پاکستان د هغو افغان کډوالو د اوسېدو موده د ۲ نورو میاشتو لپاره وغځوله چې کارتونه لري
د جمعې په ورځ، د پاکستان کابینې د POR کارت درلودونکو کډوالو د استوګنې د اعتبار موده د سرطان میاشتې تر لسمې نېټې پورې وغځوله.
د جمعې په ورځ، د پاکستان کابینې د POR کارت درلودونکو کډوالو د استوګنې د اعتبار موده د سرطان میاشتې تر لسمې نېټې پورې وغځوله.
پاکستان وايي چې د دې کارت د مودې په غځولو سره کډوال کولې شي چې زده کړو، بانکي او روغتیايي خدمتونو ته لاسرسی ولري.
د تېر کال په سپټمبر میاشت کې پاکستان د استوګنې له اسنادو پرته د افغان کډوالو د اېستلو لومړی پړاو پیل کړ. د ملګرو ملتونو د شمېرو له مخې، په دې موده کې تر نیم میلیون ډېر هغه افغان کډوال چې د اوسېدو اسناد یې نه لرودل له دغه هېواده اېستل شوي دي.
د کډوالو د ویستلو د پروګرام په دویمه برخه کې، پاکستان پلان لري چې هغه کډوال چې د ACC کارتونه یا افغان تابعیت لري، هم له خپل هیواده اوباسي.
د پاکستان د ډیټابیس او مقررو تنظیم ملي ادارې په ۲۰۱۷کال کې د افغان کډوالو د ثبت او تنظیم او هغوی ته د رسمي هویت د ورکولو لپاره دغه کارتونه ویشلي وو.
