جرمني رسنیو د یوې پنځلس کلنې افغانې نجلۍ د جسد د موندلو خبر ورکړی

د پاکستان دولتي رادیو د راپور له مخې؛ دا ۸۲۰ ډبې یا واګونونه د راتلونکي مالي کال تر پایه اسلام اباد ته سپارل کېږی.

پاکستان کې مالي کال له یو جون تر بل جون پورې وي او دا ډبې به هم نږدې یو نیم کال کې پاکستان ته وسپارل شي.

د پاکستان پټلۍ اداره تر ډېره په خپلو چارو کې ناکامه بلل کېږي او لامل یې هم د اورګاډي سپرلۍ ته د معیاري خدمتونه نه برابرول په ګوته کېږي.

د دې ادارې چارواکي هیله من دي، چې د چین دې نوې مرستې سره به د دوی خدمتونو کې ښه والی راشي او عاید به یې ور سره ښه شي.

په ورته وخت کې د اسرايیل پوځ ټینګار کړی، چې په میدان کې يې د خپلو ځواکونو د چمتووالي د دوام لپاره لازم تصمیمونه نيولي دي.

په همدې حال کې د اسرايیل د بهرنیو چارو وزیر یسراييل کاتز پرون د حیفا بندر د ویدیو خپرېدو او پر دغه بندر د برید ګواښ ته په اشارې په اېکس پاڼه کې لیکلي، چې هیواد يې پر لبنان او حزب الله باندې د برید پریکړې ته ډیر نږدې دی.

پر لبنان د برید لپاره د عملیاتي پلانونو د تصویب اعلان او په دې برخه کې د اسراییل د بهرنیو چارو د وزیر خبرداری، د امریکا له پراخو هڅو سره سره په سیمه کې د اسراییل په شمال کې د جګړې د پراخیدو نوې نښه ده.

یسرایيل کاتز پر خپله اېکس پانه ليکلي: « نن حسن نصرالله د حیفا په بندرونو کې چې د چین او هند د نړیوالو کمپنیو له خوا اداره کیږي د فلم اخیستلو ویاړ او د برید ګواښ کوي. موږ د حزب الله او لبنان په اړه د مقرراتو د بدلولو پریکړې ته ډیر نږدې یو. په هر اړخیزه جګړه کې به حزب الله له منځه لاړ شي او لبنان به سخت و ځپل شي.»

هغه په ​​عین حال کې زیاته کړه: «د اسرايیل حکومت به په کورني محاذ کې هم قیمت ادا کړی، خو د یو پیاوړي او متحد ملت او د اسرايیل د پوځ په پوره ځواک سره به د شمال د اوسېدونکو امنیت بېرته راولي.»

د لبنان لپاره د امریکا ځانګړي استازي اموس هوخشتاین لبنان ته تللی، چې د کړکیچ د کمولو هڅه وکړي.

هغه د اسراییل او حزب الله ترمنځ د ترینګلتیا د سملاسي کمولو پر اړتیا ټینګار وکړ او ویې ویل چې واشنګټن د یوې «پراخې جګړې» د مخنیوي اراده لري.

هوخشتاين پرون بیروت ته د خپل سفر په ترڅ کې د لبنان د پارلمان له رییس نبيه بیري سره په کتنه کې وویل: « د اسرایيل او حزب الله تر منځ شخړه ډیره اوږده شوې ده. یو ګړندۍ او ډیپلوماتیکه پریکړه د ټولو په ګټه ده، دا دواړه د لاسته راوړلو وړ او سمدستي دي.»

نبيه بيري د امل غورځنګ غړی او د حزب الله له متحدینو څخه دی.

د لبنان حزب الله او اسراییلو ترمنځ اته میاشتې مخکې د غزې د جګړې له پیل راهیسې په منظمه توګه یو پر بل وسله وال بریدونه کوي، خو په وروستیو اوونیو کې دا شخړې زیاتې شوې او دواړو غاړو د پولې په اوږدو کې بریدونه پیل کړي دي.

وروسته له هغه، چې تېره اوونۍ اسراييل د حزب الله تر ټولو جګپوړی قوماندان طالب عبدالله وواژه، په اتو مياشتو کې حزب الله په اسراييل باندې تر ټولو ستر توغنديز او ډرون بريدونه وکړل.

حزب الله وايي تر هغه به خپل بریدونه ونه دروي ، چې په غزه کې اوربند نه وي شوی.

په همدې حال کې د پنټګان یوه ویاند هم ویلي، چې امریکا نه غواړي په منځني ختیځ کې پراخه سیمه ییزه جګړه وویني.

اموس هوخشتاين پرون وویل: «موږ په تیرو څو اونیو کې د فشار زیاتوالی لیدلی دی او هغه څه، چې ولسمشر جو بایډن يې غواړي هغه د لا زیات فشار او لویې جګړې مخنیوی دي، چې کوي يې.»

نوموړي د سه شنبې په ورځ له لومړي وزیر او د لبنان د پوځ له قومندان نجیب میقاتي سره جلا جلا وکتل.

