د طالبانو د کډوالو وزارت: لسګونه افغان کډوال په جبري توګه له پاکستانه راستانه کړای شول
د طالبانو د کډوالو او راستنېدونکو چارو وزارت وايي، د دوشنبې په ورځ لس افغان کډوالې کورنۍ په جبري ډول له پاکستانه راستنې شوې.
د طالبانو د کډوالو او راستنېدونکو چارو وزارت وايي، د دوشنبې په ورځ لس افغان کډوالې کورنۍ په جبري ډول له پاکستانه راستنې شوې.
د طالبانو د کډوالو او راستنېدونکو چارو وزارت پر خپلې اېکس پاڼې لیکلي، چې د دوشنبې په ورځ د (وري ۲۷مه) لس افغان کډوالې کورنۍ په جبري توګه له پاکستانه راستنې شوې.دغه وزارت وايي، د تازه راستنو شویو افغان کډوالو شمېر ۵۳ تنه وو او د تورخم له لارې خپل هېواد ته راستانه شول.د کډوالو وزارت وايي، دغه تازه راستانه شوي افغان کډوال یې د مرستو تر لاسه کولو لپاره د ملګرو ملتونو د عالي کمیشنرۍ دفتر ته ورپېژندلي دي.پاکستان د افغان کډوالو د اېستلو دویم پړاو د اپرېل میاشتې په ۱۵مه نېټه پیل کړی.پاکستان د افغان کډوالو په جبري توګه اېستلو په لومړي پړاو کې تر نیم مېلیون ډېر افغان کډوال له دغه هېواده و اېستل.که څه هم د کډوالو یوشمېر ملاتړو سازمانونو او ادارو له پاکستانه په جبري توګه د افغان کډوالو د اېستلو د پړېکړې د بېرته اخیستو غوښتنې کړې؛ خو پاکستان لا هم په جبري توګه د افغان کډوالو د اېستلو لړۍ دوامداره ساتلې ده.
