د بشري حقونو سازمان حالوش خبر ورکړی، چې د پنجشنبې په سهار د ( وري ۳۰مه) د مشهد په وکیل اباد زندان کې څلور افغان بندیان اعدام شول. حالوش لیکلي، دغه بندیان په ۱۳۹۸ کال کې په نشهیي توکو د اړوندو تورونو په تړاو نیول شوي وو چې بیا وروسته د محکمې لهخوا په اعدام محکوم شول.
دغه سازمان د اعدام شویو افغانانو نومونه زمان طاهري، سلام طاهري، غلامقادر ساماني او ابراهیم نورزی ښودلي دي.
ویل شوي، چې زمان طاهري او سلام طاهري سره وروڼه وو.حالوش د خپلو سرچینو په حواله لیکلي، دغه بندیان « د چهارشنبې په ورځ د وري په ۲۹مه د نشهیي توکو د جرمونو اړوند د وکیل اباد زندان انفرادي خونو ته ولېږدول شول او د پنجشنبې په سهار د هغوی د اعدام حکمونه اجرا شول.»د دغو کسانو په تړاو لا ډېر جزییات نه دي راپور شوي.د ایران رسمي چارواکو لا تراوسه په دې تړاو څه نه دي ویلي.ایران تر دې وړاندې هم د نشهیي توکو اړوند او په نورو تورونو تورن افغانان اعدام کړي دي.حالوش تېره اونۍ د دوشنبې په ورځ هم راپور ورکړی و، چې د مشهد په وکیل اباد زندان کې د مخدره توکو په اړوندو تورونو تورن افغان اعدام شو.دا لا څرګنده نده، چې دغو تورنو کسانو مدافع وکیل ته لاسرسی لاره کنه؟