امریکا او فرانسه د خبرو اترو له لارې د لبنان او اسراییل په پوله کې د دښمنۍ د پای ته رسولو لپاره ډیپلوماټیکې هڅې کوي.

په داسې حال کې، چې اسراییلو د فرانسې لخوا وړاندیز شوی پلان، چې د اسراییلو او د لبنان حزب الله ترمنځ د بشپړې جګړې د مخنیوي لپاره وړاندې شوی رد کړی دی. امریکا خپلو سلا مشورو ته دوام ورکوي چې اسراییلي مشران دې ته وهڅوي څو پر لبنان له بریده ډډه وکړي.

حيفا فلم

په همدې حال کې د حزب الله لينان د سه شنبې په ورځ ۹ دقیقې او ۳۱ ثانیې ویډیو خپره کړه او ویې ویل، چې د حیفا بندر په ګډون د اسراییل له ځایونو څخه یې د خپلو څارګرو الوتکو په مرسته دغه ويډيو برابره کړې ده.

حیفا، چې د اسراییلو دریم لوی ښار دی د لبنان له پولې څخه ۲۷ کیلومتره لیرې پروت دی.

د حیفا ښاروال یونا یاهو وویل، چې د حزب الله ویډیو «د حیفا او شمالي اسراییل اوسیدونکو لپاره رواني ترهګري ده.»

د دې ویډیو د خپریدو په غبرګون کې د اسراییل د حکومت ویاند ډیویډ مانسر وویل: «موږ به له ډیپلوماټیک او نظامي پلوه په هر ډول شمالي اسراییل کې خپلو کورونو ته د اسراییلیانو د خوندي راستنېدو تضمين کوو. دا مسله د خبرو اترو وړ نه ده. د اکټوبر اوومه د اسراییلو په هر ځای کې او یا د اسراییلو په پولو کې نه تکراریږي.»

هغه زیاته کړه: «اسراییل د حزب الله د پوځي پیاوړتیا او د اسراییلو د وژلو لپاره د وسلو د راټولولو مخه نیسي.»

د اسراییل او حزب الله ترمنځ نښتې د سه شنبې په ورځ د مسلمانانو د لوی اختر د رخصتۍ له امله له لنډې وقفې وروسته بیا پیل شوې.

لومړی د لبنان حزب الله اعلان وکړ، چې پر یوه اسرايیلي ټانک یې د بې پیلوټه الوتکې برید کړی او له هغه وروسته اسراییلو خبر ورکړ، چې د حزب الله مرکزونه یې په نښه کړي دي.

د لبنان حزب الله د خپلو سترو وسلو څخه په پراخه کچه کار اخیستنه په لبنان کې د ملګرو ملتونو چارواکي دې ته وهڅول، چې خبرداری ورکړي، څو د ناسمې محاسبې خطر چې د ناڅاپه او پراخې شخړې لامل کیږي خورا ریښتینی او جدي دی.

د رویټرز د راپور له مخې، کیم جونګ اون خبرغونډه کې وویل «دا تړون بلکل سوله پال او دفاعي دی» او زیاته یې کړه، چې له سره به د مسکو او پیونګ یانګ ترمنځ په سیاسي، اقتصادي او دفاعي برخه کې همکاری زیاته شي.

د هغه په خبره، زموږ دوو هېوادونو اړیکي له اتحاد هم پورته شوي دي.

نوموړي له پوتین سره د خبرو په لومړیو کې د اوکراین جګړه کې د مسکو ملاتړ وکړ.

د روسیې دولتی رسنۍ ریا وايي، ښاغلي پوتین د کیم جونګ اون مننه وکړه چې د اوکراین په ګډون د روسیې له سیاست پرلپسې او نه کمېدونکی ملاتړ کوي.

ښاغلي پوتین په دې غونډه کې ویلي چې مسکو د امریکا او د هغې د ملګرو له امپریالیستي او هژمونیک سیاست سره مقابله کوي.

نوموړي شمالي کوریا ته تر روانېدو مخکې ویلي و، چې مسکو د واشنګټن په مقابل کې د پیونګ یانګ ملاتړ کوي.

شمالي کوریا ته د روسیې د ولسمشر د سفر په درشل کې ناټو ویلي و چې دا سازمان وېرېږي مسکو به د پیونګ یانګ د توغندیز او اټومي پلان ملاتو وکړي.

شمالي کوریا ته په سفر کې له ولادیمیر پوتین سره د بهرنیو چارو، دفاع، روغتیا او ټرانسپورټ وزیران او نور لوړپوړي چارواکي هم دي.

دا له نږدې څلرویشتو کلونو راهیسې لومړی ځل دی چې د روسیې ولسمشر شمالي کوریا ته ځي.

ولادیمیر پوتین تېر سپټمبر د سوچي غونډې ته د شمالي کوریا مشر بللی و او هغه وخت کیم جونګ اون ښاغلی پوتین پیونګ یانګ ته ور وباله.

په اوسنۍ لیدنه کې ښاغلي پوتین بیا کیم جونګ اون ته د مسکو د سفر بلنه ور کړه.

