عمران خان وايي، چې مېرمن یې په زندان کې په زهرو مسموم شوې ده

خو د پښتونخواه اعلی وزیر علي امین ګنډاپور ویلي چې د دوی څوکۍ اپوزیسیون ته ور کړل شوې، ځکه یې د لوړې اجازه نه ده ور کړې.

نوموړي په دې ټاکنو کې د درغلیو ادعا هم کړې ده.

د پاکستان د ټاکنو د خپلواک کمیسیون د دې ادعا په ردولو سره په یوه مکتوب کې ویلي چې د مشرانو جرګې ټاکنې به تر هغه ونه شي، چې ټاکل شویو کسانو ته د لوړې اجازه ور نه کړل شوې نه وي.
دا په داسې حال کې ده، چې په بلوچستان کې بیا ۱۱ نوماندان له ځنډ پرته وټاکل شول.
د پاکستاني رسنیو د راپورونو له مخې، ټاکل شوې وه چې په پیل کې د ۴۸ سناتورانو د ټاکلو لپاره رایه اچونه وشي، خو د پنجاب او بلوچستان د ۱۸ سناتورانو د لانجو له امله اوس یوازې د ۳۰ څوکیو لپاره ۵۹ نوماندان سیالي کوي.
په دغو ټاکنو کې واکمن سیاسي ګوندونه مسلم لیګ ن او پیپلز ګوند د اکثریت رایو د ترلاسه کولو هڅه کوي.

په خبرپاڼه کې راغلي، چې دوی دغه بریدونه د خیبر پښتونخوا په بنو، شمالي وزیرستان، لکي مروت، ټانک، سویلي وزیرستان، پېښور، مردان، صوابۍ، کرک او د بلوچستان په کوټه کې ترسره کړي او په لیکنه یې چې پوځ او امنیتي ځواکونو ته یې د مرګ ژوبلې تر څنګ نور مالي زیانونه هم اړولي دي.
خبرپاڼې دا ډول د عملیاتو په ډولونو هم رڼا اچولې او کاږلي یې دي، چې په دغو عملیاتو کې یې لېزر بریدونه، ځوابي بریدونه، د خرپ او ترپ، تعارضي، هدفي، توغندیز او د لاسي بمونو بریدونه کړي دي.
خبرپاڼې زیاته کړې، چې په ټولو دغو عملیاتونو کې یې د دښمن ۵۶ کسه وژلي او ۹۰ نور یې ټپیان کړي دي.

100%

خبرپاڼې دا راز لیکلي، چې د دغې مرګ ژوبلې تر څنګ یې د پوځ او نورو امنیتي ځواکونو کمرې، پوځي موټر او یو شمېر وسلې ویجاړې کړې او یو شمېر نورې وسلې او مهمات یې تر ګوتو کړي هم دي.
د پاکستان تحریک طالبان چې تر ډېره د خیبر پښتونخوا او بلوچستان صوبو په ځینو سیمو کې فعاله غړي لري وخت نا وخته له دغو سیمو څخه د بریدونو او تاوتریخوالي د پېښو راپورونه خپرېږي؛ خو د دغې تازه خبرپاڼې په اړه یې خپلواکو سرچېنو تر اوسه څه نه دي ویلي.

په اسلام اباد کې د امنیتي څېړنو او مطالعاتو مرکز په خپل نوي راپور کې چې د دوشنبې په ورځ یې خپور کړ، لیکلي چې د ۲۰۲۴ کال په لومړیو درېیو میاشتو کې د ۴۳۲ وژل شویو کسانو له جملې څخه ۲۴۵ یې د ترهګرۍ په پېښو کې وژل شوي دي.

د دغه راپور د موندنو له مخې، ۸۶ سلنه بریدونه په خیبر پښتونخوا او بلوچستان ایالتونو کې شوي چې د وژل شویو کسانو ۹۲ سلنه یې هم پر همدغو دوو ایالتونو کې ده.
د دغه راپور د موندنو له مخې، د روان کال په لومړیو درېیو میاشتو کې تاوتریخوالی او بریدونه په بې ساري ډول زیات شوي دي.

