ایران انټرنشنل ته د جنیوا په سرمشریزه کې د ۲۰۲۴ کال د زړورتیا مډال ورکړل شو

د ایران انترنشنل د چهارشنبې په ورځ د (غويي ۲۶مه)د یو لړ مراسمو په ترڅ کې د بشري حقونو او ډېموکراسۍ په برخه کې د جنیوا په سرمشریزه کې د ۲۰۲۴ کال د زړورتیا مډال ورکړل شو.

د ایران انټرنشنل د خپرونو اجراییوي مدیر علي اصغر رمضان پور او د دې شبکې د خپرونو یو وړاندې کوونکې پوریا زراعتي د ایران د انټرنشنل په استازیتوب دا جایزه د ملګرو ملتونو د سفیرانو، د بشري حقونو فعالانو او د نړۍ له بېلابېلو برخو څخه د خبریالانو په حضور کې د یو لړ مراسمو پر مهال تر لاسه کړه.

د غونډې تنظیموونکي وايي؛ دوی دا جایزه د ایران له خوا د ایرانیانو د ورځني ظلم او ځورونې د زړورتیا د افشا کولو له امله د ایران انټرنشنل ادارې ته ورکړې ده.

په دې مراسمو کښې د ایران انټرنشنل د خبریالانو په وړاندې د نړۍوالو فشارونو او ګواښونو او د دغې ډلې د کارکونکو زړورتیا ته اشاره وشوه او ویې ویل؛ چې د ایران د اطلاعاتو وزارت د خپلو خبرونو د پوښښ له امله یو ترهه ګره اداره وبلله.

رمضان پور په دې مراسمو کې په یوه مرکه کې ټینګار وکړ، چې ایران انټرنشنل ځان په ایران کې د خبریالانو د کورنۍ یوه برخه ګڼي او د دغې شبکې پر وړاندې د ایران د حکومت د غوسې علت د هغو ایراني خبریالانو اندېښنه ده، چې په تېرو څلورو لسیزو کې ځپل شوې ده.

پوريا زراعتي همدا راز وویل؛ دا باید هېره نه کړو، چې په سلګونو زره زړورو ایراني ځوانانو د مهسا امیني په ملاتړ په لارو کوڅو کې لاریون وکړ، چې ګڼ شمېر یې وژل شوي او زرګونه کسان په زندانونو کې دي.

هغه د ایران د انټرنشنل د دوو کارکوونکو د وژلو او بريد د ایران ارادې ته په اشارې سره وویل؛ کله چې ډېپلوماسۍ کار ونه کړی باید تهران ته یو واضح پیغام ولیږل شي، چې د دغه چلند دوام به جدی پایلې ولری.

دا کلنۍ ناسته د ۲۵ غیر دولتي سازمانونو د ایتلاف له خوا ترسره کیږي او هڅه کوي د نړۍوالې ټولنې پام د بشري حقونو پیښو ته واړوي، چې سمدستي څېړنې او عمل ته اړتیا لري.

د جنیوا غونډه هر کال د ملګرو ملتونو د بشري حقونو د شورا له اصلي غونډې مخکې جوړیږي او اصلي موخه یې د دې سازمان د بشري حقونو د شورا په اجنډا کې د مهمو نړیوالو مسالو شاملول دي.