د افغانستان لپاره د ملګرو ملتونو سازمان د ځانګړې استازې مرستیال ښاغلي اندریکا راتوت په افغانستان کې د بشري حقونو په برخه کې د اوسنۍ مرستې د کچې په اړه ژوره اندېښنه څرګنده کړې.
هغه ویلي، له ۳.۰۶ مېلیارډ ډالرو د اړتیا وړ مرستې څخه یوازې شپږ سلنه چې ټولټال ۲۹۰ مېلیونه ډالره کېږي، په لاس کې لري.
د هغه په وینا، د شته اړتیاوو او شته مرستو تر منځ د پام وړ واټن به د ژوند ژغورنې مرستو په رسولو کې جدي خنډونه رامنځته کړي.هغه له نړۍوالې ټولنې وغوښتل، چې د خپلو مالي مرستو په زیاتولو سره دې د افغانانو سره خپلې ژمنې دوه برابره زیاتې کړي.هغه همدارنګه په افغانستان کې د جنسیتي انډول او د ښځو او نجونو د حقونو په برخه کې د ملګرو ملتونو پر ژمنو ټینګار کړی دی.هغه د بشري مرستو رسولو په برخه کې د طالبانو سره تعامل اړین وباله.نوموړي تېره ورځ ویلي و، چې د ګاونډیو هېوادونو لهخوا د افغان کډوالو جبري اېستل د کډوالۍ د نړۍوالو قوانینو خلاف کړنه ده.د ملګرو ملتونو د ځانګړې استازې مرستیال وویل، له افغانانو سره د نړۍوالې ټولنې مرستې به دوام ولري او د طالبانو مسوولینو څخه یې غوښتي، چې مستحقو افغانانو ته دې د مرستو په رسولو کې همکاري وکړي.
