په کندهار کې معترضان: طالبان د خپل عاید لپاره زموږ د دوکانونو مخې ته غرفې جوړوي

د طالبانو ستره محکمه نن په خبرپاڼه کې زیاتوي، چې یو تورن کس ته د ۳۵ دورو ترڅنګ د یو کال بند سزا هم ورکړل شوې ده.
په خبرپاڼه کې ددغو کسانو د هویت په اړه څه نه دي ویل شوي، خو زیاته شوې ده چې پر دوو نورو کسانو بیا د ۳۰ - ۳۰ دورو او پر یوه بل کس د ۳۹ دورو حکم تطبیق شوی دی.
دا په داسې حال کې ده، چې طالبانو په څه باندې یوه اونۍ کې د بدخشان په ګډون په پنجشیر، پکتیکا، جوزجان او خوست ولایتونو کې دولس کسان په عام محضر کې په درو وهلي دي.
پر افغانستان د طالبانو له واکمنۍ وروسته په ټول هېواد کې په عام محضر کې د خلکو مجازات زیات شوي دي او ان په یو شمېر ولایتونو کې اعدامونه هم په عام محضر کې شوي دي.
له دې سره، یوناما څو ورځې وړاندې د یوه راپور په خپرولو سره ویلي و، چې د طالبانو له لوري لږ تر لږه هره اونۍ په یوه ولایت کې په عام محضر کې خلکو ته بدني سزا ورکول کېږي.
یوناما په دغه راپور کې ویلي، چې لا هم په افغانستان کې بشري حقونه په بشپړه توګه نه دي تامین شوي.
خو طالبان بیا وایي، چې په افغانستان کې د ښځو او نارینه‌وو ټول شرعي حقونه تامین شوي دي او د دوی هره پرېکړه د شریعت له مخې کیږي.

په بدخشان کې څلورو کسانو ته د طالبانو نننۍ سزا په داسې حال ده چې په دغه ولایت کې په تېرو ورځو کې د دې ډلې پرضد پراخې مظاهرې وشوې.

د درایم او ارګو ولسوالۍ اوسېدونکي طالبان د خلکو له حصوصي حریم په سرغړونه تورنوي، خو طالبان وايي، دا مظاهرې د کوکنارو فصل د له منځه وړلو نه سرچینه اخلي.

د پاکستاني طالبانو نظامي کمېسون رییس له خپلې ډلې د ټولو «ولایتونو والیانو» ته خبرداری ورکړی، چې ټول ډلګۍ مشران باید په خپلو لیکو کې «افغان طالبانو» ته له ځای ور کولو ډډه وکړی.

په دغه پرون مکتوب کې راغلي هغه کسان به ونیسي، چې په لیکو کې افغان طالبان لري.

د دې مکتوب په یوه برخه کې راغلي دي، که افغان طالبان د ټي ټي پي په لیکو کې داسې کسان پیدا کړي، چې خپلو لیکو کې افغان طالبانو ته په کې ځای ورکړي وی نو دوی که هر رنګ چلند سره مخ شول دوی به یې خپله ځوابویونکي وي او ټي ټي به یې د خلاصون هڅه و نه کړي.

100%

په دغه لیک کې د پاکستاني طالبانو له والیانو غوښتل شوي، چې خپل ټول ملګري پوه کړی، چې دا کار نور ودروي او افغان طالبانو ته په خپلو لیکو کې ځای مه ورکوي او که چېرې په دې کار ونیول شول نو د ګېلې حق دې نه لري.

له دې وړاندې څو ځله تحریک طالبانو پاکستان په خپلو لیکو کې د افغان طالبانو جنګیالو حضور رد کړی وو.

افغان طالبانو څو څو وارې د ټي ټي پي په لیکو کې د خپلو جنګیالیو له شتون څخه انکار کړی او له خپلو جنګیالیو غوښتي ول، چې له هېواده د باندې د امیر له امر پرته جګړې ته نه ځي.

پاکستان تل دا ادعا کړې، چې پاکستاني طالبان د افغانستان خاوره د پاکستان پرضد کاروي او د افغان طالب جنګیالیو په ملتیا په پاکستان کې بریدونه کوي.

خو دوه ورځې وړاندې ‏مولانا فضل الرحمن د پاکستان د پوځ مشران د پوښتنې په ډول وننګاوو او ویل، « هغه له ۲۰ تر ۳۰ زرو پاکستاني وسله وال ځوانان، چې افغانستان کې یې د امریکایانو په خلاف جګړه کې د اسلامي امارت په ملاتړ برخه لرله، هغوی څنګه او کله تلل؟ او بیا چې طالبان هلته افغانستان کې واکمن شول، دغه ځوانان څنګه په کومه لاره او له بشپړ ځواک سره بېرته پاکستان ته راستانه شول؟»

هغه په ټینګار سره د پاکستان له پوځ وپوښتل چې، «تاسو خو د پولې په اوږدو کې ولاړ وئ، نو څنګه په دومره لوی شمېر وسلوال تګ راتګ کوي؟»

دا کورنۍ وايي، عبدالمنیر د لشکرګاه په نهمه حوزه کې د ګاز یو شرکت کې له خپلو دوه ملګرو سره و، چې د طالبانو د حوزې مسوولینو او امر بالمعروف ګزمې له دغه ځایه یووړ.

