طالبان: افغانستان د تېر کال په پرتله سږکال د وري په میاشت کې کم صادرات کړي دي

سپاه پاسداران پورې تړلې تسنیم خبري اژانس لیکلي: «جرمني د افغان کډوالو د اېستلو په اړه څېړنه کوي».

د ایران صدا او سیما پورې تړلې د ځوانو خبریالانو کلب پرته له «څېړنې» او «احتمال» څخه یې سرلیک لیکلی، چې «له جرمني څخه د افغان پناه غوښتونکو اېستل».

ځینو نورو رسنیو لکه د ایران د کارخبري اژانس، ایلنا د جرمني د کورنیو چارو وزیر په حواله پرته له دې، چې د دغه جرمن چارواکي خبرو ته اشاره وکړي، د افغان کډوالو او پناه غوښتونکو د اېستلو خبر ورکړی. ‎

دې سرلیکونو او خبرونو له جرمني څخه د افغان کډوالو د ډله ییز اېستلو د احتمال په اړه اندیښنې راپارولي دي.

د جرمني د کورنیو چارو وزیرې نانسي فایزر تر دې مخکې ویلي وو، هغه کسان چې د جرمني امنیت ته احتمالي ګواښ پېښوي باید ژر تر ژره له دغه هېواد څخه واېستل شي.»

په مانهایم کې د ښي اړخو اسلام ضد لاریون په ترڅ کې د یوه افغان اسلامپال کډوال له وژونکي برید وروسته، اغلې فایزر وویل، چې حکومت د "جنایتکاره او خطرناک" پناه غوښتونکو د ستنولو لپاره د یوې لارې په لټه کې دی.

نوموړې د افغانستان تر څنګ د سوریې یادونه هم کړې وه.

د ۱۴۰۰ کال په دوبي کې واک ته د طالبانو له راتګ وروسته، له افغانستان سره د جرمني ډېپلوماټیکې اړیکې پرې شوې او برلین نه شو کولی هغه پناه غوښتونکي چې جرمونه یې کړي او یا هم هغه کسان چې د کډوالۍ دوسیې یې رد شوي افغانستان ته واستوي.

اوس د مانهیم له برید وروسته، یو ځل بیا دا اړتیا راپورته شوې چې د جرمني حکومت باید افغانستان ته خطرناک کسان او رد شوي کډوال بېرته واستوي.

په ورته وخت کې د دغه پلان مخالفین وايي، چې د طالبانو تر واکمنۍ لاندې افغانستان ته د دغو کسانو ستنېدل له دغې ډلې سره د ډېپلوماټیکو اړیکو ټینګول او طالبانو ته د جرمني له خوا باج ورکول دي.

سرج الدین حقاني پرون په خپل لومړي سفر کې متحده عربي اماراتو ته لاړ او د دغه هېواد له مشر سره یې ولیدل.

د حقاني شبکې مشر او د طالبانو د کورنیو چارو وزیر سراج الدین حقاني په دغه ډله کې د کابل سوبمن هم یادېږي.

د طالبانو حکومت کې د نوموړي مقام د وخت په تېرېدو سره لا ډېرېږي او جوتېږي.

د طالبانو او امریکا ناحل شوې مسالې

تمه ده، چې د طالبانو کورنیو چارو وزیر له امریکايي چارواکو سره د دې ډلې او واشګټن په نا حل شویو مسالو خبرې وکړي.

تور نوملړ

طالبان وايي، چې د دې ډلې له شلو د ډېرو غړو نومونه د امریکا په تور نوملړ کې دي.

د طالبانو بیا واکمنېدو سره نه دا چې د دوی نومونه دې نوملړ کې کم نه شول، بلکې نور هم ور زیات شول.

بې پیلوټه الوتکې

له افغانستان د امریکا تر وتلو وروسته هم د واشګټن بې پیلوټه الوتکې د افغانستان هوا کې الوت کوي.

