په هرات کې یوې ټرافیکي پېښه کې ۴ کسان مړه او ۱۴ نور ټپیان شوي دي
په هرات ولایت کې ځايي چارواکي وايي، چې د دغه ولایت په کرخ ولسوالۍ کې تېره ورځ د یوې ټرافیکي پېښې له امله ۱۸ کسانو ته مرګ ژوبله اوښتې ده.
په هرات ولایت کې ځايي چارواکي وايي، چې د دغه ولایت په کرخ ولسوالۍ کې تېره ورځ د یوې ټرافیکي پېښې له امله ۱۸ کسانو ته مرګ ژوبله اوښتې ده.
د طالبانو تر کنټرول لاندې باختر اژانس په خپل یوه خپور شوي راپور کې ویلي، دغه پېښه په کرخ ولسوالۍ کې د یوه کاسټر موټر او موټر سایکل ترمنځ د ټکر له امله رامنځته شوې، چې په کې ۴ تنه مړه شوي او ۱۴ نور ټپیان شوي دي.
د دغه ولایت د حوزوي روغتون د بېړنۍ څانګې مسوول ډاکټر احمدفهيم افضلي ویلي، چې په دې پېښه کې مړي او ټپيان د سيمې روغتون ته لېږدول شوي دي.
په تېرو وروستیو کې د افغانستان په بېلابېلو برخو کې ټرافیکي پېښې ډېرې شوې چې لامل یې د لارو خرابوالی او د موټر چلوونکو بې احتیاطي ښودل کېږي.
