د زیلینسکي د وژلو دسیسې تر افشا کېدو وروسته یې د امنیت مشر له دندې ګوښه کړل شو

د اوکراین دفاع وزارت وویل، چې په سرحدي سیمو کې د جګړې په سختېدو سره یې هلته نور ځواکونه استولي دي او زیاته کړې یې ده، چې روسیې د ووچانسک سرحدي ښارګوټی پر کنټرول شوو بمونو او توپونو ویشتی دی.

ولسمشر ولادیمیر زیلینسکي په کییف کې خبري غونډې ته وویل: "روسیې په ښارکیف کې د ځوابي بریدونو نوې څپه پیل کړې ده او اوس په دغه سیمه کې سخته جګړه روانه ده."

اوکراین په دغه سیمه کې د روسیې د تیاري په اړه خبرداری ورکړی او ویلي و، چې ښايي د برید لپاره د چمتووالي نښه وي. دا لا څرګنده نه ده چې مسکو به په دغو سیمو کې خپل بریدونه لا ډیر کړي که نه.

زیلینسکي ویلي، چې روسیه ممکن په پسرلي یا دوبي کې د لوی برید لپاره چمتووالی ونیسي.

هغه خبریالانو ته وویل، چې د کییف ځواکونه د جمعې د ورځې برید ته چمتو وو، خو کیدای شي چې مسکو دغې سیمې ته نور ځواکونه واستوي.

د اوکراین د دفاع وزارت په یوه اعلامیه کې ویلي: "د سهار په شاوخوا پنځو بجو، دښمن هڅه وکړه چې د زغرګاډو پر مټ زمونږ دفاعي کرښه ماته کړي. تر اوسه، دا بریدونه په شا تمبول شوي دي؛ په سیمه کې سخته جګړه روانه ده."

د اوکراین یوې جګپوړې پوځي سرچینې له نوم پرته وویل، چې روسي ځواکونو ووچانسک ته نژدې له سرحدي پولې اوکراین ته کیلومتر ور ننوتلي دي.

د سرچینې په خبره، د روسي ځواکونو موخه دا ده چې اوکرایني ځواکونه ۱۰ کیلومتره په شا وتمبوي، خو د اوکراین پوځیان هڅه کوي چې مخه یې ونیسي.

که څه هم تمه نه کیږي چې د ملګرو ملتونو په عمومي اسمبلۍ کې د جمعې د ورځې رایه په نړیوال ډګر کې د فلسطین اهمیت کې بدلون را ولي، خو د دوی د وړاندیز په اړه به یوه نړیواله ارزونه وکړي.

دا ملاتړ به د فلسطین د غړیتوب شرایطو په رسمیت پیژندلو او د ملګرو ملتونو امنیت شورا ته د "بیاکتنې" لپاره د خپلې غوښتنې د بیا سپارلو لپاره وشي.

په ملګرو ملتونو کې د بشپړ غړیتوب غوښتنه باید لومړی د امنیت شورا د ۱۵غړو او بیا د عمومي اسمبلۍ له خوا تایید شي.

د ملګرو ملتونو د منشور له مخې، د دې سازمان غړي باید "سوله پال" وي.

ډیپلوماټان وړاندوینه کوي چې د مسودې متن ممکن د تصویب لپاره اړین ملاتړ ولري.

په ملګرو ملتونو کې د اسراییل سفیر ګیلاد اردان د عمومي اسمبلۍ د پرېکړه لیک مسوده وغندله او ویې ویل چې دا پرېکړه لیک په عملي توګه فلسطینیانو ته دولتي حیثیت او حقونه ورکوي چې د ملګرو ملتونو د منشور له اصولو سره په ټکر کې دي.

فلسطینیان دا مهال د ملګرو ملتونو څارونکی هېواد دی او دا حیثیت په ۲۰۱۲کال کې د ملګرو ملتونو د عمومی اسمبلۍ له خوا دوی ته ورکړل شوی دی.

په نیویارک کې د ملګرو ملتونو د فلسطیین د کورواکه ادارې پلاوي د پنجشنبې په ورځ غړو هېوادونو ته په یوه لیک کې ویلي چې د پریکړه لیک د مسودې منل به د دوو دولتونو د حل لارې په ساتلو کې مرسته وکړي.

اسراییلي ټانکونو هغه عمومي سړک نیولی چې د رفح ښار ختیځې او لوېدیځې برخې سره وېشي او د ښار ختیځه برخه یې محاصره کړې ده.

