د طالبانو مشر له ځینو وزارتونو سره د اتو خپلواکو ادارو د یو ځای کولو امر کړی
د طالبانو ویاند ذبیح الله مجاهد وایي، د دغې ډلې مشر ملا هبت الله امر کړی چې اته خپلواکې ادارې دې د هغو وزارتونو سره مدغمې شي چې چارې یې له یو بل سره اړخ لګوي.
د طالبانو ویاند ذبیح الله مجاهد وایي، د دغې ډلې مشر ملا هبت الله امر کړی چې اته خپلواکې ادارې دې د هغو وزارتونو سره مدغمې شي چې چارې یې له یو بل سره اړخ لګوي.
ښاغلي مجاهد سیمهییزو رسنیو ته ویلي، چې د تفتیش اداره یې د څارنې او تعقیب له ادارې سره، طبي شورا یې د عامې روغتیا له وزارت سره، د خوړو او درملو اداره د روغتیا له وزارت، د اوسپنې پټلۍ د ټولګټو وزارت سره، د نورم او سټندرډ اداره یې د مالیې له وزارت، د المپیک کمېټه یې د بدني روزنې، د خوراکي توکو مرکزي او ولایتي ازماېښتونو اداره یې د عامې روغتیا وزارت د خوړو او درملو له معینیت سره مدغم شوي او د حرفهیي زدهکړو اداره یې د کار او ټولنیزو چارو له وزارت سره مدغم کړې دي.
که څه هم چې د طالبانو ویاند د دغه کار اصلي موخه د تشکیلاتي پړسوب او د اضافي لګښتونو مخنیوی ښودلی او دا یې هم ویلي، چې د دغو ادارو کارکوونکي به د اړتیا له مخې پر خپلو دندو پاتې کېږي؛ خو ځیني شنونکي وایي، طالبان غواړي په دې توګه د دولتي کارکوونکو شمېر راکم کړي او یا یې پر ځای خپل ملګري او پلویان وګوماري.
د دغو شنونکو په باور سره له دې چې همدا اوس هم په افغانستان کې د وزګارتیا کچه ډېره لوړه ده، له دې سره به د وزګارو کسانو په شمېر کې نور زیاتوالی هم راشي او ګڼ خلک به د لا زیاتو اقتصادي ستونزو سره مخامخ شي.
طالبانو تر دې وړاندې هم یو شمېر ادارې له تشکیلاتو اېستې وې، چې په هغو کې د پارلماني چارو وزارت، د سیمهییزو ارګانونو اداره، د ښځو چارو وزارت، د سولې عالي شورا او ځینې نورې ادارې شاملې وې، چې کارکوونکي یې تر اوسه سرګردانه او لالهانده دي.
د ټېلګراف په وینا، د طالبانو تر واکمنۍ وروسته د یو کیلو تریاکو بیه له ۳۰ پونډو څخه تر ۸۰۰ او ۱۰۰۰ پونډو پورې لوړه شوه چې د طالبانو ځینې لوړ پوړي چارواکي ترې ګټه پورته کوي.
ټېلګراف د دوشنبې په ورځ د غويي په ۲۴مه په یوه راپور کې له ایران سره په پوله او پرتو سیمو کې د افغان کروندګرو لهخوا د غولک یا منجنیق په وسیله ایران ته د نشهیي توکو د انتقال او پټنځایونو ته کتنه کړې ده.
ټېلګراف لیکي، چې افغان کروندګرو د نیمروز ولایت او د سیستان او بلوچستان له پولو ایران ته تریاک قاچاق کول؛ خو وروسته له هغه چې طالبانو پر افغانستان ولکه ټینګه کړه او د کوکنارو پر کښت یې بندیز ولګاوه، افغان بزګرانو اوس یوه بله حل لاره پیدا کړې ده.
د جبار په نوم یو افغان کروندګر ټېلګراف ته وویل: «طالبانو د نشهیي توکو سره د مبارزي لپاره د خلکو نیول ګړندي کړي، له همدې امله موږ اوس په تیاره کې نشهیي توکي د غولک په وسیله ایران ته غورځوو او هره شپه له مختلفو ځایونو څخه کار اخلو؛ ترڅو له طالبانو دوی سره د مخامخ کېدو مخه ونیسو.»
طالبان د کوکنارو پر کښت سخت بندیز لګولی.
د طالبانو دغه پالیسي تېره اونۍ په ارګو او درایم ولسوالیو کې د خلکو د نارضایتي سبب شوه او یوشمېر کسان له طالبانو سره لاس او ګرېوان شول.
