طالبانو د کابل او د کندهار له زندانونو تر ۵۰۰ ډیر بنديان خوشي کړي
طالبانو، د خپل مشر هبت الله اخونزاده په امر د کابل له پلچرخي زندان څخه هم ۴۰۶ او د کندهار له عمومي زندان څخه ۱۰۳ تنه بندیان خوشي کړي دي.
طالبانو، د خپل مشر هبت الله اخونزاده په امر د کابل له پلچرخي زندان څخه هم ۴۰۶ او د کندهار له عمومي زندان څخه ۱۰۳ تنه بندیان خوشي کړي دي.
د طالبانو تر واک لاندي د باختر اژانس د یو رپوټ له مخې، د کابل په بنديانوکې ٣٣٨ نارينه، ٤٠ ښځې او ٢٨ ماشومان شامل دي.
په کندهار کې د طالبانو د والي دفتر په وینا، په خوشې شوو بندیانو کې ۹۷ نارينه، يوه ښځه او ۵ ماشومان شامل دي.
په کندهار کې د طالبانو د والي دفتر نن شنبه په يوې خبرپاڼه کې ويلي، چې د دغو بندیانو د خوشي کېدو او د بند د مودې د کمیدو حکم د هبت الله اخونزاده له خوا د کوچني اختر په مناسبت صادر شوی دی.
د والي دفتر دا ندي ويلي، چې دغه کسان په کومو جرمونو په بند کې وو او څومره موده یې تیره کړې وه.
په کندهار کې د طالبانو د مرافعه محکمې مشر فضل الله عاصم له بنديانو غوښتي، چې له منفي کړونو دي لاس واخلي.
هغه زياتوي: « تاسي د اميرالمومنين د خاص ترحم له مخي خوشي يوي یی او موږ ستاسي څخه دا هیله ده، چې په راتلونکې کې له بدو کارونو څخه لاس واخلی.»
کندهار کې د طالبانو د والي دفتر کې يوې سرچينې ويلي، چې د کوچني اختر په مناسبت د هبت الله اخونزاده په امر به د هيواد له ټولو زندانونو يو شمېر بنديان خوشي شي.
د طالبانو د زندانونو ادارې نظامي مرستیال تېر کال په سلواغه مياشت کې وویل، چې دا ډله د ۲۵ بهرنیو اتباعو او شاوخوا ۸۵۰ ښځو په ګډون ۱۹ زره بندیان لري.
