د عدالت نړیوالې محکمې اسراییلو ته امر کړی چې پر رفح ښار د برید مخه ونیسي
د عدالت نړیوالې محکمې د جمعې په ورځ د یو حکم په صادرولو سره امر وکړ چې اسراییل باید سمدستي په رفح ښار کې پوځي عملیات او نور اقدامات ودروي.
د عدالت نړیوالې محکمې د جمعې په ورځ د یو حکم په صادرولو سره امر وکړ چې اسراییل باید سمدستي په رفح ښار کې پوځي عملیات او نور اقدامات ودروي.
دغې محکمې ویلي، چې پر رفح ښار برید د فلسطیني ولس لپاره بیړنۍ خطر پيښوي.
د ملګرو ملتونو عالي محکمې هم ویلي، چې له مصر سره د رفح ښار پوله باید د بشري مرستو لپاره پرانیستل شي.
دا محکمه کولی شي د هیوادونو ترمنځ د شخړو په اړه قانوني حکم صادر کړي، خو د خپلو حکمونو پلي کولو لپاره لږ اجرایوي واک لري.
ځینو رسنیو خبر ورکړی، چې د عدالت د نړیوالې محکمې له پرېکړې څو دقیقې وروسته، جنګي الوتکو د رفح ښار په مرکز کې د شبورا په کمپ یو لړ هوايي بریدونه کړي دي.
ځايي اوسېدونکو رسنيو ته ويلي، چې د يوې سختې چاودنې غږ يې اوریدلی او لیدلي یې دي چې له ودانيو څخه د لوګي هوا ته پورته کېدل.
