اولي رابینسن په يو اور کې د ۴۳ منډو په ورکولو سره د کرېکټ په تاريخ کې ګران بيه لوبغاړی شو

د راشدخان څخه وروسته د نیوزیلنډ لوبغاړی ساوتي هم په ۱۱۸ لوبو کې ۱۵۰ وېکټې اخیستې وې.
شکیب الحسن بیا ۱۲۹ لوبې ترسره کړې دي او یوازې یوه وېکټه له دغه نوملړه لرې پاتې شوی دی.
له بل پلوه په نړۍوال جام سیالیو کې رحمان الله ګربز او ابراهیم ځدراڼ په اوږد پارټنرشېپ کې د رضوان او بابراعظم ریکارډ مات کړ.

ورته مهال په نړۍوال جام کې فضل الحق فاروقي لاهم د دغو سیالیو زیات وېکټ اخیستونکی لوبغاړی دی او د ۱۶ لوبغاړو په سوځولو سره د نوملړ په سر کې دی، چې دویم د هند هرش دېپ او درېیم بیا راشدخان دی.

په نړۍوال جام کې رحمان الله ګربز بیا ۲۸۱ تر ټولو ډېرې منډې کړې او د غوره توپ وهونکو نوملړ کې یې لومړی مقام خپل کړی دی.

د شل اوریز نړۍوال جام د اتو غوره لوبډلو تر منځ په سیالیو کې هند له اسټرالیا سره مخامخ شوه، چې په پیل کې یې توپوهنه وکړه.

په لومړۍ پاڼۍ کې هند د پنځو لوبغاړو په سوځېدو سره ۲۰۶ منډې هدف وټاکه.

د لوبې په دویمې پاڼۍ کې د اسټرالیا لوبډلې ونه شول کولی، چې د ټولو اورونو په لوبولو سره ټاکلی هدف پوره کړي او یادې لوبډلې د ۲۴ منډو په توپیر له هند څخه ماتې وخوړه.

د اسټراليا نننۍ ماته د افغان لوبډلې په ګټه تمامه شوه او که چېرې سبا افغان لوبډله د بنګله دېش لوبډلې ته ماتې ورکړي؛ نو نيمه پايلوبې ته به لاره پېدا کړي.

د ۲۰۲۴ کال د کرېکټ نړېوال شل اوریز جام د اته غوره پړاو سیالیو کې په دویم ګروپ کې نن دوشنبه د وېسټ اینډیز او سوېلي افریقا لوبډلې یو د بل په وړاندې د سیالۍ ډګر ښکته شوې.

د لوبې پچه سوېلي افریقا وګټله او وېست اینډیز ته یې د توپ وهنې بلنه ورکړه.

د وېسټ اینډیز لوبډلې په شل اورونو کې د اتو لوبغاړو په زیان او د راسټون چیز ۵۲، کایل مایرز ۳۵ او انډریرسل ۱۵ منډو په مټ یې۱۳۵ منډې جوړې کړې.

د لوبې په دویمه پاڼۍ کې سوېلي افریقا د یاد د هدف پوره کولو پرمهال د لوبې په درېیم اور کې د باران د ورښت له امله لوبه وځندول شوه.

لوبه له څو ساعتو ځنډ وروسته د (DLS) میتود له مخې ۱۷ اورونو ته راکمه شوه، او سوېلي افریقا ته په ۱۷ اورونو کې ۱۲۳ منډو هدف ورکړل شو.

سوېلي افریقا دغه هدف د لوبې په ۱۶،۱ اور کې پوره کړ او لوبه یې د دریو ویکېټو په توپیر له وېسټ اینډیز څخه وګټله.

په دې سره سوېلي افریقا د اته غوره لوبډلو په پړاو کې په دویم ګروپ کې دویمه لوبدله شوه چې نیمه پایلوبې ته ووته.

په همدې ګروپ کې نن سهار انګلېنډ امریکا ته په ماتې ورکولو سره نیمه پایلوبې ته لاره وموندله.