د تورو سرو زور پټه کرنه
د کوکنارو پر کښت بندیز د نشهيي توکو پر بیو د پام وړ اغېز کړی او کروندګر یې اړ کړي، چې په پټه په خپلو باغونو کې کوکنار وکري.
احمد ولي د فراه په یوه لرې پراته کلي کې خپل د انګورو باغ کې کوکنار کرلي دي او د باغ شاوخوا یې لوی لوی دېوالونه ترې چاپېر کړي دي.
خپل دوه زامن یې دې ته ځانکړي کړي، چې د طالبانو د راتګ او یا هم د شکمنو کسانو د فعالیت په اړه ورته سم دستي راپور ورکړي.
نوموړي ټېلګراف ته وویل:« ما په کندهار او هلمند کې د کوکنارو کروندې لرلې؛ خو طالبانو له منځه یووړې.»
نوموړي ته یوه اندازه تریاک له تېر کاله ورپاتې دي او له پېرلو یې ډډه کړې؛ ځکه د تریاکو بیه ورځ تر بلې لوړېږي.
د بندیز ګټه د طالبانو جېبونو ته ځي
یو طالب چارواکي د نوم نه ښودلو په شرط دغې بريتانوۍ ورځپاڼې ته ويلي، چې د طالبانو له لوري د کوکنارو د کښت د مخنيوي يو اصلي لامل د ترياکو د بيو لوړېدل دي، چې په دې توګه هغه طالب چارواکي چې د کوکنارو پټې زېرمې او د کوکنارو پټې کروندې لري.
او له دغه لارې ډېره شتمنې پیدا کړي.
په هرات ولایت کې یوه طالب چارواکي ټېلګراف ته وویل: «د بندیز ټوله مسله د بیو د لوړولو لپاره ترسره کېږي. ډېرو یې [طالبان]، په ځانګړې توګه هغه کسان چې په کندهار کې نفوذ لري، په سلګونو کیلوګرامه تریاک زېرمه کړي دي."
هغه زیاته کړه: «تر دوه کاله وړاندې زما قومندان له یوه زاړه موټرسایکل پرته بل څه نه درلودل؛ خو اوس دوه لنډ کروزر موټر او یو لوکس کور لري.» "دوی د کوکنارو د هرې کروندې له منځه تللو سره شتمن کېږي."
دغه سيمهييز طالب چارواکی وايي، چې تېره مياشت يې په هرات ښار کې له يوه سوداګر څخه ١٢٠ کيلوګرامه ترياک کشف او ترلاسه کړل؛ خو « له کندهار سره یې ټلیفوني اړیکه ونیوه او ۵۰ کیلو ګرامه یې د لوړ پوړي طالب قوماندان سره ژمنه وکړه، ۲۰ کیلو یې زما د قوماندانو تر منځ ووېشل او په دې توګه یې ځان له سزا خلاص کړ.»
افغانستان په نړۍ کې د تریاکو تر ټولو لوی تولیدونکی هېواد بلل کېږي؛ خو د طالبانو لهخوا د کوکنارو پر کښت له بندیز وروسته او د ملګرو ملتونو د راپور له مخې، په دغه هېواد کې د تریاکو تولید تر ۹۰ سلنه ډېر کم شوی دی.
د ټېلګراف د راپور له مخې، په هلمند ولایت کې چې یو وخت د افغانستان تر ټولو زیات تریاک تولیدول، تېر کال د کوکنارو کښت ۲۵۰۰ جریبه ته راټیټ شو.
خو په دې ولایت کې د کوکنارو کښت صفر شوی نه دی؛ ځکه یو شمېر کروندګر د نشهيي توکو د کر او حاصل لپاره له بېلابېلو لارو کار اخلي.
یو هلمندی کروندګر غلام يحيى وايي، چې د کوکنارو په شاوخوا کې يې غنم کرلي او ورور يې، چې طالب دى له ده سره همکاري کوي، چې خپلې کروندې له ويجاړتيا وژغوري.
هغه وويل: "زه کله ناکله هغه ته ترياک او پيسې ورکوم او مننه ترې کوم." دغه افغان کروندګر زیاتوي، چې اوس " تریاک د تورو سرو زرو په شان دي."
هغه پلان لري، چې د خپل تره د زوی له لارې نیمروز ته یو څه نشهيي توکي ولېږدوي او په لوړه بیه یې په ایران کې وپلوري.
