د افغانستان کرېکټ بورډ د سريلانکا الف لوبډلې سره د ۵ يو ورځنيو او یوې څلور ورځنيو لوبو لپاره د افغان ابداليانو دوه نوملړه اعلان کړل. د افغان ابدالیانو او سريلانکا الف کرېکټ لوبډلو به دغه لوبې د اپريل په ۲۸ پيل او د مې ر ۱۴ به دوام وکړي.
د افغانستان کرېکټ بورډ نن له سريلانکا سره د ۵ يورځنيو لوبو لپاره دې ۱۵ کسيزې لوبډلې ته عبدالباقي، کامل کاکړ او رحمان الله ځدران احتياطي لوبغاړي ټاکلي دي.
د افغان ابداليانو په لوبډله کې اکرام علي خيل لوبډلمشر دی او رياض حسن، عبدالمالک، زبید اکبري، شاهد کمال، بلال ترين، درويش رسولي، محمد اسحاق، ننګيال خروټی، فرمان الله ساپی، قیس احمد، ضیا الرحمان اکبر، سلیم ساپی، عبدالرحمان او بلال سميع هم ور سره لوبغاړي دی. ا
کرېکټ بورډ له سريکلانکا سره د ۴ یوه ورځينو سياليو لپاره هم ۱۶ کسيزه لوبډله غوره کړې ده.
په دې لوبغاړو کې بیا هم اکرام علي خیل لوبډلمشر دی او احسان الله جنت، عمران مير، بهير شاه محبوب، رحمان الله ځدران، اعجاز احمد مهري، عبدالهادي، محمد طاهر عادل، عبدالله تره خيل، خليل ګربز، ضيا الرحمان اکبر، ابراهيم عبدالرحمانزی، نويد ځدران، نسیم منګل، سيد احمد شېرزاد ور سره لوبغاړي دي.
