د ایران د کډوالو ملي ادارې مرستیال داود معصومي وویل چې د ایرانیانو په ذهنونو کې له افغانانو وېره د دوښمن رواني جګړه ده. هغه د شنبې په ورځ د «په ځان له باور نیولې د افغانانو تر ځواکمنتیا» په نوم غونډه کې زیاته کړه چې موږ باید ډیر پام وکړو چې د «دښمن په ژرنده اوبه ور پرینږدو.»
معصومي زیاته کړه چې د ایران او افغانستان تر منځ ګډ ټکي د نښلولو له مهمو برخو څخه دي او په ایران کې ډیری بهرني کډوال افغانان دي.
د ایرنا د خبر له مخې د ایران د کډوالو ملي ادارې مرستیال وویل د دوښمنانو په تېره بیا د اسراییل فکري ډلې د ایران او افغانستان د خلکو ترمنځ د تفرقې د رامینځته کولو هڅه کوي. هغه وویل: «د دوښمنانو د فکر خونه چې بنسټ یې د اسراییل نیواکګر رژیم دی او ورسره ځینې هیواد پلورونکي زموږ د ویشلو هڅه کوي.»
هغه د شنبې په ورځ (غبرګولي ۱۹مه) په دغې غونډه کې وویل: «د ملي یووالي په ډګر کې زموږ موخه د اسلامي امت د یووالي پر لور حرکت دی او موږ باید په دې ډګر کې محتاط واوسوچې له ایران او افغانستان د وېرې خبرېد دوښمنانو چلونه دي.»
هغه له افغانانو او نورو بهرنیانو وغوښتل چې له ایراني چارواکو سره هملاسي شي او په «دوښمنانو ونه غولیږي.»
د کډوالو د ملي ادارې مرستیال ټینګار وکړ چې دوښمنانو په تېرو کلونو کې په ایران کې د افغانانو په وړاندې رواني جګړه پیل کړې چې د خلکو په ذهنونو کې یې اندېښنې اچولې دي.
په وروستیو میاشتو کې، ایران د افغان کډوالو د نیولو او ایستلو پراخې څپې بیا پیل کړې. ایراني چارواکو د دغه هېواد په څو ولایتونو کې د افغانانو پر اوسېدو هم بندیز لګولی دی.
په ننګرهار سرچینو افغانستان انټرنشنل ـ پښتو ته وویل، چې د افغانستان تبلیغي جومات عمومي امیر خان زمان له وفات طالبانو د عبدالباري په نوم شخص د افغانستان د تبلیغانو د عمومي امیر په توګه ټاکلی.
خو ځیني هغه تبلیغان چې د طالبانو له دې ټاکنې سره مخالفت لري، افغانستان انټرنشنل ـ پښتو ته وویل، چې د دې مشر په ټاکلو کې د تبلغانو له شوراګانو سره هیڅ ډول مشوره نه ده شوې.
دوی زیاتوی د افغانستان، بنګلدیش، هند لپاره د تبلیغانو عمومي مشران د هند اسلامي علماوو شورا لخوا ټاکل کیږي، خو د دوی پر وینا اوس پاکستان غواړي د افغانستان تبلیغان د پاکستان ریونډ تبلیغي مرکز پورې وتړي او هغوي په خوښه په افغانستان امیر وټاکل شي.
د طالبانو د پرېکړې مخالف تبلیغان وايي د هند عالماوو شورا یې د مشر ټاکلو په اړه طالبانو ته یو مکتوب لېږلی و خو طالبانو د دې مکتوب پرضد عمل وکړ او هغه یې رد کړ.
دوی زیاتوي د څو میاشتو په موده کې د طالبانو استخباراتو یو شمېر د تبلیغانو نوموتي مشران نیولي، چې د دوی د پرېکړې مخالفت یې کړی دی.
د څو میاشتو روانو ننداریو سره طالبان دې ته اړ شول چې په جلال اباد کې د تبلیغانو لوي مرکز وتړي.
هر جعمه په سلکونه تبلیغان په دغه لوي مرکز کې راټولېدل.
