ټاکل شوې چې د روسیې ولسمشر پوتین شمالي کوریا او ویتنام ته سفر وکړي

دغه ایراني چارواکي ویلي، تېر کال له کهګیلویه او بویراحمد ولایتونو څخه ۳۶۸ بې اسناده افغان کډوال ایستل شوي دي.

ایرنا خبری اژانس د غبرګولي په ۲۱ نېټه د کهګیلویه او بویراحمد ولایتونو د امنیت، قانون د تنفیذ او د بهرنیو کډوالو د ادارې د مشر روح الله شاهیني له قوله خبر ورکړ، چې هغه موټرونه چې بې اسناده کډوال لیږدوی تر شپږو میاشتو پورې به بند کړی شی.

دغه ایرانی چارواکی د کډوالو د سازمان د مرکزی دفتر په غونډه کې ټینګار وکړ په کهګیلویه او بویراحمد کې د بهرني کډوالو داخلیدل منع دي او که چېرې له اسنادو پرته کډوال وموندل شي نو له دغه ولایته به وایستل شي.

روح الله شاهیني همدا راز په کهګیلویه او بویراحمد ولایتونو کې د بې اسنادو کډوالو په ځانګړې توګه د افغان کډوالو د پیژندلو، راټولولو او شړلو لپاره د همغږۍ د زیاتوالي اعلان هم وکړ.

ښاغلي شاهیني وویل، چې د تېر کال د همدې مودې په پرتله د ۱۴۰۳ کال په دوه نیمو میاشتو کې له اسنادو پرته د کډوالو توقیف ۲۷ سلنه زیات شوی دی.

په ایران کې اکثره بهرني کډوال د افغانستان اتباع دي او په تېرو میاشتو کې له هغوی سره د ایران د اسلامي جمهوریت له خوا د ناوړه چلند راپورونه خپاره شوي دي.

د طالبانو د کډوالو او راستنیدونکو چارو وزارت هم هره ورځ له ایران څخه د سلګونو افغان کډوالو د راستنیدو خبر ورکوي.

د فیلیپین د حکومت د ویاند په وینا، دا پرېکړه وروسته له هغې شوې، چې ځینو څېړنو ښودلې چې د زده کونکو له خوا د ځیرک موبایلونو کارول د زده کړو په کیفیت منفي اغیزه لري.

په ۲۰۲۲ کې د فیلیپین د زده کړو د کیفیت تحلیل او ارزونې برنامې راپور ورکړ، چې په ټولګیو کې د ځیرک فونونو کارول نږدې ۸۰٪ تنکي زده کونکي مغشوش کړي دي.

د فیلیپین د مشرانو جرګې غړي شروین ګچالیان د زده کوونکو د زده کړې په بهیر کې د ځیرک موبایلونو پر ناوړه اغیزو ټینګار وکړ او ویې ویل: «ځیرک موبایلونه او نورو الکترونیکي وسایلو د محصلینو سایبر ځورونه او تفریح ​​زیاته کړې ده».

له بلې خوا سناتور ګچالیان دا مني، چې د پوهنې پر کیفیت د ټېکنالوژۍ مثبتې اغېزې له پامه غورځول کېدی نه شي؛ خو څېړنو ښودلې چې د درسونو پر مهال د الکترونیکي وسایلو کارول د زده کوونکو زده کړو ته زیان رسوي.

په ورته وخت کې د یونیسکو نړۍوال سازمان په ۲۰۲۳ کې په یوه راپور کې په ښوونځیو کې د ځیرک فونونو کارولو لپاره د سختو قوانینو او مقرراتو سپارښتنه کړې.

د رسمي راپورونو له مخې؛ د نړۍ ۱۳ سلنه هېوادونو په ښوونځيو کې د ځیرک موبایل پر کارولو په بشپړ او مشروط ډول بندیز لګولی او ۱۴ سلنه یې د دې ټلیفونونو د کارولو لپاره ځانګړي شرایط په پام کې لري.

په همدې حال کې د فیلیپین د سنا قانون د زده کونکو لپاره د ځیرک موبایلونو په کارولو باندې د بشپړ او غیر مشروط بندیز وړاندیز نه کوي.

دغه قانون په بېړنیو حالاتو او ځانګړو حالاتو کې د دغو ټیلیفونونو کارول قانوني بولي.

پاکستاني رسنیو د دوشنبې په ورځ د غبرګولي په ۲۱ مه خبر ورکړ، چې په کنډا پوني سیمه کې د زیارت کوونکو پر یوه بس چې ۵۳ تنه زیارت کوونکي په کې سپاره وو، د وسله والو له خوا برید وشو. د دې برید په پایله کې موټر چلوونکي کنټرول له لاسه ورکړ او یوې ژورې درې ته ولوید.

دپوليسو دڅرګندونو له مخې: په دې پيښه کې په وژل شويو کسانو کې يو ماشوم هم شامل دى .

د هند ولسمشر دروپادي مورمو دغه برید په کلکه غندلی او دا یې د بشریت ضد جنایت بللی دی. ښاغلي مورمو د پېښې د عاملینو د پېژندلو او د سختې سزا غوښتنه وکړه.