د دغه برید له امله امریکا له خپل متحد اسراییل سره ځیني پوځي مرستې بندې کړې دي.

د رفح ښار اوسیدونکي وايي، چې نن یې د غزې تړانګې په سویلي څنډه او د دغه ښار په ختیځ او شمال ختیځو سیمو کې دوامداره چاودنې او د توپونو ډزې اوریدلې دي.

د هغوی په وینا، په سیمه کې د اسراییلي پوځ او حماس جنګیالیو ترمنځ سخته جګړه روانه ده.

حماس ویلي، چې د ښار په ختیځ کې یې یوه جومات ته څېرمه اسرايیلي ټانکونه په نښه کړي، هغه څه چې رفح ښار ته د اسراییلي ځواکونو ننوتل ښيي.‌

اسراییل د رفح له ختیځې برخې څخه ملکي وګړو ته د وتلو امر کړی او په لسګونو زره خلک یې اړ کړي چې له ښاره بهر سیمو کې پناه واخلي.

تر دې وړاندې څه باندې یو میلیون فلسطینیانو د اسراییل د بریدونو له ویرې رفح ښار ته پناه وړې وه.

اسراییل وايي، پر رفح ښار له برید پرته له حماس سره جګړه نه شي ګټلی او ادعا کوي چې د دغې ډلې زرګونه جنګلیاو په رفح ښار کې پناه اخیستي.

د ملګرو ملتونو مرستندویه ادارو ویلي، چې لا له وړاندې غزې ته د مرستو اکمالات محدود و او پر رفح ښار د اسراییل له برید وروسته کیدای شي چې د مرستو رسول په بشپړه توګه ودریږي، ځکه چې غزه کې د تیلو او خوراکي توکو زیرمې مخ په خلاصیدو دي.

په غزه تړانګه کې د یونیسف لوړ پوړي همغږي کوونکي، هامیش ینګ وویل، "له پنځو ورځو راهیسې، غزې ته هیڅ تیل او نورې بشري مرستې نه دي رسیدلې او موږ په زیرمو کې پاتې وروستۍ مرستې کاروو."

مرستندویه ادارې وايي، چې جګړې تر اوسه په سلګونو زره بې ځایه شوي ملکي وګړي له سختو زیانونو سره مخامخ کړي دي.

د تاجکستان د لویې څارنوالۍ دفتره په خبرپاڼه کې راغلي، چې ښاغلي یوسفزاده او میکالر له افراطیت او ترهګرۍ سره د مبارزې په اړه خبرې وکړې.

د هغو ننګونو او ګواښونو په اړه د معلوماتو تبادله چې د تاجکستان او متحده ایالاتو امنیت تهدیدوي، د دواړو هیوادونو د اتباعو د حقونو او ګټو ساتنه، د افراطیت، تروریزم، سایبري جرمونو او پلاني بین المللي جرمونو مخنیوی او مبارزه د رحمان یوسف زاده او مانویل میکالر ترمنځ د خبرو نور موضوعات دي.

د تاجکستان ولسمشر امام علي رحمان پرون په مسکو کې له خپل روسي سیال سره په کتنه کې وویل، تاجکستان له دېرشو کلونو راهیسې له افراطیت او ترهګرۍ سره مبارزه کوي او دې مبارزې ته به دوام ورکړي.

دغې ادارې زیاته کړه، دوی چې هرچیرې ځي د اسراییل د بریدونو له دوامدار ګواښ سره مخامخیږي.
دغې ادارې په اېکس پاڼه لیکلي:« د غزې په تړانګه کې هیڅ ځای خوندي نه دی او د ژوند شرایط خورا ناوړه دي.»
دغې ادارې یو ځل بیا په غزه کې د "سمدستي اوربند" غوښتنه کړې ده.

له بل پلوه د امریکا ولسمشر جو بایډن ګواښ کړی، چې پر رفح د برید په صورت کې به اسراییل ته د امریکا د وسلو لېږد بند کړي.

د اسراییل لومړي وزیر بنیامین نتنیاهو یې هم په ځواب کې ویلي، چې هېڅ ډول فشار به دوی له خپل هېواده له دفاع را ونه ګرځوي.

هغه زیاته کړه: "موږ به یوازې ودرېږو."

اسراییل د هوايي بریدونو سربېره خپل ځواکونه د فلسطین په رفح بندر کې ځای پر ځای کړي او دغې سیمې ته د بشري مرستو لاره یې هم تړلې ده.