د زرغون پاکستان سیلګرۍ په نوم د کالام په ځنګلونو کې د پاکولو اشر وشو

دا په داسې حال کې ده، چې دغه ښاروال په سیمه ییزو ټاکنو کې له بریالي کېدو وروسته،‌ دوه میاشتې وړاندې واک ترلاسه کړی و.

د ښاروالۍ له تېرو ټاکنو وروسته ترکیې نږدې ټول کرد پلوه ښاروالان د پي کا کا نومې اورپکې ډلې سره د تړاو په تور توقیف کړي او د هغوی پر ځای یې دولتي چارواکي د انتخابي ښاروالیو څوکیو کې ګمارلي دي.

د کورنیو چارو وزارت له خوا پر اېکس خواله رسنۍ خپرې شوې اعلامیه کې راغلي،‌ چې د ایران او عراق په پوله د حکاري ولایت ښاروال، محمد صدیق اکیس د پي کا کا په وسله واله ډله کې د لوړې کچې د رول په لرلو تورن شوی دی.

یوې امنیتي سرچینې وویل، چې د پولیسو ټیمونو د حکاري د ښاروالۍ ودانۍ پلټنه کړې او د ښاغلي اکیس د کرد پلوه "د کردانو ډېموکراټیک ګوند" غړي یې له دغې ودانۍ شړلي دي.

دغه ګوند د ترکیې په پارلمان کې درېیم لوی ګوند دی.

ښاغلي اکیس او د هغه وکیل لا تر اوسه په دې اړه څه نه دي؛ خو ټاکل شوې د هغوی ګوند د دغې پیښې په اړه یو خبري کنفرانس ورکړي.‌

د کردانو ډېموکراټیک ګوند د ښاروال د نیولو په اړه په یوه اعلامیه کې وویل: "دولت چې هر وخت د خلکو په اراده مات شوی، یو ځل بیا هغه لاره غوره کړې، چې ښه پرې بلد دی، د خلکو اراده تر پښو لاندې کول او له پوځي قوته کار اخیستل بدې پایلې لري."

د مارچ په ۳۱ مه په سیمه ییزو ټولټاکنو کې د کردانو ډېموکراټیک ګوند خپل سیمه ییز ځواک یو ځل بیا وښوده او د ۱۰ ولایتونه ښاروالۍ یې وګټلې.

د ترکیې حکومت د کردانو ډېموکراټیک ګوند د پي کا کا وسله والې ډلې سره د اړیکو په لرلو تورنوي، هغه ډله چې د ترکیې، متحده ایالاتو او اروپایي ټولنې له خوا د یوې ترهګرې ډلې په توګه پېژندل شوي ده.

نينګ د دوشنبې په ورځ په یوې خبري ناسته کې وويل، چين غواړي چې ايران او متحده عربي امارات خپل اختلافات په سوله ييزه توګه د خبرو اترو او مشورې له لارې حل کړي.

متحده عربي امارات د فارس په خلیج کې د ابو موسی او ګرېټر او لیسر تونب په نوم د دغو درېیو ټاپوګانو د ملکیت ادعا کوياو په تیرو لسیزو کې یې د عدالت نړۍوالې محکمې ته د دې موضوع د راجع کولو غوښتنه کړې.

له بلې خوا ایران دا غوښتنه رد کړې او ویلي یې دي، چې د ټاپوګانو د حاکمیت مساله په ۱۹۷۱کال کې په قطعي او دایمي توګه واضح شوې وه او یوازې یې د «غلط فهمیو د حلولو لپاره» خبرو اترو ته چمتووالی ښودلی دی.

تیره اونۍ چین په یوه اعلامیه کې د متحده عربي اماراتو د هڅو ملاتړ وکړ؛ ترڅو د ټاپوګانو موضوع "سوله ییز حل" ته ورسیږي.

د ایران د اسلامي جمهوریت د بهرنیو چارو وزارت د یکشنبې په ورځ په تهران کې د چین سفیر احضار کړ او د متحده عربي اماراتو د "بې اساسه ادعاو" په اړه د چین د "پرله پسې ملاتړ" په اړه یې اعتراض وکړ.

سرچینې پرته له دې، چې د برید او مرګ ژوبلې په اړه نور جزییات ورکړي وویل، چې برید د شپې شاوخوا ۱۲:۳۰ بجې شوی دی.

د سوریې د دولتي رسنیو په وینا؛ اسرايیل د می میاشتې په ۲۹مه د سوریې په مرکزي سیمه او همدارنګه د بنیاس په ساحلي ښار هوايي بریدونه کړي وو، چې یو ماشوم یې وژلی او لس ملکیان یې ټپیان کړي وو.

اسراییل له کلونو راهیسې په سوریه کې د ایران پورې تړلو ډلو باندې بریدونه کوي.

ایران له ۲۰۱۱ کال راهیسې د سوریې په کورنۍ جګړه کې د ولسمشر بشارالاسد ملاتړ کوي او په دغه هېواد کې نیابتي ډلې لري.

