د پاکستان او ويسټ انډيز ښځینه کرېکټ لوبډلو ترمنځ د پنځو شل اوره لوبو لومړۍ پاکستان د يوې منډي په توپير وبايلله. د ويسټ انډيز د ښځو کرېکټ لوبډلې له پاکستانه د درې يو ورځنيو لوبو لړۍ هم ګټلې ده.
د پاکستان او ويسټ انډيز ښځينه کرېکټ لوبډلو د شل اوره لوبو په لومړۍ لوبه کې ويسټ انډيز د لوبې پچه وګټله او لومړۍ یې توپوهنه غوره کړه.
د ويسټ انديز لوبغاړو په شلو اورونو کې د ۹ لوبغاړو په سوځېدو پاکستان ته ۱۲۲ منډې هدف وټاکه.
د وسټ انډيز لوبغاړې جوسيفه په ۳۶ توپونو د ۳۴ منډې جوړولو سره تر نورو ډيرې منډې وکړې.
د پاکستان لوبغاړو کې فاطمه ثنا درې او سعديه اقبال دوه وسیټ انديزي توپ وهونکې وسوځلې.
د پاکستان لوبغاړو ټاکلی هدف پوره نه کړ اوپه شلو اورونو کې يې د ۸ لوبغاړو په سوځېدو ۱۲۱ منډې جوړې کړې او دغه لوبه یې د يوې منډې په توپير وبایلله.
په پاکستانۍ لوبډله کې ندا ډار په ۲۴ توپونو د ۲۷ منډو کولو سره تر ټولو ډېري منډې جوړې کړې.
د وسټ انډيز لوبډلې کرشمه رامهارک تر ټولو غوره توپ اچونه وکړه او د پاکستان څلور لوبغاړي يې وسوځول.
دغه لوبې د کراچۍ په نړۍیوال کرېکټ لوبغالي کې پیل شوې دي.
د پاکستان او ويسټ انډيز د ښځو کرېکټ لوبډلو د لوبلړۍ دوهمه شل اوره لوبه به سبا یکشنبه تر سره شي.
دا په داسي حال کې ده، چې څو ورځي مخکي پاکستان ښځينه کرېکټ لوبډلې له ویسټ انډیز سره د کراچي په همدې لوبغالي کې د يو ورځنيو دريو لوبو لړۍ هم بايللې وه.