طالب چارواکي هم مني چې د افغانستان هوايي حریم لا هم د امریکا نیواک کې دی او دوی د بې پیلوټه الوتکو دا ګزمې د واشنګټن زور ښودل بولي.

بندیان

امریکا وايي د دوی دوه وکړه د طالبانو بند کې دي. یو پکې رایان کوربت دی چې د ۲۰۲۲ کال په اګسټ کې نیول شوی، خو د بل هویت مالوم نه دی.

طالبان وايي، چې ۱۶ بهرنیان ور سره بندیان دي.

پر حقاني لس میلیون ډالري جایزه

امریکا د ۲۰۱۲ کال کې حقاني شبکه د ترهګرو نوملړ ته ور زیاته کړه.

سراج الدین حقاني یې نړیوال ترهګر وباله او د نوموړي د نیولو اړوند مالوماتو لپاره یې اول پنځه میلیونه ډالره جایزه وټاکله.

د طالبانو په واکمنېدو سره دا جایزه لس میلیون ډالرو ته زیاته شوه او لا هم په خپل ځای پاتې ده.

د ښځو حقونه او د نجونو ښوونځي

امریکا له طالبانو د نجونو د ښوونځیو پرانیستل او د بشري حقونو د حالت ښه والی غواړي، خو دا ډله په تېرو درېیو کلونو کې د امریکا او نړۍوالې ټولنې غوښتنو ته بې پروا ده.

د طالبانو او القاعده اړیکه

له القاعده سره د طالبانو اړیکې پرې کول د دوحې د تړون مهمه برخه ده؛ خو د ملګرو ملتونو امنیت شورا وايي، چې دا ډله لا هم له القاعده سره ایکه لري.

د راپورونو له مخې؛ د القاعده مشر ایمن ظواهري چې کابل کې د امریکا بې پیلوټه الوتکې وواژه، د سراج الدین حقاني مېلمستون کې یې ژوند کاوه.

افغانستان انټرنشنل طالب چارواکو سره ننني مالومات شریک کړل؛ خو هغوی رد یا تایید نه کړل.

د طالبانو ویاند ذبیح الله مجاهد وايي، سراج الدین حقاني د اماراتو له چارواکو سره لیدنه کې د خپلمنځي اړیکو پر پیاوړتیا او په صحي او ساختماني برخه کې د دې ډلې له امنیتي ارګانو سره د ابوظبۍ پر همکارۍ غږېدلی دی.

ښاغلی مجاهد وايي اماراتي چارواکو د افغان بندیانو د خوشي کولو او افغانانو ته د وېزو ور کولو ژمنه کړې ده.

د نوموړي په خبره؛ امارات د افغانستان بیا رغونه د ونډې اخیستلو او په دغه هېواد کې د پانګونې ژمنه هم کړې ده.

عبدالبصیر زابلی وايي، دوی له دوکان سره زر اېستلي او له پاکستان راوړي جعلي ډالر یې پکې اېښي وو او دغه کار سره یې غوښتل چې له پوروړو ځانونه خلاص کړي.

څو ورځې مخکې د جلال اباد ښار په اسحاقزي مارکيټ کي د سرو زرو دوکان اور اخیستی و او هغه مهال طالبانو ویلي وو، چې دا اور یې مړ کړی دی.

خو نن بیا د دې ډلې د امنیه قوماندانۍ ویاند ویلي، چې دې کسانو په خپله دوکان ته اور اچولی و.

د ښاغلي زابلي په خبره؛ دغو کسانو «د ګاونډي هېواد پاکستان څخه دوه نيم لکه جعلي ډالر راوړي وو، هغه يي په خپل د سروزرو په دوکان کې ايښي وو اصلي پيسې او سامان يې کور ته وړي وو، ورسته يي خپل دوکان ته اور اچولي وو.»

نوموړی وايي، تر اور اچولو وروسته د دې دوو شریکانو خپلمنځي جنجال جوړ شوی او په نتیجه کې د څلورمې امنيتي حوزې منسوبینو دواړه کسان نیولي دي.