د هند لومړي وزیر نریندرا مودي د قربانیانو له کورنیو سره خپله خواخوږي څرګنده کړه او ویې ویل: هغه کسان چې دغه ترهګریز برید یې ترسره کړی، ژر به مجازات شي.

پوليس وايي، د دې بريد د عاملينو د پېژندلو لپاره يې پلټنې پيل کړې دي.

تر دې وړاندې په ۲۰۱۷ کال کې هم وسله والو د هند په جمو او کشمیر کې د زیارتوالو پر یوه بس برید کړی و، چې په پایله کې یې اووه کسان مړه او ۱۹ نور ټپیان شوي وو.

د نظر پوښتنو له مخې د بلجیم لومړي وزیر ډیکرو ګوند د اروپايي ټولنې په پارلماني ټاکنو کې ښه ونه ځلېده او یوازې ۵،۸ سلنه رایې یې ګټلې دي.

بل خوا ښې اړخي افراطي ګوند «ولامس بلانګ» او ملتپال ګوند «اېن وي اې» په ترتیب سره ۱۴،۷ او ۱۴،۲ سلنه رایې ګټلې دي.

د اروپايي پارلمان د ټاکنو لپاره رای اچونه په تېرو ورځو کې د دې اتحادیې په ۲۷ غړو هېوادونو کې ترسره شوه او د یکشنبې په ماښام پای ته ورسېده.

د بلجیم لومړي وزیر الکساندر ډيکرو د استعفا پر مهال په خپله وینا کې وویل: «بلجیم یو نوي حکومت ته اړتیا لري چې بشپړ واک ولري او خپلې دندې په سمه توګه ترسره کړي.»

نوموړي همدارنګه ژمنه وکړه چې خپل ځای ناستي ته به د واک د لېږد زمینه برابره کړي.

وروسته له هغه په بلجیم کې نوی حکومت جوړیږي چې د اروپا پارلمان په ټاکنو کې د ښې اړخو ګوندونو د ټلوالې مشر او د بلجیم لومړي وزیر د اروپايي پارلمان په ټاکنو کې ماتې وخوړه.

تر دې مخکې د فرانسې ولسمشر ایمانویل مکرون د اروپا په پارلماني ټاکنو کې له سختې ماتې وروسته د دغه هېواد د پارلمان د ړنګولو او ژر د ټاکنو د ترسره کېدو اعلان وکړ.

د اروپايي پارلمان ټاکنې د دغې اتحادیې یو له مهمو سیاسي پیښو څخه دي چې کولای شي د دې اتحادیې د غړو هیوادونو سیاسي معادلې بدلې کړي.

کارپوهان وايي چې د اروپا د پارلماني ټاکنو دغه پړاو په نازکو سیاسي شرایطو کې ترسره شوې.

د کارپوهانو په اند، په غزه کې جګړه او په دې اړه د اروپايي هېوادونو د مشرانو دريځ او له بلې خوا د اوکراين جګړه او په دې اتحاديه کې د شاملېدو لېوالتيا پر دغه ټاکنو خپلې اغېزې لرلې.

محسن نقوي د هند په وړاندې په ستره لوبه کې د پاکستان کرېکټ لوبډلې پر ماتې د خواشینۍ په څرګندولو سره له لوبې وروسته خبریالانو ته وویل، چې دغه ماتې په هر لحاظ مایوسه کوونکې وه، او د پاکستان کرېکټ دا مهال تر ټولو د ټیټې کچې لوبډله څرګنده شوې.

د پاکستان کرېکټ بورډ مشر له هغه وروسته په خپله ډله نیوکې کړې چې دغې لوبډلې د خپل سیال هیواد هند سره له سختې سیالۍ وروسته لوبه وبایلله.

هغه وویل، داسې ښکاري چې د کرېکټ ملي لوبډله په کوچنۍ جراحۍ نه رغیږي، او په دغه لوبه کې له خورا بدې کارکردګۍ وروسته ډاډه شو چې په لوبډله کې یوې سترې جراحۍ ته اړتیا ده.

محسن نقوي له رسنیو سره په خبرو کې ويلي، چې ولس به یې په دې برخه کې ډېر ژر يو لوي بدلون وويني.

شنونکي وايي، پاکستاني توپ وهونکي ونه توانېدل چې د هند پر وړاندې د ۱۲۰ منډو هدف پوره کړي. فخر زمان، افتخار احمد، شاداب خان او عماد وسیم هڅه وکړه خو هڅې یې بې ځایه وې او لوبه یې کاواکه کړه.

هند دغه لوبه په شپږو منډو وګټله او د پاکستان لپاره یې سوپر اته ته رسېدل تقریبا ناشوني کړل، که امریکا ایرلنډ ته ماتې ورکړي، د پاکستان لپاره د نړیوال جام سفر پای ته رسولی شي.

محسن نقوي وويل چې د پاكستان كرېكټ لوبډله بهد نړۍ يوه غوره لوبډله كړي، ځکه چې د بایللو ټول لاملونه ورته معلوم دي او تر ټولو اوس ښه ور څرګنده شوه چې په لوبډله کې کوم بدلونونه راولي.