بنیامین نتنیاهو: په غزه کې به دایمي اوربند تر هغې ونه شي، ترڅو چې حماس له منځه نه وي تللی
د اسراییل لومړي وزیر ویلي، چې په غزه کې به دایمي اوربند تر هغه وخته پورې رامنځ ته نه شي چې د حماس پوځي وړتیاوې له منځه نه وي تللي.
د اسراییل لومړي وزیر ویلي، چې په غزه کې به دایمي اوربند تر هغه وخته پورې رامنځ ته نه شي چې د حماس پوځي وړتیاوې له منځه نه وي تللي.
دا په داسې حال کې ده، چې جوبایډن ویلي، چې اسراییل د حماس له خوا د یرغمل شویو کسانو د خلاصون په بدل کې د اوربند لپاره د درې پړاوییز تړون وړاندیز کړی دی.
نتنیاهو وویل: «د جګړې د پای ته رسولو لپاره د اسراییل شرطونه نه دي بدل شوي: د حماس د نظامي او حکومتولۍ وړتیاو له منځه وړل، د ټولو یرغمل شویو خوشې کول او دا ډاډ ترلاسه کول چې غزه نوره د اسراییل لپاره ګواښ نه دی.»
نتانیاهو ویلي، چې اسراییل ټینګار کوي چې د دایمي اوربند تر رامنځته کیدو مخکې دې دا شرطونه پوره شي.
بایډن د جمعې په ورځ وویل، چې اسراییل یوه هوکړه وړاندیز کړی، چې دې هوکړه کې شپږ اوونۍ اوربند شامل دی چې له مخې به یې د اسراییل پوځ جزیي شاتګ کوي او ځیني یرغمل به خوشې کیږي.
د سولې خبرې اترې له میاشتو راهېسې په ټپه ولاړې دي، اسراییل د ټولو یرغمل شویو خوشې کولو او د حماس له منځه وړل غواړي، په داسې حال کې چې حماس د دایمي اوربند، د اسراییلي ځواکونو د وتلو او د ډیرو فلسطیني بندیانو د خلاصون غوښتنه کوي.
حماس د جمعې په ورځ ویلي و، چې دوی د «مثبت او رغنده» تعامل لپاره چمتو دي، خو د دې ډلې یوه لوړ پوړي چارواکي محمود مرداوي د قطر ټلویزیون سره په مرکه کې وویل، چې تر اوسه د دې وړاندیز جزییات یې نه دي ترلاسه کړي.
هغه وویل: «د اشغالګر پوځ د وتلو او د اوربند د ټینګولو له غوښتنې مخکې توافق ته نه شي رسیدلی. حماس هم د اسراییل د د نابودۍ لپاره ژمن دی.»
