ځايي سرچینې وايي، په میرعلي کې یو ځايي خبریال، بنو کې یو دیني عالم، په وزیرستان او اورکزیو کې درې قومي مشران په هدفي بریدونو کې وژل شوي. ويل کیږي دغه ټول بریدونه تېره ورځ سه شنبه ناوخته د نامعلومو وسله والو له لوري شوي دي.
په خیبرپښتونخوا کې دوو باوري سرچینو افغانستان انټرنشنل پښتو ته ويلي چې د شمالي وزیرستان ځايي خبریال کامران داوړ تېر ماښام د ميرعلي بازار سره نږدې کور ته په لار روان و، چې وسله والو په ډزو وواژه.د وسله والو په بل برید کې ورته مهال په همدې کلي کې د فیاض په نوم يو بل ځوان هم وژل شوی.سرچینې زیاتوي، چې په سوېلي وزیرستان کې هم تېره ورځ سه شنبه د (غبرګولي لومړۍ) نېټه وسله والو د حيات په نامه يو قومي مشر په ډزو وژلی.د دې تر څنګ په اورکزیو کې هم يو کس د مينارخان په نامه په وسلوال هدفي بريد کې وژل شوی دی.سیمه ییزې سرچینې وړاندې وايي، د عرفان په نامه یو دیني عالم بیا تېره ورځ ناوخته د وسله والو په مخامخ برید کې د بنو د پولیسو یو مرکز ته نږدې وژل شوی.پولیسو د دغو بریدونو د پخلي تر څنګ ويلي چې وسله وال په تېښته بریالي شوي او د پولیسو پلټنې پسې روانې دي.په سیمه کې خپلواک خبریال او د حالاتو څارونکي لال وزیر افغانستان انټرنشنل پښتو ته ويلي چې په دې وروستیو کې یو ځل بیا په پښتنو سیمو کې هدفي وژنې ډیرې شوې او ځايي امنیتي ځواکونه یې په مخنیوي کې پاتې راغلي.هغه وايي، په دې وروستیو کې نامعلومو وسله والو په خیبرپښتونخوا کې سیمه ییزو خبریالانو ته د مرګ ګواښونه کړي چې په وروستۍ پیښه کې یې کامران داوړ په نښه کړ.تر اوسه پورې کومې وسله والې ډلې د دغو پنځو ترسره شویو بریدونو په اړه څه نه دي ويلي.وسله والې هدفي وژنې، ماین چاودنې، هوايي بریدونه او تښتونې هغه ناخوالې دي چې له تېرو نږدې شلو کلو راهیسې د خیبرپښتونخوا او په ځانګړي ډول د وزیرستان اوسیدونکي ترې کړیږي.
بیل۲۱۲ د امریکا له خوا د ویتنام په جګړه کې د کارول شویو UH-1N چورلکو یوه ملکي ډول و. دا ډول چورلکې په نړۍواله کچه د حکومتونو او خصوصي شرکتونو له خوا په پراخه توګه کارول کیږي.
د دغې چورلکې اصلیت څه شی دی؟
د بیل چورلکې په نوم یوې کمپنۍ په ۱۹۶۰ کلونو کې د بیل ۲۱۲ چورلکې د کاناډا د اردو لپاره جوړې کړې، چې UH-1 چورلکو یو پرمختللی ماډل و. دغه نوي ماډل چورلکو د پخوانیو هغو په پرتله دوه ماشینونه درلودل، چې د توربو قوت پر مټ یې کار کاوه او د لا ډېرو کسانو د وړلو توان یې درلود.
پخوانیو هغو یوازې یو ماشین درلود. دغه چورلکه په ۱۹۷۱ کال کې په عامه توګه معرفي شوه او ډېر ژر د امریکا او کاناډا په اردو کې ځای پر ځای شوې.
د دې چورلکو کارونه څه ډول ده؟
بیل ۲۱۲ هغه چورلکه ده، چې په ټولو شرایطو کې د خلکو د لېږد، د هوایي اور وژنې تجهیزاتو د ځای پر ځای کولو، پر بار وړونکو کښتیو د کیناستلو او د مسلح چورلکو په توګه کارېدلای شي.
د دغې چورلکې ایراني ماډل چې د یکشنبې په ورځ رانسکوره شوه، د حکومتي چارواکو د انتقال لپاره جوړه شوې وه.
بیل چورلکې د پولیسو د چورلکو، د امبولانس او سرتېرو د انتقال لپاره هم کارول کیږي. دغه چورلکه پر یو وخت د ۱۵ کسانو د لېږد توان لري.
نور کوم سازمانونه له دغو چورلکو کار اخلي؟
د جاپان ساحل ګارد، په متحده ایالاتو کې د قانون پلي کونکي ادارې او د اور وژنې څانګې؛ د تایلنډ ملي پولیس او ډېری نور هېوادونه له بیل ۲۱۲ چورلکو کار اخلي.
دا روښانه نه ده، چې د ایران حکومت څو دانې بیل ۲۱۲ چورلکې لري؛ خو د ایران هوايي او سمندري ځواک له دغو چورلکو ۱۰ دانې لري.
ایران د شاه د واکمنۍ پر مهال د بیل چورلکو لوی پیرودونکی و او په منځني ختیځ کې یې تر ټولو لوی د پوځي چورلکو ځواک درلوده.
د هوانوردۍ د کارپوهانو په وینا؛ د بیل ۲۱۲ چورلکه چې د ایران ولسمشر یې لیږدوه، ښایي له ۴۰ تر ۵۰ کلونو پورې عمر یې درلوده.
ایا بیل ۲۱۲ چورلکې تر دې وړاندې هم نسکورې شوي دي؟
د بیل ۲۱۲ چورلکې تر ټولو وروستۍ د نسکورېدو پېښه په ۲۰۲۳ کال کې سپتمبر په میاشت کې وه. دغه چورلکه د متحده عربي اماراتو په سواحلو کې رانسکوره شوې وه.
په ایران کې تر ټولو وروستۍ هوايي پېښه چې بیل ۲۱۲ پور اړوند وه؛ په ۲۰۱۸ کال کې رامنځته شوه او څلور کسان پکې ووژل شول.
