د جمعې په ورځ د استرالیا حکومت د یمن د انصارالله ډله چې د حوثيانو په نوم پیژندل کیږي د «تروریستي» سازمانونو په لېست کې شامله کړه. حوثیان یوه هغه وسلواله ډله ده چې د ایران اسلامي جمهوریت یې ملاتړ کوي او د دوی د نیابتي ځواکونو په نوم هم یادیږي.
د استرالیا لوی څارنوال د یوې خبرپاڼې په خپرولو سره ټینګار وکړ، چې په عدن خلیج او شاوخوا سیمو کښې د یمن د انصار الله وحشیانه حملو کې د یمن د خلکو وژلو، یرغملولو او د عربستان ټاپووزمې په شاوخوا اوبو کې د سمندري تګ راتګ د حقونو او ازادۍ په برخه کې ګډوډي سمندري امنیت او نړیواله سوکالي کمزورې کړې ده.
له دې بیان څخه یوه ورځ مخکې د برتانیا سمندري ادارې د یمن د الحدیده بندر په جنوب کې په سور سمندرګي کې د یوې بېړۍ د ډوبېدو خبر ورکړ.
وروسته له هغه چې حماس د اکتوبر په اوومه پر اسرایل برید وکړ، د یمن حوثیانو په سور سمندرګي کې پر نړیوالو بېړیو یو لړ بریدونه پیل کړل.
د تېر کال له ٢٧مې تر اوسه پورې او له اوو مياشتو څخه د زياتې مودې لپاره د بېلابېلو هېوادونو په لسګونو سوداګريزو بېړيو بريدونه شوي دي.
د استرالیا د حکومت له هغه وروسته د یمن انصارالله د تروریستي ډلې په توګه وپیژندله چې د دغه هېواد د امنیتي ادارو حوثي یاغیان په مستقیم یا غیر مستقیم ډول د "ترهګریزو بریدونو" په چمتو کولو، پالل، مرستې یا هڅولو کې ښکېل وبلل.
د استرالیا د جزا قانون د ۱۰۲ مادې له مخې، د یوه ترهګر سازمان غړیتوب، د هغې له غړو سره یوځای کېدل، په هغه کې برخه اخېستل، د هغوی روزنه او ملاتړ کول جرم دی او د دغو جرمونو سزا د ۲۵ کاله بند تر حده ده.
د حوثیانو په زیاتولړ سره، د استرالیا د جزا په قانون کې د لیست شویو ترهګرو سازمانونو شمیر ۳۰ ته رسیږي.
امریکا هم حوثي یاغیان د ۱۴۰۲ کال د جدي په میاشت کې بیا د تروریستي سازمانونو په لیست کې شامل کړل.
د یمن حوثي ډله چې مخکې د ډونالډ ټرمپ د ادارې پر مهال د امریکا د تروریستي سازمانونو په لست کې شامله وه، د ۲۰۲۱ کال په فبرورۍ کې د جوبایډن د ادارې د پرېکړې له مخې له دغه نوملړ ایستل شوې وه.
عرب لیګ په دې وروستیو کې په سور سمندرګي او عدن په خلیج کې پر کښتیو د حوثي یاغیانو بریدونه په کلکه غندلي دي.