دغه کورنۍ وايي طالبان د بوست روغتون پر ډاکترانو فشار راوړي چې د دې وژنې راپور بدل کړي او ولیکي چې عبدالمنیز د نشه يي توکو د کارولو له امله وژل شوی دی.

خو دغه کورنۍ وايي عبدالمنیر هیڅ نشه نه کوله او یو غریب کاره ټیکټر چلوونکی وو.

د عبدالمنیر خپلوان وايي دوی د نوموړي مړی د اعتراض په ډول په هلمند کې د طالبانو د والي د دفتر مخ ته وړی و.

د عبدالمنیر کورنۍ وايیي، پرون له شاوخوا ۳۰۰ کسانو سره د لاریون په شکل د هلمند ولایت مقام کې د طالبانو والي ته ورغلي وو، خو د طالبانو غوښتنه دا وه، چې تاسې رسنیو ته د لاریون ویډیوګانې مه ورکوئ، ځکه د دوی د بدنامي سبب کیږي.

د طالبانو مرستیال والي دغو لاریونوالو ته ډاډ ورکړی چې په دوو ورځو کې به په دغه پېښه کې ککړ کسان ونیسي او محکمې ته به یې حاضر کړي.

دغه کورنۍ کواښ کوي چې که په دوو ورځو کې یې د کورنۍ د غړي قاتلین محکمې ته حاضر نشي نو یو ځل بیا به د طالبانو پرضد لاریون وکړي.

د طالبانو بیا ځلي واک ته رسیدو له عامه خلکو سره د دوی چلند تر ډېره خشن دی او د ورځې په تېریدو د دوی پرضد د ولس کرکه مخ په زیاتېدو ده.

100%

په وروستیو ورځو کې د بدخشان درایم او ارګو ولسوالیو اوسیدونکو د طالبانو پر ضد پراخ لاریونونه وکړل.

د دغو لاریونوالو نیوکه دا وه، چې طالبان د کوکنارو د اړولو په پهانه د خلکو کورونو ته ننوځي او د ځايي خلکو شخصي حریم تر پښو لاندې کوي.

دغه وزارت ویلي، یاد هوکړه لیکونه د ودانیزو توکو، سیخ و ګول، ودانیزو رنګونو، د مرمرو ډبرې او د خوراکي توکو په برخو کې لاسلیک شوي دي.

تر دې وړاندې د طالبانو د سوداګرۍ وزیر نورالدین عزیزي د ترکمنستان د سوداګرو ټولنې له مشر اتاقلي اوف سره په لیدنه کې له نوموړي غوښتي و، چې خپل سوداګر دې په افغانستان کې پانګونې ته وهڅوي.

دغه وزارت (د غويي په ۱۰مه) ویلي و، د ترکمنستان، قزاقستان او طالبانو تر منځ د تورغونډۍ په بندر کې درې اړخیزه هوکړه شوې چې له مخې به یې یو ګډ لوژیستیکي ستر مرکز هم جوړ شي.

طالبان د خپلې واکمنۍ وروسته له تاجکستان پرته د منځنۍ اسیا له نورو هېوادونو سره توده راشه درشه لري؛ خو تر اوسه یو هېواد هم دغه ډله په رسمیت نه ده پېژندلې.

سرچینو د دوشنبې په ورځ افغانستان انترنشنل ـ پښتو ته وویل، چې د شاولي کوټ ولسوالۍ په ښکته سوزنيانو کلي کې د نورمحمد په نوم د یو کس جسد چې په ونه کې ځړولی شوی و موندل شوی دی.

دغه کس اصلي د ارغنداب ولسوالۍ د خواجه ملک سیمې اوسیدونکی دی؛ خو د وژنې انګېزه يې لا تر اوسه معلومه نده.

سرچينې افغانستان انټرنشنل ته پر ونه د هغه د ځړوند جسد تصوير هم لېږلی دی.

د يوې بلې سرچينې د معلوماتو له مخې؛ نن دوشنبه د کندهار په پنځمه حوزه کې يو بل کس په ډزو ويشتل شوی او وژل شوی دی.

سرچينه وايي، چې ځايي طالبانو د دې کس د وژنې په تور څلور کسان نيولي دي.

نيولو شویو په خپلو خبرو کې ويلي، چې وژل شوي کس خپله ځان په تومانچه ويشتلی او وژل شوی دی.

په کندهار کې طالبانو تر اوسه د دې پېښو او د وژل شويو کسانو د هويت او کار په اړه معلومات نه دي شریک کړي.

په کندهار کې مرموزي او هدفي وژنې زيات شوي او ښاریان يې هم له اندېښنو سره مخ کړي دي.

د کندهار اوسېدونکي دا ډول پېښې د طالبانو د انتقامي وژنو یوه برخه يادوي.