طالبانو له دې دوو کسانو یوه ویډیو هم کړې چې وايي؛ دوکان ته یې په ګډه اور اچولی او غوښتل یې په دې کار سره له هغو خلکو ځانونه خلاص کړي چې پر دوی یې پور دی.

خو معلومه نه ده، چې دا ویډیو په څه ډول شرایطو کې شوې ده.

د سياليو د لومړي ګروپ دغه لوبه به د افغانستان په کوربه توب د سعودي عربستان په شهزاده عبدالله لوبغالي کې تر سره شي.

افغان لوبډلې په دې سياليو کې تر دا مهال څلور لوبې کړې دي، يوه یې ګټلې، يوه یې مساوي کړې او د دوو لوبو په ماتې خوړلو سره د څلورو نومرو په درلودلو په جدول کې درېيم ځای لري.

په دې ليست کې قطر، هند، افغانستان او کويټ لوبډلې برخه لري، د قطر لوبډلې د دولسو امتیازاتو په لرلو سره بل پړاو ته لاره پېدا کړې ده.

د هند لوبډله د افغانستان سره یو ډول ۴ امتیازه لري؛ خو د بهترو ګولونو په توپير سره د افغانستان څخه مخکې او په جدول کې دویم ځای لري.

د افغانستان لوبډلې د ګولونو توپير منفي ۱۰ او د هند لوبډلې بیا منفي ۳ دی.

کويټ لوبډله د درې امتيازاتو په درلودلو سره د جدول په اخر کې ده.

له قطر سره تر لوبې پنځه ورځې وروسته د غبرګولې په ۲۲ به د افغانستان ملې لوبډله د کوېټ په کوربتوب په صباح السالم لوبغالي کې د شپې په ۱۰:۱۵ بجې بله لوبه تر سره کړي.

د افغانستان د فوټبال ملي لوبډلې د تېرو څلورو لوبو پایلې:

افغانستان ١- ٨ قطر (قطر کوربه)

افغانستان ٠-٤ کویت (افغانستان کوربه)

افغانستان ٠-٠ هندوستان (افغانستان کوربه)

افغانستان ٢-١ هندوستان (هندوستان کوربه)

ذبیح الله مجاهد زیاتوي؛ سراج الدین حقاني «د امن شوي افغانستان د خوندیتوب او د سیمې د امن لپاره هلو ځلو کې د اماراتو د مرستې غوښتنه کړې.»

سراج الدین حقاني او د طالبانو د ملي امنیت لوی ریس عبدالحق وثیق د دې ډلې تر واکمنېدو را هیسې په لومړي ځل پرون په لومړني بهر سفر متحده عربي اماراتو ته لاړل.

دغو دوو مهمو امنیتي چارواکو پرون د کوربه هېواد له مشر محمد بن زاید بن سلطان ال نهیان سره ولیدل.

ذبیح الله مجاهد دغه سفر ته په اشاره نن په خپل اېکس کې وايي، چې ښاغلي حقاني له اماراتي چارواکو سره پر اتو مسالو خبرې کړې دي.

د نوموړي په خبره؛ دواړه لوري د خپلمنځي اړیکو پر پراختیا غږېدلي او همدارنګه ښاغلي حقاني د طالبانو د امنیتي ارګانونو سره په صحي او ساختماني برخه کې د اماراتو د همکاري غوښتنه هم کړې ده.

سراج الدین حقاني د کورنیو چارو وزارت د ترافیک ډیجیټل کولو کې هم د متحده عربي اماراتو د همکارۍ خواست کړی دی.

هغه زیاتوي، چې په دې لیدنه کې متحده عربي اماراتو د افغان بندیانو د خلاصون او د میکانیزم له مخې افغانانو ته د وېزو د ور کولو ژمنه هم کړې ده.

‏طالبان وايي؛ اماراتي‌چارواکو د افغانستان په بیارغونه او په دغه هېواد کې د پانګونې ژمنه هم کړې ده.

متحده عربي اماراتو لا د دې لیدنې او د بحث شویو موضوعاتو په هکله څه نه دي ویلي.