روسیه وايي، چې د دغه هیواد او چین د سوداګرۍ پر وړاندې د امریکا کړنې د منلو وړ نه دي

عمران خان له اډیا جېل څخه عالي محکمې ته د ویډیو لېنک له لارې خبرو کې دا هم وویل، چې په انفرادي سلول یا کوټنۍ کې ساتل کېږي.

تېر اګسټ کې له بندي کېدو راهیسې، دا لومړی ځل دی چې د ښاغلي خان خبرې په پرانیستې محاکمه کې اورېدل کېږي.

هغه قاضیانو ته په وینا کې زیاته کړه: «زما ګوند قرباني شوی، له انساني حقونو لویه سرغړونه شوې، د فېبرورۍ د اتمې ټاکنې له عمومي ماموریت تر ټولو لویه غلا وه.»

د عمران خان ګوند د پاکستان پوځ او کمېسیون په ټاکنو کې په درغلۍ تورنوي؛ خو دا دواړه لوري ورته ادعاوې او درغلۍ ردوي.

۷۱ کلن عمران خان د فساد او نورو لسګونو دوسیو له امله په جېل کې دی؛ خو نوموړی پخپله او ګوند یې دا تورونه سیاسي او له واک د دوی د لرې ساتلو لپاره بولي.

که څه هم د ټاکنو کمېسیون د پرېکړې له امله د عمران خان ګوند په تېرو ټاکنو کې د ګوند پر ځای د ازادو نوماندانو په توګه ګډون وکړ؛ خو تر نورو ګوندونو یې ډېرې څوکۍ وګټلې.

له دې سره بیا هم د اکثریت په جوړولو کې پاتې راغی او په مقابل کې یې د شهباز شریف په مشرۍ مسلم لیګ نواز ډلې له پیپلز او ایم قیو اېم ګوندونو سره ایتلافي حکومت جوړ کړ.

سره له دې، چې په نوې ډيلې د تودوخې کچه د تېرې ورځې په پرتله رالوېدلې؛ خو لا هم په ټول هېواد کې تودخې د ساڼټې ګرېډ په کچه ۴۷ درجو ته رسیږي.

تېره ورځ په نوي ډیلي کې تودوخه د سانټې ګرید په کچه ان ۵۲.۹ درجو ته رسیدلې وه.‌

100%

ډیلي، چې نږدې ۲۰ میلیونه نفوس لري، د چهارشنبې په ورځ د ګرمۍ له امله یې لومړنۍ مړینه ثبت کړه.

یو ۴۰ کلن کارګر د تودوخې له امله د کار پر مهال خپل ژوند له لاسه ورکړ.

100%

ځایي چارواکو ویلي، چې په دې اړه هم څېړنې کوي چې د چهارشنبه په ورځ په مونګیش پور سیمه کې د سانټې ګریډ په کچه ثبت شوې ۵۲.۹ درجې تودوخه ریښتیا ده او یا که د کومې تخنیکې ستونزه له امله دومره لوړه ښودل شوې ده.

100%

پر ټلویزیون خپاره شوي تصویرونه ښيي، چې خلک د اوبو تر لاسه کولو لپاره د اوبو ټانکرونه څاري او کله پرې لانجې هم کوي؛ خو حکومت وايي،‌ چې د اوبو د کمښت لامل په یامونا سیند کې د اوبو د کچې ټیټېدل دي.

100%

ډېرې ښځې مجبورې شوې، چې د سیند په غاړه او یا له کوره بهر د کور پخلی وکړي،‌ ځکه چې کور لاپسې ګرموي.

۱۹ کلنه سیما چې د خپلې کورنۍ لپاره په ورځ کې دوه ځله پخلی کوي، وایي: "سږکال ګرمي بیخي ډېره ده. موږ هره ورځ دا پخلی کوو، نو اوس ورسره عادت شوي یو."

په سیمه ییز ټلویزیون خپرو شویو انځورونو کې لیدل کیږي، چې په اترپردیش ایالت کې یو پولیس د ګرمۍ له امله د بې هوښه شوی یو بندي د زړه د فعالیت د بیا پیلیدو لپاره له لومړنیو مرستو کار اخلي او ۴۵ دقیقې یې زړه ته مساج ورکوي.

ډېری خلک د ګرمۍ له امله د کور سودا پسې بهر نه وځي او په انلاین توګه یې راغواړي.

امریکايي رسنیو ادعا کړې، چې د دغه بم شمېره د امریکا په کولوراډو ایالت کې د وسلو یوې کمپنۍ ته ټاکل شوي کوډ پورې اړه لري.
تېره شپه د اسراییل پوځ د بې ځايه شويو فلسطينيانو پر پنډغالي بمباري وکړه، چې په پايله کې يې تر ۷۵ زيات فلسطينيان ووژل شول او لسګونه نور ټپيان شوي دي.
فلسطیني چارواکو ویلي، چې د رفح په پنډغالي کې تر ۹۰۰ کیلوګرامه زیات وزن لرونکي بمونه کارول شوي دي.

له بل پلوه د اسراییل د ملي امنیت سلاکار ویلي، چې د غزې جګړه به لږ تر لږه اووه میاشتې نور هم دوام وکړي.

اسراییل د چهارشنبې په ورځ خپل ټانکونه په رفح د برید په موخه ولېږل او ویې ویل، چې جګړې به یې د حماس پر وړاندې ټول کال دوام وکړي.

