د پاکستان د بهرنیو چارو وزیر: باثباته، متحد او سوکاله افغانستان د پاکستان په ګټه دی

د ملګرو ملتونو امنیت شورا په یوه بیان کې ویلي، چې حقاني ته د «امنیت او پخلاینې په سرمشریزه» کې د ګډون لپاره د سرطان له لومړۍ څخه تر ۵مې پورې معافیت ورکړل شوی دی. طالبانو او متحده عربي اماراتو د حقاني د سفر په اړه څه نه دي ویلي.

امنیت شورا په یوه بیان کې ویلي، ابوظبۍ ته د حقاني د سفر موخه "د سیمه ییز امنیت، ثبات او پخلاینې په اړه په غونډو کې ګډون" دی.

تر دې مخکې د ملګرو ملتونو امنیت شورا سراج الدین حقاني او درېیو نورو طالب چارواکو ته اجازه ورکړې وه، چې د حج په مراسمو کې د ګډون لپاره سعودي عربستان ته ولاړ شي.

دا متحده عربي اماراتو ته د سراج الدین حقاني دویم سفر دی.

دغه سفر د امریکا له خوا انتقادونه راپارولي، چې په تروریستي فعالیتونو کې د لاس لرلو په تور یې د حقاني د نیولو لپاره لس میلیونه ډالره جایزه ټاکلې ده.

د امریکا د بهرنیو چارو وزارت له هېوادونو غوښتي وو، چې د طالبانو پر وړاندې نړۍوال بندیزونه عملي کړي او د امنیت شورا د بندیزونو له کمېټې څخه معافیت تر لاسه کړي.

انار کلي هنریار د چهارشنبې په ورځ (د چنګاښ ۶مه) د ویانا په غونډه کې وویل، چې د ملګرو ملتونو په هره ناسته کې باید د طالبانو په شمول، ښځې، مدنې ټولنې، سیاسي ځواکونه او د افغانستان خلک په پام کې ونیول شي.

اغلې هنریار وویل: «په خواشینې سره چې نړۍوال همکاران پخوانۍ تجربې لکه؛ د بن ناسته او د دوحې تړون چې د طالبانو او امریکا تر منځ لاسلیک شو او اوس د هغه تړون پایله موږ وینو، تکراروي.»

هغې دې ته په اشارې سره چې دا د افغانستان پر وضعیت ډېره ناوړه اغیزه لرلی شي زیاته کړه: «زموږ اندېښنه دا ده؛ که نړۍواله ټولنه او ملګري ملتونه په دې شان پر مخ ولاړ شي په افغانستان کې به وضعیت لا کړکیچن شي. نو نړۍواله ټولنه او ملګري ملتونه باید ټول حقیقتونه په پام کې ونیسي.»

اغلې هنریار په خپلې وینا کې د یو بل په منلو هم ټینګار وکړ ویې ویل: " موږ باید ژبني، سمتي او قومي مسایلو څخه لرې او یو بل ومنو او د یوه چتر لاندې ژوند وکړو."

د یوه ډېموکراټیک افغانستان لپاره د ویانا څلورم کنفرانس د دوشنبې په ورځ (د چنګاښ ۴مه) پیل او نن چهارشنبه پای ته ورسید.

په دې غونډه کې د افغانستان د جمهوري غوښتونکو خوځښت د سیاسي اړیکو مشر شاه محمود میاخېل، د ملي مقاومت جبهې د مشر احمد مسعود او د افغانستان د پخواني حکومت د امنیت شورا د سلاکار رنګین دادفر سپنتا په ګډون د طالبانو ۷۰سیاسي مخالفانو برخه اخیستې.

د ویانا د غونډې په وروستۍ ورځ د طالبانو مخالفانو په یوه اعلامیه کې وویل، چې د طالبانو په غوښتنه د دوحې د غونډې د اجنډا جوړول او په دې غونډه کې د دغې ډلې یو اړخیز ګډون دا څرګندوي چې ملګري ملتونه له خپل اصلي ماموریت منحرف شوي دي.

هغه زیاته کړه: "موږ درې سوه کاله مبارزه او ۵۰ زره شهیدان د دې لپاره نه دي ورکړي، چې جنرالان دې پر موږ حاکم شي او لکه د ځناورو دې په موږ پسې وي".

د فضل الرحمان په خبره، له ګاونډیانو سره ستونزه په خشن برخورد نه شي حلېدی او اړتیا ده، چې پوځ له سیاسته لاس واخلي او سیاسي ګوندونه پرېږدي، چې د پاکستان سیاست وکړي.

هغه د کوم مشخص ګاونډي نوم وا نه خیست؛ خو د پاکستان د پوځ او حکومت د مشرانو له خوا افغانستان کې پر واکمنو طالبانو بار - بار نیوکه شوې، چې د دوی مخالف وسله والو ته پټنځي برابروي.