د اپریل په میاشت کې ایران په سوریه کې د دغه هېواد پر سفارت د اسراییل له احتمالي برید وروسته پر اسراییل د توغندیو بریدونه وکړل.

د اسراییل په برید کې د یو جنرال په ګډون څو ایراني وکړي وژل شوي وو.

۷۱ کلن خان په ۲۰۲۲ کال کې په واشنګټن کې د پاکستان د سفیر له خوا اسلام اباد ته د لېږل شوو پټو اسنادو د خپرولو په تور د یوې ابتدايي محکمې له خوا په لس کاله بند محکوم شوی و.

نوموړی د تېر کال د اګست له میاشتې راهیسې په بند کې دی.

د پاکستان د بهرنیو چارو پخوانی وزیر شاه محمود قریشي، چې په همدې قضیه کې له عمران سره محکوم شوی و،‌ هم برات ترلاسه کړی.

قریشي د ۲۰۱۸-۲۰۲۲ پورې د عمران خان د بهرنیو چارو وزیر و.

د هغه برات د عمران خان لپاره لویه بریا بلل کیږي.

د پاکستان د تحریک انصاف ګوند د حقوقي چارو یوه ویاند نعیم پنجوتا پر اېکس ټولنیزې شبکې خپرې کړې اعلامیه کې ویلي: "د خدای شکر دی، محکومیت ختم شو."

عمران خان ویلي، چې په واشنګټن کې د پاکستان د سفیر له خوا اسلام اباد ته د لېږل شویو پټو اسنادو خپرول، د هغه د حکومت پر وړاندې د پاکستان د اردو او متحده ایالاتو د دسیسې ثبوت و.

هغه ویلي، چې دغې دسیسې په ۲۰۲۲ کې د نوموړي حکومت نسکور کړ او لامل یې دا و، چې هغه پر ​​اوکراین د روسیې له یرغل یو څه دمخه مسکو ته تللی و.

واشنګټن او د پاکستان پوځ دغه تورونه رد کړي دي.

د دولتي رازونو قضیه یوه له هغو څلورو قضیو څخه وه، چې عمران خان په فېبرورۍ میاشت کې د پاکستان له ټولټاکنو څخه مخکې محکوم شوی و.

د دغو قضیو له ډلې د دوو نورو سزاګانې د عمران خان د استیناف غوښتنې وروسته وځڼډول شوې.

خو د دوشنبې په ورځ د برات اخیستو سربېره؛ د کریکټ دغه پخوانی ستوری به په بند کې پاتې شي.

نوموړی، د خپلې درېیمې مېرمنې بشرا خان سره د واده کولو په یوه بله قضیه کې چې “د اسلامي دودونو سره په ټکر کې وه” په اووه کاله بند محکوم شوی دی.

کارپوهانو او د ملګرو ملتونو ځانګړي راپور ورکوونکي د دغه هېواد په رسمیت پېژندنه د فلسطین د خلکو د حقونو ساتنه بولي.

دا غوښتنه په داسې حال کې شوې، چې څه کم یوه اونۍ وړاندې اسپانیا، ایرلنډ او ناروې د فلسطین دولت په رسمیت پېژندلی.

د ملګرو ملتونو د کارپوهانو یوه ډله وايي، چې د فلسطیني دولت په رسمیت پېژندنه "د فلسطین د خلکو د حقونو، د ازادۍ او خپلواکۍ لپاره د هغوی د مبارزې یوه مهمه پېژندنه ده."

د دوی په بیانیه کې راغلي: "دوه دولتي حل لاره د فلسطین او اسراییل لپاره د سولې او امنیت لپاره یوازینۍ منل شوې لاره ده او د تاوتریخوالي او ناخوښۍ له اوږدې دورې څخه د وتلو لاره ده."

د ملګرو ملتونو کارپوهان او د دې سازمان ځانګړي راپور ورکوونکي وايي: "دا په فلسطین او ټول منځني ختیځ کې د تلپاتې سولې لپاره یو مخکینی شرط دی، چې په غزه کې په سمدستي اوربند پیل شي او په رفح باندې نور پوځي برید ونه شي."

اسپانیا، ایرلنډ او ناروې د فلسطین دولت په رسمیت وپېژاند او ویې ویل، چې په غزه کې له حماس سره د اسراییل په جګړه کې د اوربند د ټینګولو لپاره هڅې ګړندۍ کوي.

اسراییل په ځلونو د یوه خپلواک دولت په توګه د فلسطین په رسمیت پېژندلو کړنې غندلې او ویلي یې دي، چې دا کړنې حماس پیاوړی کوي.

د امریکا ولسمشر جوبایډن په دې وروستیو کې په غزه کې د اوربند لپاره نوی درې اړخیز وړاندیز وړاندې کړی دی.

حماس یوه بیانیه خپره کړې او ویلي یې دي، چې که اسراییل دغه وړاندیز ته غاړه کیږدي، د دغه پلان په اړه مثبت نظر لري؛ خو د اسراييل لومړي وزير ويلي، چې په غزه کې به د حماس تر بشپړ له منځه وړلو پورې اوربند ونه کړي.