د طالبانو د صنایعو او سوداګرۍ وزارت د «جامو وینځلو واسلین» منع کړل

مولوی عبدالکبير زياتوي، چې د دوی «د اسلامي نظام» په وړاندې منفي تبلیغات روان دي.

د طالبانو د رییس الوزرا سیاسي مرستیال مولوي عبدالکبير د یکشنبې په ماښام د رسنيو او سياسي فعالانو سره د روژه ماتي پر مهال وويل، چې دوی د «اسلامي امارت د ملي ګټو او اسلامي احکامو په رڼا کې» د رسنيو او فعالانو ملاتړ کوي او مشورې يې مني.

نوموړي زياتوي: «په تېرو دوو لسیزو کې د نفاق لپاره پراخې هڅې شوي دي.»

هغه غوښتنه وکړه، چې رسنۍ او فعالان دې د ملي يوالي لپاره کار وکړي.

مولوی عبدالکبير وايي، چې نړۍ بايد د افغانستان ملي حاکميت او ځمکنۍ بشپړتيا ته احترام ولري.

د هغه په خبره، چې دوی د نړۍ او ګاونډيو هېوادونو سره د اړيکو ترینګلتيا نه غواړي.

په دې ناسته کې د رسنيو استازو او سیاسي فعالانو د افغانستان پر اوسني وضعیت او د ستونزو پر حل هم خبرې وکړې.

طالبان په داسې کې د رسنيو او فعالانو سره ليدلي، چې طالبانو واک ته په رسېدو سره پر رسنيو او مدني فعالانو باندې بنديزونه زيات کړي او د يو شمېر د رسنيو کارکوونکي او فعالان یې نیولي او په بندخونو کې ساتلي.

د طالبانو سترې محکمې له لوري په خپره شوې خبرپاڼه کې ویل شوي چې د یادې ډلې د مشر ملا هبت الله د فرمان له مخې یې د افغانستان د بېلابېلو ولایتونو له زندانونو ۲۸۵۵ تنه بندیان خوشې کړي.

دغه خبرپاڼه چې د دوشنبې په ورځ د (وري ۲۰مه) د طالبانو سترې محکمې له لوري خپره شوې پکې ویل شوي چې د ۱۴۲۰ تنه بندیانو د بند موده یې راکمه کړې.

واک ته د طالبانو له رسېدو وروسته په افغانستان د خپلواکو او بې پرې ادارو نه شتون او پڅې چارې د دې لامل شوې چې د طالبانو له لوري د ورته شمېرو له خپرېدو وروسته د شمېرو د کره والي تایید نه شي کیدای.

د سترې محکمې له لوري په خبره شوي خبرپاڼه کې له زندانونو د ازادو شویو بندیانو د جرم په اړه جزیات نه دي ورکول شوي.

تر دې وړاندې د څرخي پله، هرات او کندهار له زندانونو د بندیانو د خوشې کېدو راپورونه ورکړل شوي وو. خو دا نه ده معلومه چې په خوشې شویو بندیانو کې څو تنه ښځې له بندخونو ازادې شوې.

د طالبانو د استخباراتو لوی ریاست د اپراتیفي عملیاتو مدیریت په دغه سند کې اندېښنه ښودلې ده، چې «خوارج» په بېلابيلو نومونو د ميدان وردګو ولايت هغه طالبان به چې د تصفيې پروسې له پيلېدو ورسته يې خپلې دندې پرېيښې جلب او د دوی د حکومت پر خلاف به یې د خپلو استخباراتي موخو لپاره استعمال کړي.

طالبان په خپلو مکتوبونو او رسنیو کې د خوارج نوم د داعش لپاره کاروي.

د امنیتي پېښو د رامنځته کېدو په برخه کې ویل شوي، چې د طالبانو په منځ کې د ملګرتيا له سيسټم څخه داعش کولای شي تر طالب مسولينو ځان ورسوي.

د طالبانو په دغه د استخباراتي سند کې راغلي، چې د داعش پرضد د ميدان وردګو ولايت په ولسواليو کې اوپراتيفي استخباراتي عمليات پيل شوي، «ترڅو د دوشمن د شريعت خلاف د موخو مخنیوی وشي.»

په سند کې په ډاکه شوې، چې ددغه عملياتو پر مهال دې د سيمي د جوماتونو د ملا امامانو څخه د همکارۍ غوښتنه شوې.

طالبانو په دغه سند کې یادونه کړې، چې د میدان وردګو په نرخ ولسوالۍ کې ددغو عملياتو اوپراتيفي مسوليت د نرخ ولسوالۍ د چينزايو په سیمه کې مولوي وکيل ته سپارل شوی و، چي تېره شپه ناوخته د داعش له خوا په خپل کلي کې وژل شوی دی.

