د سلواکیا لومړی وزیر په برید کې زخمي او روغتون ته ولېږدول شو

پاکستاني رسنیو د اسلام اباد د سترې محکمې د مشر قاضي عامر فاروق په حواله ویلي، چې عمران خان به د لس لکو کلدارو بانډ یا چېک قضايي ارګانونو ته سپاري او له مخې به یوازې په همدې قضیه کې د نوموړي ضمانت منظوریږي.

د عمران خان د حکومت له ړنګېدا وروسته پر نوموړي تور و، چې له دولتي ډالیو څخه یې په شخصي ډول استفاده کړې، دولتي رازونه یې بیان کړي او د عدت پر مهال یې له بشرا بي بي سره واده کړی دی.

د پاکستان پخواني لومړي وزیر عمران خان د مېرمنې بشرا بي بي د پخواني مېړه وکیل بیا تېره ورځ ویلي،چې خاور مانیکا غوښتل په عدت کې مېرمن بشرا ته رجوع وکړي.

خاور مانیکا پر عمران خان او خپله پخوانۍ مېرمن تور لګولی، چې د ده او بشرا د طلاق عدت یا ټاکلې نېټه پوره نه وه، چې عمران خان ورسره واده وکړ.

خو د عمران خان اوسنۍ مېرمنې بیا ویلي، چې پخواني مېړه یې خاور مانیکا په ۲۰۱۷ کال کې طلاق ور کړی و او له عمران خان سره یې په ۲۰۱۸ کې واده وکړ.

رویټرز د سې شنبې په ورځ (د غویي ۲۵مه) راپور ورکړی، چې په غزه کې د اسراییل په دې بریدونو کې د ۲.۳میلیونو څخه ډېر خلک یې له خپلو کورونو بې ځایه کړي دي.

د غزې خلک چې له پنځو یا شپږ ځله زیات بې ځایه شوي دي ستړي او مایوسه دي.

الجزیرې د سې شنبې په ورځ (د غویي ۲۵مه) لیکلي چې خلک په دوامداره توګه د بې ځایه کیدو څخه ستړي شوي دي.

دوی ناامیده دي او وایي، چې له یو ځای څخه بل ځای ته تلل د دې تضمین نه کوي چې دوی به د اسراییل د هوایي بریدونو څخه په امن کې پاتې شي.

فلسطیني اداره وایي، ۸۰ سلنه روغتیایي مرکزونه له خدماتو پاتې دي.

جګړه د اکتوبر په اوومه هغه مهال پیل شوه چې د حماس وسله والو له پولې ها خوا پر اسراییل برید وکړ. اسراییل وايي، د حماس وسله والو په غزه کې تر ۱۲۰۰ډېر کسان وژلي، چې ډېری یې ولسي وګړي دي او ۲۵۳یې بندیان کړي دي.

تېرو ورځو کې د دې مظاهرو او تاوتریخوالي له امله د یوه پولیس په ګډون څلور کسان ووژل او تر سلو ډېر ټپیان شول.

د رویټرز د راپور له مخې؛ د ټلوالې مشر شوکت نواز میر صوبايي مرکز مظفر اباد کې د پرېکړې اعلانولو سره وویل:«حکومت زموږ ټولې غوښتنې منلې دي. »

نوموړي پر لاریونوالو غږ وکړ، چې کورونو او کاروبار ته ستانه شي.

نوموړي له حکومت وغوښتل چې د درېیو وژل شویو لاریونوالو او یوه پولیس د کورنۍ مالي ملاتړ ومني.

دا مظاهرې له هغه وروسته بندېږي چې د پاکستان لومړي وزیر شهباز شریف د اوړو او برېښنا بېل د سبسایډي په ګډون د لاریونوالو د ډېری غوښتنو د ځوابولو لپاره د ۸۶ میلیونه ډالرو منظوري وکړه.

شهباز شریف دا هم ویلي، چې په نږدې ورځو کې به کشمیر ته لاړ شي او هلته به له نږدې حالات وګوري.

نوموړي په کابینه کې نن دا هم وویل، چې د ایتلافي حکومت د ټولو شریکانو په مشوره یې کشمیر ته پیسې ځانګړې کړې دي.

د جیو نیوز د راپور له مخې؛ د عمران خان او بشرا بي بي پر خلاف په عدت کې د نکاح کېس د اورېدنې غونډه کې نن د ښاعلي مانیکا وکیل وویل؛ خاور مانیکا غوښتل په عدت کې بشرا بي بي ته رجوع وکړي؛ خو تر عدت ختمېدو مخکې ښاغلي خان او مېرمن بشرا واده سره وکړ.

وکیل رضوان عباسي زیاته کړه، چې دا ډول د درغلۍ واده جرم دی.

د پاکستان یوې محکمې د تېرې فېبرورۍ په لومړیو کې او له ټاکنو څو ورځې مخکې عمران خان او د هغه د مېرمن بشرا بي بي واده د عدت په وخت او ناقانونه وباله او دوی یې په اووه کاله بند او جریمه محکوم کړل.

د عمران خان او بشرا بي بي خلاف دا قضیه د مېرمن بشرا پخواني مېړه جوړ کړې او دعوه یې کړې وه، چې د اسلامي شریعت د اصولو له مخې د طلاق ټاکلی عدت پوره نه و او دوی واده وکړه.

په ځواب کې بشرا بي بي وايي، چې پخواني مېړه یې خاور مانیکا په ۲۰۱۷ کال کې طلاق ور کړی و او له عمران خان سره یې په ۲۰۱۸ کې واده وکړ.

د اروپايي ټولنې شورا د سې شنبې په ورځ په خپلې اعلامیه کې لیکلي؛ پرېکړه یې کړې، چې د ایران د میزایلو او ډرون برنامو پر وړاندې د محدودو اقداماتو د پلي کولو لپاره د دغې اتحادیې صلاحیت پراخ کړي.

اروپايي ټولنه اوس کولی شي هغه اشخاص او بنسټونه په نښه کړي، چې د ایران د توغندیو او بې پیلوټه الوتکو په لېږد او پلور کې ښکیل دي.

د اسټرالیا حکومت هم د سې شنبې په ورځ (د غویي ۲۵مه) د بندیزونو په اړه او د هغه څه په ځواب کې چې د ایران بې ثباته کوونکی چلند بولي، د ایران د سپاه پاسداران د سمندري ځواک او د سپاه پاسداران د قدس ځواکونو د قوماندان اسماعیل قااني په ګډون درې بنسټونه او پنځه کسان تحریم کړل.

د دغو بندیزونو له مخې؛ به د په نښه شویو کسانو شتمنۍ بندې او اروپايي ټولنې ته به د هغوی پر تګ راتګ بندیز ولګول شي.

د فرانسې د بهرنیو چارو وزارت د اروپايي ټولنې د شورا د دې پرېکړې هرکلی کړی دی.

د اسراییل پر ضد د ایران د بې پیلوټه الوتکو او توغندیو له مستقیم برید وروسته، اروپايي ټولنې دغه بریدونه په کلکه وغندل او هغه یې « تاوتریخوالی او د سیمې امنیت ته یو ګواښ» وباله.