریاب ولایت د استیناف محکمې د عمومي رییس عبدالوهاب زاهد، قاضیانو، نظامي او ملکي چارواکو او د طالبانو د یو شمېر خلکو په حضور کې په عام محضر کې په درو ووهل شول.
د طالبانو سترې محکمې په یوې بلې خبرپاڼه کې ويلي، چې د یکشنبې په ورځ د (وري ۱۲مه) یې په خوست ولایت کې هم شپږ تنه د «فریب کارۍ» په تور په عام محضر کې ۳۹ درو وهلي.
په افغانستان کې د طالبانو د واکمنۍ له راتګ وروسته د جسمي سزاګانو لکه په درو وهل، د لاسونو پرې کول او اعدامونه بیا پیل شوي او طالبان وایي، چې د «اسلامي شریعت قانون» پلي کوي.
د غزني ولایت په ګیرو ولسوالۍ کې د یوه ماین د چاودنې له امله د پنځو ښځو په ګډون ۹ کسان وژل شوي دي او په نورستان کې د ترافیکي پېښې له امله دوه ماشومان مړه شوي او شپږ نور ټپیان دي.
د غزني لپاره د طالبانو د والي دفتر ویلي، چې دا پېښه د یکشنبې په ورځ د یادې ولسوالۍ په ځدراڼو کلي کې هغه وخت وشوه، چې د روسانو د یرغل له وخت یو پاتې ناچاودي ماین چاودنه وکړه.
همدا راز د نورستان ولایت په دواب ولسوالۍ کې د یوې ټرافیکي پېښې له امله دوه ماشومان مړه شوي او شپږ نور ټپيان شوي دي.
د طالبانو تر واک لاندې باختر خبري اژانس راپور ورکړی، چې پېښه د یادې ولسوالۍ په چټکچو سیمه کې تر هغه وروسته وشوه، چې یو ډاټسن موټر له سړکه واوښت او چپه شو.
د راپور له مخې؛ په نورستان کې ډېری ټرافیکي پېښې د سړکونو د خرابوالي له امله رامنځته کيږي.
د یادولو وړ ده، چې د طالبانو رییس الوزراء د دې ډلې د کورنیو چارو وزارت له خوا د ترافیکي پېښو د مخنیوي طرحه تایید کړې او له اړونده ادارو یې د پلې کېدو غوښتنه وکړه.
تر اوسه د دې طرحې جزییات نه دي خپاره شوي.