پوتین له شمالي کوریا وروسته ویتنام ته هم سفر لري.

دغه کډوال د طالبانو له حکومته د خپلو کورنیو لپاره د سرپناو غوښتنه کوي.

د اجمل په نوم یو ستون شوی کډوال وایي:« له تېر نومبر راهیسې دلته په پنډغالي کې اوسېږو، موږ خپلې کورنۍ ته سرپناه غواړو. طالبان دې ټولو کډوالو ته سرپناوې برابرې کړي.»
هغه وایي، چې د خوراکي توکو د پېر توان هم نه لري او د اختر ورځې په خورا بې‌وزلۍ کې پرې تېرېږي « د خوراکي توکو د پېرلو توان نلرو، ماشومان مې له ما جامې غواړي او ما سره یې د پېرلو پیسې نشته.»

هغه وایي، په پاکستان کې یې په یو نیم کار کولو یو څه عاید ترلاسه کول؛ خو اوس له څو میاشتو راهیسې وزګاره دی.
د پاکستان حکومت له‌خوا دغو افغانانو ته له ټاکل شوي ضرب الاجل وروسته په تېر نومبر کې په سلګونه زره افغانان خپل هېواد ته ستانه شول، چې ګڼ شمېر یې لاهم په پنډغالو کې اوسېږي.
له پاکستان او ایرانه افغانستان ته د کډوالو د ورتګ لړۍ په چټکۍ سره روانه ده.
ډېری دغه کډوال له افغانستانه د اقتصادي، اقلیمي بدلون او بشري ناورینونو له امله په ګاونډیو هېوادونه کې مېشت شوي وو.
د ملګرو ملتونو د کډوالو ادارې تېر کال ویلي و، چې افغانان د نړۍ په کچه د بې‌ځایه شویو کسانو درېیمه لویه برخه جوړوي چې تر ۲۰۲۳ کال پورې شاوخوا اته مېلیونه افغانانو د نړۍ په ۱۰۳ هېوادونو کې ژوند کاوه.
یوه اونۍ وړاندې د ایران د کورنیو چارو وزیر یو ځلې بیا له خپل هېواده «د ناقانونه وګړو» پر اېستلو ټینګار کړی او ویلي یې دي، چې نور دوی نه شي کولای دغسې خلک په خپل هېواد کې وزغمي.
ورته مهال پاکستانۍ رسنۍ جیونیوز هم په خپل یوه خپور شوي راپور کې ویلي و، چې په دغه هېواد کې د بهرنیو وګړو په نوم ۵۳ زره شناختي کارټونه ثبت شوي چې له ډلې یې په خیبرپښتونخوا کې د افغانانو په نوم ۲۳۴۳ مشکوک بانکي حسابونه هم څېړل شوي دي.
راپور کاږي، چې په مدرسو کې د افغان طالبانو په اړه هم له سره کتنه کېږي.
پاکستانۍ رسنۍ دې پاکستان ډیلي هم راپور ورکړی و، چې د ۲۰۲۴ کال د جون تر ۱۱مې له پاکستانه د ټولو ستنو شویو افغان کډوالو شمېر ۶۰۷،۱۶۶ ته رسېدلی او د ستنېدو لړۍ لاهم روانه ده.

د خیبرپښتونخوا د لنډي کوتل ولسوالۍ د پولیسو مشر سلیم عباس منلې چې دغه پېښه د سه شنبه په ورځ د (غبرګولي ۲۹مه) ناوخته شوې چې له امله یې دغه خبریال وژل شوی او یو مدافع وکیل په دغه پېښه کې ټپي شوی دی.
پولیس وايي، خبریال جبران خلیل د اختر په رختصتیو کې خپل کورته څېرمه وسله والو له موټره ښکته کړی او ډزې یې پرې کړي چې دی وژل شوی او ورسره یو مدافع وکیل ټپي شوی چې نږدې روغتون ته لیږدول شوی.
د برید مسوولیت کومې ډلې په غاړه نه دی اخیستی.
په دغه پېښه د خیبرپښتونخوا او او اسلام اباد خبریالانو اندېښنه ښودلې او له پولیسو یې غوښتي چې د دغې پېښې عاملان ونیسي.

ويل کیږي، لنډي کوتل کې دغه ځايي خبریال دا مهال له یادې سیمې څخه د خیبرنیوز ټلویزیون خبریال و او تر دې مخکې د لنډي کوتل پریس کلب مشر هم پاتې شوی و.
پولیسو ویلي، وسله وال له برید وروسته له سیمې تښتېدلي او د دوی پلټنه پسې روانه ده.
ویل کیږي ځايي خبریال خلیل جبران ته تر دې وړاندې هم د وسله والو له خوا ګواښونه شوي وو
په دې وروستیو کې په خیبرپښتونخوا او بلوچستان کې هدفي او مرموزې وژنې ډیرې شوې او د دغو دواړو صوبو خلک اندېښمن دي چې ورځ تر بلې یې سیمې نا امنه کیږي او حکومت یې په مهارولو کې پاتې راغلی.