د روسیې او اوکراین د ډرون جګړه: روسیې درې او اوکراین نهه بې پیلوټه الوتکې نسکوره کړي

د اسراییل پوځ په یوه اعلامیه کې ویلي، چې سرتېرو یې د اتارون په سیمه کې د حزب الله یو وسله وال تشخیص کړ، چې لږ وروسته د اسراییلو په هوایي برید کې ووژل شو.

ان ان اې ویلي، چې اسراییلي ځواکونو د تېلو سټیشن ته څېرمه یوه قهوه خانه په دوه توغندیو په نښه کړه، چې یادې ودانې او شاوخوا سمیو ته یې د پام وړ زیان اوښتی دی.

د لبنان وسله والې ډلې حزب الله ویلي، چې د دوی وسله والو د دغه برید په ځواب کې د اسراییل په شمال مالکیا سیمه باندې راکټونه ویشتلي او ورپسې یې د فلق ۲ راکټونو په کارولو سره په شمالي اسراییل کې یو پوځي مرکز په نښه کړی دی.

یوې امنیتي سرچینې رویټرز ته ویلي، چې دا لومړی ځل و چې دغې ډلې فلق۲ راکټونه وکارول، او دا چې تر دې مخکې یې فلق ۱ راکټونه کارول.

د لبنان د حزب الله او اسراییل ترمنځ شخړو، په دې وروستیو ورځو کې زور اخیستی او دا اندېښنې یې زیاتې کړي چې ښايي د دغو نښتو لمن پراخه شي.

۹۰ کلن ستورمزلی، چې د جمعې په ورځ (د غبرګولي ۱۸مه) یې په یوازې توګه الوتنه کوله هغه مهال مړ شو، چې الوتکه یې د واشنګټن ایالت د سن خوان ټاپوګانو په اوبو کې ولوېده.

د ناسا مدير او پخواني سناتور بيل نلسون وویل؛ انډرز د اکتشاف او کشف رښتنې څهره وه، هغه زياته کړه: « انډرز د سپورمۍ څنډ ته سفر وکړ او له موږ سره یې مرسته وکړه، چې نوي څه وګورو.»

په ۱۹۶۸ کال کې د اپولو ۸ ماموریت لومړنی انساني فضایي الوتنه وه، چې د ځمکې له ټیټ مدار څخه ووتله، سپوږمۍ ته لاړه او بیرته راستانه شوه.

انډرز د دې فضايي سفر په ترڅ کې د ځمکې څخه خپل مشهور عکس اخیستی، چې د فضا کارپوهان يې د ځمکې په اړه د بېلابيل پوهاوي لومړنۍ څرک ګڼي.

د ناسا یو متقاعد ستور مزلي مارک کلي د ښاعلي انډرز د مړينې په اړه وویل، چې هغه «د ځمکې او د خپل ځان په اړه زموږ نظر د تل لپاره بدل کړ.»

ویلیم انډرز په ۱۹۳۳ کال کې په هانک کانک کې زیږیدلی او په ۱۹۶۳ کې د ناسا سره کار پیل کړی و.

فلسطین اوس مهال د ملګرو ملتونو غړیتوب نه لري او یوازې یو څارونکی دولت دی، او دغه د څارنې حق ورته په ۲۰۱۲ کال د ملګرو ملتونو له خوا ورکړل شوی و.

ډي – ۸ ډلې په استانبول کې د دغو هیوادونو د وزيرانو کچې له غونډې وروسته په يوه اعلاميه کې له ټولو هېوادونو غوښتي چې اسراييل ته د وسلو او مهماتو ورکول بند کړي. بنګله دېش، مصر، اندونيزيا، ايران، ماليزيا، نايجريا، پاکستان او ترکيه د ډي – ۸ ډلې غړي هیوادونه دي.

د ملګرو ملتونو عمومي اسامبلۍ تیره میاشت د ملګرو ملتونو د بشپړ غړیتوب لپاره د فلسطین د غوښتنې ملاتړ وکړ او د ملګرو ملتونو امنیت شورا ته یې وړاندیز وکړ چې "په دې مسله له سره غور وکړي".

په ملګرو ملتونو کې د بشپړ غړیتوب لپاره د فلسطینانو فشار په غزه کې د اسراییلو او حماس تر منځ تر څو میاشتنۍ جګړې ته وروسته ډیر شوی دی. دا په داسې حال کې ده چې اسراییل په اشغال شوې لویدیځه غاړه کې د میشت ځایونو جوړول پراخ کړي، هغه څه چې ملګري ملتونه له خوا ناقانوني بلل کیږي.

په داسې حال کې چې د اسراییل له خوا په غزه کې د وژل شوو فلسطینیانو شمیر له ۳۶ زره کسانو اوښتی، او د روانې جګړې له امله په دغه سیمه کې یو بشري ناورین رامنځ ته شوې، د بشري حقونو ډلو او نورو منتقدینو امریکا، اسراییلو ته د وسلو د ورکولو او په پراخه کچه د اسراییلو د چلند د دفاع له امله ملامته کړې ده.

د شنبې په ورځ د اسرایلو پوځ وویل، چې دوی څلور یرغمل شوي ژوندي ژغورلي چې د اکټوبر د اوومې په برید کې د حماس له خوا نیول شوي وو. د اسراییلو په وینا د حماس په دغه برید کې ۱۲۰۰ کسان وژل شوي او ۲۵۰ نور یرغمل شوي وو.

د فلسطین د روغتیا وزارت یو چارواکي د شنبې په ورځ وویل، چې د غزې په مرکزي سیمو نصیرات او نورو سیمو د اسراییلو په بریدونو کې لږ تر لږه ۵۰ فلسطینیان وژل شوي دي.

