د طالبانو د بهرنیو چارو وزارت ویاند عبدالقهار بلخي وايي، د ایران په مشهد کې د افغانستان د کونسل په توګه د عبدالجبار انصار لاسلیک او رتبه د اعتبار وړ نه دي. ښاغلي بلخي ویلي چې ښاغلی انصار نور نشي کولای په ایران کې له دیپلوماتیکو مصونیتونو او امتیازاتو ناوړه ګټه پورته کړي.
د طالبانو د بهرنیو چارو وزارت ویاند عبدالقهار بلخي نن په خپل اېکس کې لیکلي، د عبدالجبار انصار دنده د دې ډلې د ریاست الوزرا د حکم پر اساس د غبرګولي په ۶مه نېټه پای ته رسېدلې ده.
بلخي په دغه یادښت کې لیکلي دي، چې د ویانا د دیپلوماتیکو قوانینو او کنوانسینونو له مخې د کونسلي برخې مسوولین تر وظیفې ختمېدو وروسته بېرته خپل وطن ته ستنېږي او خپل ديپلوماتیک کارت کوربه هېواد ته سپاري.
د طالبانو بهرنیو چارو وزارت ښاغلی انصار پر فساد او د کونسلۍ چارو کې پر لاسوهنه تورن کړی دی.
د نوموړي په مقابل کې دا اقدام له هغه وروسته دی چې د ایران په مشهد کې پخوانیو دیپلوماتانو د طالبانو له لوري د ټاکل شوي جنرال کونسل د ځای پر ځای کېدو مخه ونیوله.
په همدې حال کې اسلامي جمهوري ورځپاڼې په مشهد کې د افغانستان کونسلګرۍ کې د طالبانو دا اقدام پر ایران برید بللی دی.
ډیپلوماټکو قوانینو کې په ډاکه شوې ده، چې د ډيپلوماټيکو اصولو له مخې د کونسلګرۍ د رييسانو ټاکل او تاسيس بايد د کوربه هېواد په موافقه وي.
ورځپاڼې مشهد کې افغان کونسلګرۍ ته د طالبانو د پلاوي وروستي سفر ته په اشارې سره ویلي، د طالبانو دا نامناسب عمل د یوې ډلې په توګه چې تر اوسه د ایران په ګډون د نړیوالې ټولنې له خوا په رسمیت نه دی پیژندل شوی، د ایران هېواد ته د سپکاوی یوه بیلګه ده."
له مشهد څخه باوري سرچينو د افغانستان انټرنشنل ته تاييد کړه، چې دغه پېښه د شنبې په ورځ د ١٤٠٢ کال د مرغومي په ٢٥مه وشوه.
زمونږ سرچینې وایی له دغې پیښې وروسته ایراني انځور اخیستونکي د طالبانو له ډیپلوماټ ډاکتر سلیم چې د تاوتریخوالی اصلی عامل و د ایران حکومت ته شکایت وکړ .
د ایران اسلامي جمهوریت بیا دغه طالب دیپلومات د «ناغوښتونکي عنصر» په توګه وپېژاند او د یوه ایراني تبعه د وهلو له امله یې له خپل هېواده واېست. خو د هغه پر ځای یې د طالبانو یو بل دیپلومات ومانه.
سلیم چې د طالبانو غړی و، په مشهد کې د افغانستان د جنرال کونسلګرۍ د لومړي سکرتر په توګه کار کاوه.
اسلامي جمهوري ورځپاڼې نن لیکلي: د طالبانو ډلې په دې وروستیو کې په مشهد کې د افغانستان کونسلګرۍ ته د کونسلي د کارونو لپاره درې ډیپلوماټان استولي، چې د ایران د بهرنیو چارو وزارت له خوا تایید شول، چې یو له دغو ډیپلوماټانو څخه "سلیم" دی. "ویل کیږي چې هغه یو ایراني عکس اخیستونکی په مشهد کې افغان کونسلګرۍ ته یووړ او هلته یې شکنجه یې کړ، چې وروسته له ایران څخه وشړل شو او پر ځای یې د طالبانو بل دیپلومات وټاکل شو."
جمهوري اسلامي ورځپاڼې په خپله مقاله کې لیکلي چې ډاکټر سلیم د طالبانو د حقاني شبکې غړی دی.
د جمهوري اسلامي ورځپاڼې د راپور له مخې، همدغه درې دیپلوماتان څو میاشتې مخکې له ډیپلوماټیک مصونیت او موټر څخه په استفادې د مشهد هوايي ډګر ته تللي وو او د طالبانو پېژندل شوی مخالف قاري عیسا محمدي یې "وتښتاوه".
تر دې مخکې قاري عیسا تېر کال ویلي وو چې د حقاني شبکې د مشر او د طالبانو د کورنیو چارو وزیر سراج الدین حقاني له خوا ټاکل شوي کسان غواړي چې له ایران څخه یې د یوې دسیسې له مخې وتښتوي.
په همدې حال کې اسلامي جمهوري ورځپاڼې په مشهد کې د افغانستان کونسلګرۍ کې د طالبانو دا اقدام پر ایران برید بللی دی.
ډیپلوماټکو قوانینو کې په ډاکه شوې ده، چې د ډيپلوماټيکو اصولو له مخې د کونسلګرۍ د رييسانو ټاکل او تاسيس بايد د کوربه هېواد په موافقه وي.
ورځپاڼې مشهد کې افغان کونسلګرۍ ته د طالبانو د پلاوي وروستي سفر ته په اشارې سره ویلي، د طالبانو دا نامناسب عمل د یوې ډلې په توګه چې تر اوسه د ایران په ګډون د نړیوالې ټولنې له خوا په رسمیت نه دی پیژندل شوی، د ایران هېواد ته د سپکاوی یوه بیلګه ده."
لیکوال وايي، راپورونه ښيي چې په ایران او روسیه کې د تروریستي پېښو عاملین د طالبانو په واکمنۍ او په جغرافیه کې روزل شوي، نو په مشهد کې د افغان کونسل جنرال ټاکل له قانوني لارو چارو پرته د ایران د بې احترامۍ تر څنګ. "د طالبانو د ناوړه اهدافو نښه ده."
د «جمهوري اسلامي» ورځپاڼه وايي، د طالب ډلې د زړورتيا په اړه د ايران د ډيپلوماتيک نظام چوپتيا د پوښتنې وړ ده.
د افغانستان انټرنېشنل ته د رسېدلو اسنادو له مخې، د سې شنبې په ورځ د غبرګولي په ۱۸مه د طالبانو د بهرنیو چارو وزارت یو رسمي مکتوب لېږلی او په مشهد کې د افغانستان کونسل عبدالجبار انصاري یې کابل ته بللی دی.
