د پاکستان بهرنیو چارو وزیر اسحاق ډار د سه شنبې په ورځ د شانګهای په غونډه کې وویل چې طالبان باید د «ټولګډونه سیاست او د افغانانو حقونو ته د درناوي اصول» ومني. هغه وویل، «د افغانستان لپاره د تماس ډله باید د شانګهای په سازمان کې را ژوندۍ او د عملي همکارۍ لپاره یو چوکاټ جوړ شي.»
د افغانستان په اړه د شانګهای سازمان د تماس ډلې لومړۍ غونډه په ۲۰۲۱ کال کې جوړه شوه.
د پاکستان د لومړي وزیر مرستیال او د بهرنیو چارو وزیر یو ځل بیا له طالبانو وغوښتل چې په افغانستان کې د ترهګرو ډلو د ځپلو مخه ونیسي.
هغه وويل: «موږ د افغانستان له موقت حکومت څخه غوښتنه کوو چې کوټلي او اغېزمن ګامونه پورته کړي، ځکه چې د افغانستان خاوره د کوم هېواد پر ضد ونه کارول شي.»
هغه ټینګار وکړ چې طالبان باید د ټولو افغانانو په ځانګړې توګه د ښځو او نجونو حقونو ته درناوي ولري او د نړیوالو منل شویو اصولو درناوی دې وکړي.
دغه راز د پاکستان د لومړي وزير مرستيال د اقتصادي وضعيت د ښه والي او د افغانانو د بشري وضعيت د حل په موخه د «نړيوالې ټولنې او طالبانو تر منځ د مانا لرونکو اړيکو» غوښتنه وکړه.
ښاغلي ډار د دوشنبې په ورځ د شانګهای سازمان د بهرنیو چارو د وزیرانو په دوه ورځنۍ غونډه کې د ګډون لپاره د قزاقستان پلازمېنې استانې ته تللی.