د اسراييل د دفاع وزير يوف ګالانت وويل، د يرغمل شويو کسانو د خلاصون عمليات د حماس له ځواکونو سره له سختې جګړې وروسته ترسره شول.

په ورته وخت کې، هغه ټینګار وکړ چې "موږ به د حماس لخوا د ۱۲۰ برمته شویو د خوشي کولو لپاره خپلو عملیاتو ته دوام ورکړو."

یو شمېر اسراییلي رسنیو د خوشي شویو کسانو انځورونه خپاره کړي چې خپلو کورنیو ته ستنېږي.

اسراییل د نړۍ لومړنی ډیموکراټیک هېواد دی، چې په دغه نوملړ کې شاملېږي.
د اسراییل د ټلویزیون ۱۳مې شبکې راپور ورکړ، چې د ملګرو ملتونو سرمنشي انتونی ګوترېش په دغه سازمان کې اسراییلي پلاوی ته خبر ورکړ چې د دغه هېواد دفاعي ځواکونه د ملګرو ملتونو د شرم په نوملړ کې شامل شوي او د اسراییل نوم د افغانستان، سوریې، یمن او سومالیې تر څنګ په دغه نوملړ کې شامل شوی دی.
د لاحې نړۍوالې محکمې هم د مې په ۲۴مه د اسراییل د رژیم د مشرانو له هغې ډلې د لومړي وزیر بنیامین نتنیاهو او د جنګ وزیر یواف ګالانټ د نیولو خبر ورکړی و.

تر دې وړاندې ځینو نړۍوالو بنسټونو له هغې ډلې د بښنې نړۍوال سازمان هم د اسراییل پر پوځ نیوکې کړې وې او د شرم په نوملړ کې یې دغه رژیم د نوم پر شاملولو ټینګار کړی و.
د اسراییل لومړي وزیر بنیامین نتانیاهو پر دغې پرېکړې سختې نیوکې کړې او ویلي یې دي:« د ملګرو ملتونو سازمان په دې کار سره خپل نوم په دغه تور نوملړ کې شامل کړی دی.»
نتنیاهو د اسراییل له امنیتي ځواکونو ننګه کړې او هغه یې د نړۍ تر ټولو با اخلاقه پوځ یاد کړی او ویلي یې دي، چې د ملګرو ملتونو دغه شرموونکې پرېکړه د اسراييل په پوځي وضعیت کې ستونزې نه شی رامنځته کولای.
پر غزې د اسراییل په بریدونو کې تر اوسه د ۷۵۰۰ ماشومان وژل شوي دي.
په ملګرو ملتونو کې د اسراييل استازي ګېلارډ اردان د جمعې په ورځ (د غبرګولي په ۱۸ مه) هغه فلم ښکاره کړ، چې د ملګرو ملتونو د یوه چارواکي سره یې د ټیلیفون په لیکه خبرې کړې وې.

هغه ټینګار وکړ، چې د ملګرو ملتونو په تور نوملړ کې یې د خپل هېواد د نوم شاملولو به تړاو رسمي خبر تر لاسه کړی دی.
اسراييلي استازي د ملګرو ملتونو د سرمنشي دغه پرېکړه «ظالمانه او له تېروتنو ډکه» بللې او ویلي یې دي، چې د اسراییل پر ځای دې د انټونیو ګوترېش نوم په دغه تور نوملړ کې ولیکل شي.
نوموړي اسراییلي پوځ د نړۍ تر ټولو د «با اخلاقه» پوځ په نوم یاد کړ.
د جګړې پر مهال د ماشومانو پر ضد د هېوادونو او سازمانونو نوملړ د هغه نړۍوال راپور برخه ده، چې سرمنشي یې د امنیت شورا ته وړاندې کوي.
په دغه نوملړ کې د ماشومانو پر ضد شپږ سرغړونې راځي؛ په دغو سرغړونو کې وژنه، د بدن د غړو پرې کول، جنسي تېري، انسان تښتونه، په پوځي چارو کې د ماشومانو ګومارنه، له مرستو د ترلاسه کولو مخنیوی او پر ښوونځیو او روغتونونو بریدونه شامل دي.
په ملګرو ملتونو کې د اسراییل استازی وایي، چې په دغه نوملړ کې د حماس او د فلسطین د اسلامي جهاد د ډلو نومونه هم زیات شوي دي.
تر دې وړاندې د عدالت نړۍوالې محکمې پر رفح د اسراییل د بریدونو د درولو امر کړی و او غوښتنه یې کړې وه، چې نړۍوالو مرستندویانو ته دې غزې ته د تګ اجازه ورکړل شي.
د عدالت نړۍوالې محکمې د جمعې په ورځ (د غبرګولي په څلورمه نېټه) په خپلې غونډه کې چې د سویلي افریقا په غوښتنه جوړه شوې وه له اسراییل څخه غوښتي و، چې پر رفح بریدونه ودروي.
د غویي میاشتې په وروستۍ ورځ د نړۍوالې محکمې مشر څارنوال کریم خان، د دغې محکمې له قاضیانو غوښتي و چې د حماس او اسراییل مشران دې د جنګي جرمونو په تور ونیسي.
په دغه نوملړ کې بنیامین نتانیاهو او یواو ګالانټ «د وژنو، د جګړې د وسیلې په توګه د لوږې رامنځته کول، بشري مرستو ته د خلکو د لاسرسي مخنیوی او په لوی لاس د ولسي خلکو په نښه کولو» په تور تورن پېژندل شوي وو.