نوموړي پر حکومت او پوځ غږ وکړ، چې له دوی سره دې ښکر نه اړموي.

ملا فضل الرحمان وویل: "تاسو ټولو ته معلومه ده، چې ښکر اړموونکو څه نتیجه اخیستې دا زما یوه مشوره ده".

تېره ورځ د پاکستان د لومړي وزیر شهباز شریف په مشرۍ کابینې په پښتونخوا او پلوچستان کې د وسلوالو پرضد د عزم استحکام په نامه د عملیاتو پیلول تایید کړل.

خو وړمه ورځ د پاکستان په پارلمان کې د اپوزسیون مشرانو د دې عملیاتو مخالفت وکړ او ویې ویل، چې د تېر په څېر به یوازې ولس ور سره زیانمن شي.

د تحریک انصاف ګوند او د پاکستان د پارلمان غړی اسد قیصر د اپوزسیون په نماینده ګۍ وايي، چې دوی د پوځ له خوا د تازه عملیاتو مخالف دي او دوی به هېچا ته اجازه ور نه کړي، چې په پښتونخوا کې بیا جنګ پیل کړي.

هغه وايي، چې د عملیات له افغانستان سره د جنګ په معنا دي.

نوموړي د پاکستان په پارلمان کې حکومت او د پاکستان پوځ ته په اشارې سره وویل: "تاسو چې کومه طریقه خپله کړې او له افغانستان سره د دښمنۍ یو بل دور شروع کوئ، موږ ته قبوله نه ده".

د اسد قیصر په خبره؛ که چېرې هر څوک د دوی په سیمه کې بیا جګړه پیلوي دوی به د خپل ملت تر شا دریږي او په شریکه به یې مخالفت کوي.

هغه وویل: "که د هر چا دا فکر وي په خدای قسم چې اول به زموږ په جسدونو تېریږي او بیا به جګړه پیلوي، موږ څه بنګړي نه دي په لاس کړي".

د پاکستان لومړي وزیر شهباز شریف بیا د کابینې غونډې ته ویلي، چې د عزم استحکام د عملیاتو په تړاو نیوکې کیږي؛ خو دا عملیات د تېرو عملیاتو په څېر نه دي، بلکې د استخباراتي معلوماتو پر بنسټ به کیږي او د دغو عملیاتو پرمهال به هېڅ څوک نه بې کوره کیږي.

په همدې حال کې د پاکستان دفاع وزیر خواجه اصف په لاهور کې د خبریالانو یو غونډې ته ویلي، چې د عملیاتو مالي لکښت په برخه کې به څلور صوبې مرسته کوي.

بل خوا تېره ورځ په وزیرستان کې د ټولنیزو رسنیو یو شمېر کارکوونکو بیا د پاکستان د پوځي موټرو ویډیوګانې خپرې کړي، چې یو لوی کاروان میرعلي ته داخليږي.

د طالبانو د اطلاعاتو او فرهنګ وزارت د چهارشنبې په ورځ په يوې خبرپاڼه کې د ملا خیرخواه او په افغانستان کې د ناروې د شارژدافير پاول کلومن بکن د لیدنې خبر ورکړی.

خبرپاڼه زياتوي، چې خيرالله خيرخوا په دې ليدنه کې ويلي، چې: «اسلامي امارت غواړي له نړۍ سره د دوه اړخيزو اړيکو پر بنسټ مثبتې اړيکې ټينګې او پراخې کړي.»

نوموړي په دې برخه کې د ناروې رول اغېزناک بللی دی.

په خبرپاڼه کې راغلي، چې پاول کلومن بيکن د دوحيې د راتلونکي درېيمي ناستې په اړه معلومات شريکي او دا ناسته یې د افغانستان لپاره مهمه بللې ده.

په افغانستان کې د ناروې سفارت د بيکن د دې څرګندونو په اړه څه ندي ویلي

واک ته د طالبانو له رسېدو را وروسته ناروې هيواد په افغانستان کې په بېلابېلو برخو کې مرستې تر سره کړي.

څه موده مخکي د طالبانو ریاست الوزرا د سیاسي مرستیال دفتر د یوې خبرپاڼې په خپرولو سره د ناروې د سفیر له قوله لیکلي وه، چې دغه هېواد د دې ډلې د مخالفانو ملاتړ نه کوي.

د ملګرو ملتونو اړوند دغه سازمان نن وویل، چې خلکو ته د مرستو رسولو لپاره بيړني کومک ته اړتيا لري.

د خوړو نړیوال پروګرام وايي، د افغانستان تر ۹۰ سلنه ډېر خلک د خوراک لپاره کافي خواړه نه لري.

دغه بنسټ خبرداری ورکړی، چې لوږه د ځينو کورنيوو د له منځه تللو لامل کېږي او يو شمېر کورنۍ د ژوندي پاتې کېدو لپاره د خپلو کورونو د توکو پلورلو ته اړې شوي دي.