د طالبانو د لوړو زدکړو وزارت د لېسانس درجې سند عربي او انګرېزي ژبو ته واړاوه
افغانستان انټرنشنل - پښتو ته رسېدلي سندونه ښيي، چې د طالبانو د لوړو زدکړو وزارت د لېسانس سند له پښتو او دري څخه عربي او انګرېزي ته اړولی دی.
افغانستان انټرنشنل - پښتو ته رسېدلي سندونه ښيي، چې د طالبانو د لوړو زدکړو وزارت د لېسانس سند له پښتو او دري څخه عربي او انګرېزي ته اړولی دی.
طالبانو تازه دا سند هغو کسانو ته ورکړی، چې له مدرسو فارغ او د لوړو زدکړو وزارت «د اسلامي پوهنتونونو او تخصص» ریاست کې یې دیني زدکړې ارزول شوې.
طالبانو تر واکمنېدو مخکې هم د خپلې ډلې لپاره ځینې عربي اصطلاحات دود کړي، چې ښه بېلګه یې پوځي مرکز ته معاسکر ویل دي.
دې ډلې په واکمنېدو سره هم د لومړي وزیر پر ځای ریس الوزرا، د سرپرست لپاره کفیل او نورې ورته کلیمې غوره کړې او هم یې د افغانستان د قول اردوګانو او ځینې نورو ادارو پخواني نومونه عربي کړل.
له مدرسو فاغو کسانو ته د پښتو او دري پر ځای په عربي او انګرېزي د سند وېش په داسې مهال دی چې د ۲۰۲۱ کال په اګسټ کې له بیا واکمنېدو را هیسې دې ډلې پر دولتي دندو د مسلکي کسانو پر ځای د ملایانو د ګومارلو لپاره د دیني مدرسو له فارغو د دوی د زدکړو ارزونې لپاره بیا بیا ازموینې اخیستې دي او د بکلوریا، لېسانس او ماسټرۍ په کچه سندونه یې ور کړي دي.
د طالبانو لوړو زدکړو وزارت د تېرې جنورۍ په وروستیو کې هم له نږدې ۵۰ زرو ملایانو د ارزیابي امتحان واخیست، په نتیجه کې یې دوی ته د نیمه لوړو زدکړو او لوړو زدکړو سندونه ور کړل.
د طالبانو کورنیو چارو وزارت د ځانکړو ځواکونو عمومي قومندانۍ د دې ډلې د نظامي چارو کمېسون ته په مکتوب کې لیکلي، چې د ملا هبت الله په شفاهي هدایت هغه بې سرنوشته طالبان په دغه قطعه کې وګومارل شي چې د بستونو له منځه تلو سره یې بې دندې او بې معاشه دي.
د معلوماتو له مخې دغه ځانګړي قطعه په ځواکمنو او پر مختللو وسلو سمبال شي او واک به یې له کندهار سره وي او د استخباراتي معلوماتو پر بنسټ به عملیات کوي.
سرچینې زیاتوي دغه ځواک به په افغانستان کې د داعش او نورو مخالفو ډلو پرضد په وخت او چټک عملیات کوي.
افغانستان انټرنشنل ـ پښتو د طالبانو د کورنیو چارو وزارت بل مکتوب هم ترلاسه کړی دی، چې کابل ولایت ته یې لیکلی دی.
په دغه مکتوب کې ولسوالیو د بې سرنوشته طالبانو د لېستونو د جوړولو غوښتنه شوې ده، خو دا کسان باید د اړوند ولسوالۍ، امنیه قومندانۍ او استخباراتو مدیریت لخوا تاید شي.
دا ځواک په داسې حال پلانېږي چې د طالبانو د تصفیې کمېسون له خوا د دې ډلې د سرتېرو په بې دندې کېدو سره په مختلفو ولایتونو کې شکایتونه ډېر شوي دي.
د طالبانو د استخباراتو لوی ریاست یوه مکتوب کې څه مهال دا اندېښنه هم ښودلې چې ښايي په میدان وردګ کې بې دندو شوي وسلوال یې له داعش سره یو ځای شي.
دا لومړی ځل دی، چې طالبان د داعش او د نورو مخالفو وسلوالو د ځپلو لپاره ځانګړی ځواک جوړوي، خو ترې دې وړاندې د طالبانو د مشر ملا هبت الله لپاره ځواک جوړ شو.
طالبان د ۸۸۸ ځانګړي عملیاتي قطعه او ۳۱۳ بدري قطعې په نومونو ځانګړي نظامي ځواک هم لري.