د ارمنستان دفاع وزارت ویلي، چې د اذربایجان ځواکونو د دوشنبې او سې شنبې په ورځو په پوله کې د ارمنستان پر پوستو ډزې کړې. له دې سره، د اذربایجان دفاع وزارت ویلي، چې د ارمنستان وسله والو ځواکونو په نخجوان سیمه کې د اذربایجان د پوځ پر دوو پوستو هم ډزې کړې دي.
د اذربایجان دفاع وزارت اعلان وکړ، چې د ارمنستان وسله والو ځواکونو د سپکو وسلو په کارولو سره په وقفه یي توګه ددې هېواد د پوځ پوستې د داوالي سیمې په ارازدین ښارګوټي او د ګاراکیلسا د سایبالي د لارو په اوږدو کې په نښه کړې دي.
د ارمنستان د دفاع وزارت په مطبوعاتي بیانیه کې راغلي، چې په سرحدي سیمو کې د ارمني ځواکونو د ډزو په اړه د اذربایجان ادعاوې واقعیت نه لري.
د اذربایجان او ارمنستان ترمنځ اړیکي له ۱۹۹۱ کال راهیسې تر هغه وروسته ترینګلې شوې، چې د ارمنستان پوځ قره باغ سیمه ونیوله.
دواړه هېوادونه ادعاوي کوي، چې قره باغ یې ملکیت دی او د شوروي اتحاد له پرځېدو وروسته څو ځلې سره نښتي دي.