نن د ورځې په ورستیو کې د غوره اته پړاو سیالیو په لومړي ګروپ کې هند او اسټرالیا لوبه ترسره کوي.

د دغه پړاو وروستۍ لوبه سبا سه شنبه د افغانستان او بنګله دېش لوبډلو ترمنځ ترسره کیږي.

د ۲۰۲۴ کال د کرېکټ شل اوریزو لوبو نړېوال جام کې ۴۹مه لوبه د امریکا او انګلېنډ لوبډلو تر منځ ترسره شوه.

د لوبې پچه انګلېنډ وګټله او د امریکا لوبډلې ته یې د توپ وهنې بلنه ورکړه.

د امریکا لوبډلې ونشوی کولی چې په بشپړ ډول ۲۰ اورونه ولوبوي، او ټوله لوبډله یې ۱۸،۵م اور کې وسوځېدله.

د امریکا لوبډلې د نیتیش کمار ۳۰، کوري انډرسن ۲۹ او هارمیت سینګ ۲۱ منډو په مټ ۱۱۵ منډې جوړې او انګلېنډ لوبډلې ته یې د ۱۱۶ منډو هدف ورکړ.

په دغه لوبه کې د امریکا له لوري کریس جورډن ۴ ، عادل رشید او سام کرن دوه دوه ویکېټې تر لاسه کړې.

د امریکا له لوري ورکړل شوی هدف د انګلېنډ لوبډلې پیلزو لوبغاړو د لوبې په ۹،۴ اور کې پوره کړ او امریکا ته یې د لسو ویکېټو په توپير ستره ماتې ورکړه.

په دغې سیالۍ کې بټلر ۸۳ او فیل سالټ ۲۵ ناسوځېدلې منډې جوړې کړې.

د دغې سیالۍ د غوره لوبغاړي جایزه د انګلېنډ لوبډلې توپ اچونکي عادل رشید ته ورکړل شوه.

بل خوا د ویسټ اینډیز او سویلي افریقا تر منځ روانه سیالۍ د باران د ورښت له امله د اوس لپاره ځنډول شوې.

د دغې لوبې پچه سوېلي افریقا وګټله او ویسټ اینډیز لوبډلې ته یې د توپ وهنې بلنه ورکړه.

د ویسټ اینډیز لوبډلې د شل اورونو په لوبولو سره د اتو ویکېټو په زیان ۱۳۵ منډې جوړې کړې.

د لوبې په دویمه پاڼۍ کې د سوېلي افریقا لوبډله د هدف پوره کېدو په موخه د سیالۍ ډګر ښکته شوه.

سویلي افریقا د دوو اورونو په لوبولو سره ۱۵ منډې جوړې کړې او دوه لوبغاړي یې سوځېدلي دي.

د اوس لپاره دغه سیالۍ د باران د ورښت له امله درول شوې ده.

د کرېکټ د شل اوره نړۍوال جام د دویم پړاو د اتو غوره لوبډلو د سياليو پر مهال د افغانستان د کرېکټ ملي لوبډلې دغه بریا د افغانستان د ورزش د مينه والو ترڅنګ په ټوله نړۍ کې د تود هرکلي او خوښيو سره مخ شوې ده.

د دې لوبې په ګټلو سره افغانستان د نړۍوال جام نیمه پایلوبې ته تګ اسانه کړ؛ خو څلورو لوبو ته د اسټرالیا کرېکټ لوبډلې تګ يې سخت کړ.

د کرېکټ افغان اتلان اوس ښه چانس لري، چې په خپله وياړلې بريا او تاریخ سره د نړۍوال جام وروستيو څلورو لوبډلو ته لاره پيدا کړي.

که هند لوبډله اسټرليا او افغانستان بنګلدېش ته ماته ورکړي؛ نو افغان لوبډله به د سيالیو نيمه پايلوبې ته ورسیږي او د جام ګټلو لپاره به خپلې هڅې جارې وساتي.

100%