په همدې حال کې د پخوا پرتله په بلوچستان ایالت کې د تاوتریخوالي او قربانیانو شمېر ۹۶ سلنه زیات شوی، په سند ایالت کې ۴۷ سلنه، په خیبر پښتونخوا کې ۲۴ سلنه، په پنجاب ایالت کې ۸۵ سلنه او ګلګت بلتستان کې ۶۵ سلنه زیات شوی دی.

پاکستان په وروستیو میاشتو کې د خونړیو بریدونو شاهد و. په تازه پېښه کې د خېبرپښتونخوا د بشام ښار په شانګلې سيمه کې په يو ځانمرګي بريد کې د پنځو چينايي انجنيرانو په ګډون شپږ کسان وژل شوي دي.

وزيراعظم شهباز شريف نن دوشنبه داسو ته لاړو او د چين انجنیرانو او مزدورانو سره يې خبرې اترې وکړې.

هغه د بشام د پېښې په اړه د چینايي انجینرانو او کارګرانو سره خپله خواخوږي هم څرګنده کړه او ویې ویل، چې د بشام پېښه د "ترهګرو" يو بزدلانه عمل و او د دغسې پېښو مقصد د پاكستان او چين ترمنځ غير معمولي ملګرتيا متاثره كول وو.

هغه داسو ته له چین سره د یووالي د څرګندولو په موخه سفر وکړ او ویې ویل، چې چین د پاکستان نېږدې او پخوانی دوست هېواد دی.

نوموړي زیاته کړې، چې د چینايي انجینرانو جسدونه یې په رسمي پروټوکول سره چین ته لېږدولی دي او دوی به هڅه کوي، چې د چین او پاکستان د ملګرتیا د خرابولو په موخه د دوی د دښمنانو پلانونه شنډ کړي.

هغه زیاته کړې، چې حکومت به یې په پاکستان کې د چينايي انجینرانو امنیت ته پوره پاملرنه وکړي او د بشام په پېښه کې به ښکېلو خواو ته د خپل عمل سزا ورکړي.

له دې وړاندې د پاکستان د ترهګرۍ پر وړاندې د مبارزې مرکز ویلي، چې د پاکستان په خېبرپښتونخوا ایالت کې پر چینايي وګړو د شوې چاودنې بریدګر افغان و.

دغه مرکز ویلي، چې د پاکستان امنیتي ځواکونو د دغه برید په تړاو ۱۰ کسان نیولي، چې ټول د تحریک طالبان پاکستان سره تړاو لري.

پر چینايي وګړو برید د پاکستاني چارواکو غوسه راپارولې او د دغه هېواد چارواکو ګواښ کړی، چې د دغه برید له مستقیم او غیر مستقیم ملاتړ کوونکو به غچ واخلي.

د وري میاشتې په اتمه نېټه د خېبرپښتونخوا په بشام سیمه کې د یوه ځانمرګي برید له امله پنځه چینايي انجینران له خپل پاکستاني موټر چلوونکي سره ووژل شول.

چين تر اوسه پورې د پاکستان په بنسټيزو تاسيساتو کې د يو سړک او يو کمربند د يوې لويې پروژې په توګه له ۶۵ میلياردونو ډالرو څخه زياته پانګونه کړې ده.

د طالبانو د کورنيو چارو وزارت نن یکشنبې پر اېکس پاڼې خبر ورکړی، چې په هلمند ولایت کې یې هغه ۱۳ موټره له موټر چلوونکو سره يو ځای نيولي، چې خوراکې او غيري خوراکي توکي يې په ناقانونه توګه له پاکستانه افغانستان ته اړول.

دغه وزارت وایي، چې ډېری وخت دغه توکي بې کيفيته وي او د ډیورنډ کرښې له فرعي لارو څخه له مالیه ورکولو پرته افغانستان ته راوړل کيږي.

د طالبانو د کورنیو چارو وزارت زیاتوي، چې له نيول شويو کسانو څخه پوښتنې روانې دي.

یاد وزارت دوه اونۍ وړاندې هم ويلي و، چې په هلمند ولایت کې يې ۱۰ موټره خوراکي او غيرې خوراکي توکي د قاچاق پر مهال له ۱۲ کسانو سره نيولي دي.