طالبان: سږ کال به ازبکستان د افغاني توکو د ټرانزیټ په برخه کې ۴۰ میلیونه ډالره تخفیف ورکړي

په پکتیا کې یو شمېر سیمه ییزو سرچینو افغانستان انټرنشنل - پښتو ته تایید کړې، چې د پکتیا د ځاځي اریوب ولسوالۍ د سپینې شګې په سیمه کې د طالبانو او پاکستان تر منځ جګړه شوې ده.

د ځايي خلکو په وینا، چې لا هم د توپونو خال - خال ډزې اورېدل کیږي او جګړه په بشپړ ډول نه ده ختمه شوې.

یو قومي مشر د نوم د نه ښودلو په شرط وویل، چې په مڼه جبه سیمه کې لا هم جګړه روانه ده.

هغه زیاته کړه: " لومړۍ نښته د پاکستان له خوا شروع شوه او ورپسې طالبانو هم شروع کړه".

تر اوسه طالبانو په رسمي ډول په دې اړه رسنیو ته څه نه دي ویلي.

تېره ورځ له اسلام اباد څخه سرچېنو افغانستان انټرنشنل ته تایید کړه، چې د دې هېواد هوایي ځواکونو د پنجشنبې په ورځ (د غويي ۲۰ مه) نېټه د پکتیکا په وړممۍ ولسوالۍ کې د تحریک طالبان پاکستان ځایونه په نښه کړل.

په ورته وخت کې سرچېنې وايي، چې پاکستاني توغندي په پکتیکا کې پر هدفونو لګېدلي دي.

د پاکستان ددغه برید په اړه تر اوسه طالبانو کوم غبرګون نه دی ښودلی.

د یکشنبې په ورځ (د غويي ۲۳مه) د دغه سازمان پرمختیايي پروګرام په ایکس ټولنیزه شبکه کې یو یادښت خپور کړی او لیکلي یې دي: "د ملګرو ملتونو پراختیايي پروګرام د افغانستان د خلکو په غم کې شریک دی.موږ د معیشت بیا رغولو او د ټولنې مهم زیربنا بیا رغولو ته ژمن یو."

د افغانستان په یو شمېر ولایتونو کې سختو سېلابونو خلکو ته ځاني او مالي زیانونه اړولي دي.

تر دې مخکې د ماشومانو د ژغورنې صندوق ویلي وو، چې د بغلان په پنځو ولسوالیو کې ۶۰۰ زره کسان سېلابونو اغېزمن کړي، چې ۳۱۰ زره یې ماشومان دي.

د ملګرو ملتونو د ماشومانو د وجهي صندوق (یونېسف) د راپور له مخې؛ ویجاړونکو سېلابونو په بغلان، تخار او بدخشان کې څه باندې درې زره کورونه ویجاړ کړي دي.

د طالبانو د کډوالو وزارت وايي، چې په هېواد کې وروستیو سېلابونو په بغلان ولایت کې ۲۶۶۵ د استوګنې کورونه نړولي دي.

تېره اونۍ او نن د درایم او ارګو ولسوالیو خلکو پراخ لاریونونه وکړل او ویې ویل، چې طالبان د کوکنارو د کروندو د ویجاړولو په پلمه د خلکو کورونو ته ننوتي او شخصي حریم یې تر پښو لاندې کړی دی.

ځايي اوسیدونکو پر وینا؛ طالبانو په دغو دوو ولسوالیو کې د بدخشان لږ تر لږه دوه اوسېدونکي وژلي دي.

په تازه لاریونونو کې چې په تاوتریخوالي بدل شوي، درې کسان وژل شوي او له لسو زیات ټپیان شوي دي.

له بدخشان څخه سرچينو افغانستان انټرنشنل ته د (غويي ۲۴مه) وویل، چې د «ارګو ولسوالۍ په برلاس شمر کلي» کې یو ځل بيا ځايي خلکو د طالبانو پر وړاندې لاريون کړی دی.

له سيمې څخه سرچينې زياتوي، چې طالبانو د لاریون د مخنيوي پر مهال له تاوتريخوالي کار اخیستی او پر لاریون کوونکو يې ډزې کړي.

د لومړنيو معلوماتو له مخې؛ د طالبانو په ډزو کې ۳ لاريون کوونکي وژل شوي او تر لسو زيات زخميان شوي.

سرچينه وايي، چې زخميان یې روغتيايي مرکزونو ته انتقال کړي دي.

د لاريون کوونکو په خبره؛ طالبانو يو شمېر لاريون کوونکي هم نیولي او بنديان کړي دي.

سرچينه زياتوي، چې معترضان یو ځل بيا د لاريون لپاره چمتوالی نيسي.

په ارګو ولسوالۍ کې د اعتراضونو بیا راپورته کېدل ښيي، چې طالبانو تر اوسه د خلکو غوښتنو ته د قناعت وړ ځواب نه دی ورکړی.

لاريون کوونکو په خپل پرېکړه ليک کې درې غوښتنې مطرح کړې: «له بدخشان څخه د غیر مقیم طالبانو شړل، د کوکنارو د کښت لپاره بديل برابرول او قاتلينو ته سزا ورکول.»

څو ورځي وړاندې د طالبانو د بدخشان د امنیه قوماندانۍ ویاند ويلي وو، چې د دغه ولایت په درایم ولسوالۍ کې د دوی ځواکونو د کوکنارو کروندې له منځه وړلې، چې خلک د ځینو کسانو په هڅونه د دوی پر وړاندې ودرېدل.

خو ځايي خلک وايي، چې د طالبانو له خوا د خلکو «شخصي حریم» ته د نه درناوي له امله یې مظاهرې پیل کړې دي.

له بدخشان څخه سرچېنو افغانستان انټرنشل ته د (غوايي ۲۴مه) ويلي، چې په سېمه کې وضعیت سم ندی او طالبانو لاريون کوونکي وهلي او ډبولي دي.

يوسرچېنې، چې نه یې غوښتل نوم يې واخېستل شي وویل؛ طالبانو د لاریون څخه پر عکس او ويډيو اخېستلو هم بنديز لګولی.

د سرچېنې د معلوماتو له مخي طالبانو د لاریون د مخنوي لپاره هوايي ډزې کوي ترڅو د لاریون مخه ونيسي.

سرچېنې وایي، چې طالبانو د همدې لاريون کوونکو څخه یو شمېر کسان نيولي او بنديان کړې يې دي.

د بدخشان ولایت په درایم او ارګو ولسوالیو کې هغه وخت لاریونونه پیل شول، چې د طالبانو د کوکنارو کروندې له منځه وړلې؛ خو ځايي خلک وايي، د طالبانو له خوا د خلکو «شخصي حریم» ته د نه درناوي له امله یې مظاهرې پیل کړې .