د افغانستان لپاره د امریکا ځانګړي استازي توماس وېسټ د قطر د بهرنیو چارو له وزیر محمد الخلیفي سره خبرې اترې کړې دي. ښاغلي وېسټ د چهارشنبې په ورځ د (غبرګولې ۲ مه) په خپلې اېکس پاڼه لیکلي:« د افغانستان د راتلونکې لپاره لارې چارې» د دغو خبرو اترو غوښنه برخه وه.
د افغانستان لپاره د امریکا ځانګړي استازي په دغې لیدنې کتنې کې «د حل لارې او د افغانستان په حالاتو کې د پرمختیاوو او د ګډ دریځ په غوراوي کې د قطر له ونډې اخیستنې» هم مننه او قدرداني کړې.
نن سبا د افغانستان په سیاست کې قطر یو ستر لوبغاړی یادېږي او له همدغه ځایه د افغانستان د راتلونکي برخلیک د ټاکلو لپاره غونډې جوړېږي.
د قطر او د طالبانو تر منځ اړیکې د دغې ډلې د پیدایښت له لومړیو ورځو سره تړلې دي؛ بیا په همدغه هېواد کې دغې ډلې ته سیاسي دفتر په واک کې ورکړل شو، چې بیا وروسته د امریکا او دغې ډلې تر منځ د سولې تړون هم همدلته لاسلیک شو او لا هم په افغانستان کې د بدلونونو پر سر د پرېکړو اصلي ځای هم همدا هېواد پاتې شوی دی.