د فلسطین د عامې روغتیا وزیر ویلي، چې رفح ته د مرستو رسېدو لپاره د هیڅ کومې لارې د خلاصېدو نښه نه لیدل کېږي.

د فلسطین د عامې روغتیا وزارت په خبره، د اسراییل او حماس ترمنځ د جګړو له پیل راهیسې تراوسه لږ تر لږه ۳۶ زره او ۱۷۰ کسان وژل شوي دي.

فلسطیني ادارې د دې اقدام هرکلی کړی؛ خو اسراییل وايي دغه هېوادونه د یهودانو د نسل وژنې او جنګي جنایتونو په هڅولو کې شریک شوي دي.

مادرید، ډوبلین او اسلو وویل، چې دوی په غزه کې د حماس سره د اسراییل په جګړه کې د اوربند د تضمین لپاره هڅې ګړندۍ کوي.

درې واړه هېوادونه وايي، چې دوی هیله لري چې د دوی دا پرېکړه به د اروپایي اتحادیې نور هېوادونه هم وهڅوي چې ورته کار وکړي.

د اسپانیا لومړي وزیر پډرو سانچز وویل: «ماډریډ د فلسطیني ادارې تر واکمنۍ لاندې د غزې تړانګه او د لویدیځې غاړې په شمول یو فلسطیني دولت په رسمیت پیژني چې پلازمینه یې په ختیځ بیت المقدر کې ده.»

هغه ټینګار وکړ، چې اسپانیا د ۱۹۶۷ څخه مخکې په سرحدونو کې هېڅ بدلون په رسمیت نه پیژني، مګر دا چې دواړو خواو پرې موافقه نه وي کړي.

د ایرلنډ لومړي وزیر سیمون هریس په یوې بیانیه کې وویل: «موږ غوښتل چې د سولې د پروسې په پایله کې فلسطین په رسمیت وپېژنو، خو د اسپانیا او ناروې تر څنګ مو دا کار ترسره کړ، چې د سولې معجزه ژوندې وساتو.»

د دغه هېواد د بهرنیو چارو وزارت تېره اوونۍ اعلان وکړ، چې د لویدیځې غاړې په رام الله کې به د خپل استازیتوب دفتر په سفارت بدل کړي او هلته به یو سفیر وټاکي.

د اسراییل د بهرنیو چارو وزیر اسراییل کاتز د سې شنبې په ورځ په اېکس ټولنیزې شبکې لیکلي: «کله چې تاسو د فلسطین دولت په رسمیت پیژنئ، تاسو د یهودانو په وړاندې د نسل وژنې او جنګي جرمونو په هڅولو کې شریک یاست.»

سویډن، قبرس، هنګري، چک جمهوریت، پولنډ، سلواکیا، رومانیا او بلغاریا تر دې مخکې د فلسطین دولت په رسمیت پېژندلی و.

تمه کیږي، چې سلوونیا به هم د پنجشنبې په ورځ فلسطین په رسمیت وپیژني اومالتا هم ویلي چې ورته کړنه به غوره کړي.

بریتانیا او استرالیا هم په دې هڅه کې دی چې فلسطین په رسمیت وپیژني، خو فرانسې ویلي، چې اوس د دغه هېواد د پېژندلو وخت نه دی.

د دغه راپور له مخې؛ د سې شنبې په ورځ (د غبرګولي ۸ مه) نېټه د اسراييل پوځ هغه سیمه په نښه کړه، چې مخکې د بشر دوستانه موخو او د فلسطيني کډوالو د اوسېدو لپاره ټاکل شوې وه.

الجزیرې لیکلي، چې په وژل شویو کې ۱۳ ښځې هم شاملې دي.

د دې شبکې په وینا؛ اوس مهال په رفح کې کوم فعال روغتون نه شته.

100%

اسراییلي پوځ د یکشنبې په ماښام (د غبرګولي ۶مه) د غزې تړانګې په جنوب کې د رفح په ښار کې د فلسطیني کډوالو پر کمپ برید وکړ،چې په ترڅ کې یې لسګونه ملکي وګړي ووژل شول.

د حماس د روغتیا وزارت ویلي، په دغه برید کې ۴۵ کسان وژل شوي او ۲۴۹ نور ټپیان شوي دي.

د اسراييل پوځ (د غبرګولي ۸مه) اعلان وکړ، چې دا عمليات يې د حماس د دوو جګپوړو قوماندانانو د نښه کولو لپاره تر سره کړي، چې په دې کمپ کې ځای پر ځای شوي وه.

د اسراييل پوځ زياته کړه، چې ګومان کيږي د اسراييل له هوايي بريد وروسته دویمه چاودنه د فلسطيني کډوالو په کمپ کې د مهماتو یا نورو اور اخيستو له امله وي، چې د ملکيانو د وژل کېدو لامل شوې ده.

د اسراييل لومړي وزیر بنیامین نتنیاهو (د غبرګولي ۷ مه) نېټه خبرداری ورکړ، چې که دغه هېواد د غزې په جګړه کې خپلو موخو ته له رسېدو مخکې جګړه پای ته ورسوي او تسلیم شي د اکټوبر د اوومې نېټې بريد ته ورته یوه بله ډله ييزه وژنه به وشي.