د میدان وردګو ولایت د استخباراتي ریاست په کابل کې د طالبانو د استخباراتو لوی ریاست ۰۷۴مدیریت څخه غوښتنه کړې ده، چې په دغه ولایت کې دې د اوپراتیفي طالبانو مسوولینو د امنیت لپاره اقدامات ترسره شي.

په دې اړه یو بل مکتوب د میدان وردګو ولایت د سیداباد ولسوالۍ خلکو ته لیکل شوی، چې د طالبانو د استخباراتي مسوولینو تلفوني شمیرې په کې لیکل شوې. له دې خلکو غوښتل شوي د طالبانو د حکومت د بقا لپاره د خپلو سیمو «د هر ډول غیر شرعي، مشکوکو او غیرقانوني کړنو»په هکله معلومات ور سره شریک کړی.

که څه هم طالبان وايي داعش یې په افغانستان کې ځپلی او د بیا راپورته کېدو توان نه لري، خو د دوی په امنیتي او په ځانګړې توګه د استخباراتي ادارو لپاره داعش د اندېښنې وړ موضوع ده.

په کندهار کې د داعش لخوا پر نوي کابل بانګ له ځانمرګي برید وروسته داسې معلومیږی، چې طالب مشران یې سخت اندېښمن کړي دي.

د ملګرو ملتونو د بشردوستانه چارو د همغږۍ دفتر (اوچا) د دوشنبې په ورځ د (وري ۲۰مه) په خپله اېکس پاڼه لیکلي چې، لا هم زرګونه کورنۍ په خیمو کې ژوند کوي او اوسېدو لپاره خوندي سرپناوې نه لري.

اوچا ویلي چې، شپږ میاشتې وړاندې د زلزلو درېیو زورورو ټکانونو په هرات کې ۴۰ زره کورونه ویجاړ او دوه لکه ۷۵ زره کسان یې زیانمن کړل.

دغې ادارې ویلي دې له زرګونو زلزله ځپلو سره یې مرستې کړې او دا بشري مرستې لا هم دوام لري.

اوچا زیاتوي چې دمګړۍ لا هم ۲۴۸۰۰ کورنۍ په خیمو کې ژوند کوي.

اوچا وايي یادې کورنۍ د اوسیدو لپاره مناسبو کورونو ته اړتیا لري.

دا په داسې حال کې ده چې تر دې مهاله د هرات په زلزله ځپلو سیمو کې د مرستنېدویه ادارو له لوري سلګونه جوړ شوي کورونه اړمنو کسانو ته سپارل شوي دي خو ويل کیږي لاهم زرګونه کورنۍ د ژوندانه خوندي استوګنځي نه لري.

د طالبانو کډوالو او راستېدونکو چارو وزارت د دوشنبې ورځ د (وري ۲۰مه) نېټه په اېکس پاڼه لیکلي چې د افغان کډوالو اته کورنۍ چې د غړو شمېر یې ۳۳ تنه کیږي د ننګرهار تورخم له لارې د وري ۱۹مه نېټه هېواد ته په زور راستنې کړل شوې دي.

کډوالو وزارت وړاندې وايي، راستانه شوي کډوال یې تر ثبتېدو وروسته د کډوالو عالي کمیشنرۍ او د کډوالو نړېوال سازمان ته د مرستو ترلاسه کولو په موخه ور پیژندلي دي.

د طالبانو حکومت په سر کې ژمنې کړې وې چې له ګاونډیو هیوادونو ورتلوونکو کډوالو سره د مرستو تر څنګ به دوی ته د اوسېدو لپاره ځمکې ویشي خو اوس ډیری هغه کډوال چې افغانستان ته تللي وايي، چې لا یې برخلیک نه دی معلوم او ځمکې یې نه دي ترلاسه کړې.

د طالبانو د کډوالو او راستنېدونکو چارو وزارت وايي، په ۱۴۰۲ کال کې له ګاونډیو هیوادونو څخه افغانستان ته یونیم ميلیون کډوال راستانه شوي دي.

د پاکستان حکومت په تازه اعلان کې ويلي چې له کوچني اختر وروسته د روانې اپریل میاشتې له ۱۵نیتې وروسته به یو ځل بیا د افغان کډوالو د ایستلو لړۍ چټکه کړي.

په دې وروستیو کې پاکستاني رسنیو راپور ورکړی، چې د ۲۰۲۴ کال د مارچ تر ۱۲مې نېټې له پاکستانه د ټولو ستنو شویو بې اسناده افغانانو شمېر تر ۵۱۳ زرو او ۵۰۶ ته لوړ شو او په وینا یې د ستنېدو دغه لړۍ لاهم روانه ده.