د پاکستان له بلوچستان څخه پنجاب ایالت ته د ډبرو سکرو د انتقال پر لاریو د ناپېژانده وسلهوالو له لوري برید شوی، چې په پایله کې یې یو موټر چلوونکی وژل شوی او درې نور یې ټپیان دي.
د پاکستان له بلوچستان ایالت څخه ځايي سرچینې وايي، د سه شنبې په ماښام ناوخته د بلوچستان ایالت په دکۍ سیمه کې د نامعلومو وسلهوالو له لوري پنجاب ته د ډبرو سکرو د انتقال پر لاریو برید شوی.د سرچینو د معلوماتو له مخې، په دغه برید کې د ډبرو د سکرو بار شپږ لارۍ په بشپړه توګه ویجاړې شوې دي.سرچینې زیاتوي، په یاد برید کې یو موټر چلوونکی وژل شوی او درې تنه نور ټپیان شوي دي.بل خوا د پښتون ژغورنې غوځنګ مشر منظور احمد پښتین د یادې پېښې په اړه غبرګون ښودلی.نوموړي پر خپلې اېکس پاڼه لیکلي:« په برید کې پښتانه وژل شوي، د پاکستان پوځ د ډبرو سکرو د ساتنې لپاره د هر ټن پر سر اضافي امتیازات تر لاسه کوي؛ خو نن دې ځواب راکړي چې ساتنه یې چېرې ده؟»تر دې وړاندې هم په یاده سیمه کې د سوداګریزو توکو د انتقال پر لاریو بریدونه شوي؛ خو تر دې مهاله د دغې تازه پېښې پړه کومې وسلهوالې ډلې نه ده منلې.
بیل۲۱۲ د امریکا له خوا د ویتنام په جګړه کې د کارول شویو UH-1N چورلکو یوه ملکي ډول و. دا ډول چورلکې په نړۍواله کچه د حکومتونو او خصوصي شرکتونو له خوا په پراخه توګه کارول کیږي.
د دغې چورلکې اصلیت څه شی دی؟
د بیل چورلکې په نوم یوې کمپنۍ په ۱۹۶۰ کلونو کې د بیل ۲۱۲ چورلکې د کاناډا د اردو لپاره جوړې کړې، چې UH-1 چورلکو یو پرمختللی ماډل و. دغه نوي ماډل چورلکو د پخوانیو هغو په پرتله دوه ماشینونه درلودل، چې د توربو قوت پر مټ یې کار کاوه او د لا ډېرو کسانو د وړلو توان یې درلود.
پخوانیو هغو یوازې یو ماشین درلود. دغه چورلکه په ۱۹۷۱ کال کې په عامه توګه معرفي شوه او ډېر ژر د امریکا او کاناډا په اردو کې ځای پر ځای شوې.
د دې چورلکو کارونه څه ډول ده؟
بیل ۲۱۲ هغه چورلکه ده، چې په ټولو شرایطو کې د خلکو د لېږد، د هوایي اور وژنې تجهیزاتو د ځای پر ځای کولو، پر بار وړونکو کښتیو د کیناستلو او د مسلح چورلکو په توګه کارېدلای شي.
د دغې چورلکې ایراني ماډل چې د یکشنبې په ورځ رانسکوره شوه، د حکومتي چارواکو د انتقال لپاره جوړه شوې وه.
بیل چورلکې د پولیسو د چورلکو، د امبولانس او سرتېرو د انتقال لپاره هم کارول کیږي. دغه چورلکه پر یو وخت د ۱۵ کسانو د لېږد توان لري.
نور کوم سازمانونه له دغو چورلکو کار اخلي؟
د جاپان ساحل ګارد، په متحده ایالاتو کې د قانون پلي کونکي ادارې او د اور وژنې څانګې؛ د تایلنډ ملي پولیس او ډېری نور هېوادونه له بیل ۲۱۲ چورلکو کار اخلي.
دا روښانه نه ده، چې د ایران حکومت څو دانې بیل ۲۱۲ چورلکې لري؛ خو د ایران هوايي او سمندري ځواک له دغو چورلکو ۱۰ دانې لري.
ایران د شاه د واکمنۍ پر مهال د بیل چورلکو لوی پیرودونکی و او په منځني ختیځ کې یې تر ټولو لوی د پوځي چورلکو ځواک درلوده.
د هوانوردۍ د کارپوهانو په وینا؛ د بیل ۲۱۲ چورلکه چې د ایران ولسمشر یې لیږدوه، ښایي له ۴۰ تر ۵۰ کلونو پورې عمر یې درلوده.
ایا بیل ۲۱۲ چورلکې تر دې وړاندې هم نسکورې شوي دي؟
د بیل ۲۱۲ چورلکې تر ټولو وروستۍ د نسکورېدو پېښه په ۲۰۲۳ کال کې سپتمبر په میاشت کې وه. دغه چورلکه د متحده عربي اماراتو په سواحلو کې رانسکوره شوې وه.
په ایران کې تر ټولو وروستۍ هوايي پېښه چې بیل ۲۱۲ پور اړوند وه؛ په ۲۰۱۸ کال کې رامنځته شوه او څلور کسان پکې ووژل شول.
