په بامیان کې سېلابونو ۷ کسه مړه کړي او لس تنه نور تري تم دي
که څه هم سرچینې په دغو سېلابونو کې د تلفاتو شمېره زیاته ښیي؛ خو په بامیان ولایت کې د طالبانو د والي ویاند عبدالصبور سیغاني وایي، چې په دغو سېلابونو کې اووه کسه مړه او ۱۰ نور تري تم دي.
که څه هم سرچینې په دغو سېلابونو کې د تلفاتو شمېره زیاته ښیي؛ خو په بامیان ولایت کې د طالبانو د والي ویاند عبدالصبور سیغاني وایي، چې په دغو سېلابونو کې اووه کسه مړه او ۱۰ نور تري تم دي.
د هغه په وینا، د پېښې قربانیان د دوو کورنیو غړي دي.
ویل کېږي، چې د غو سېلابونو د سر د زیان ترڅنګ ګڼ مالي زیانونه هم خلکو ته اړولي دي.
د ښاغلي سیغاني په وینا، د لادرکه شویو کسانو د پلټنې عملیات روان دي.دغه سېلابونه تېره ورځ د یکاولنګ ولسوالۍ په دزدان چشمه، هزار چشمه او پودینهتو کلیو کې راوتي دي.له بل پلوه د طالبانو د والي دفتر وایي، چې دغو سېلابونو د یکاولنګ ولسوالۍ تر څنګ د پنجاب، ورس او کهمرد ولسوالۍ هم زیانمنې کړې دي.دغه سېلابونو د کورونو ترڅنګ ځینې کرنیزې ځمکې هم ویجاړې کړې دي.
د خوړو نړۍوال پروګرام (د غبرګولي په ۳۰مه نېټه) ویلي و، چې له پاکستانه ستانه شوي ځیني کډوال د تېرو میاشتو له سېلاب او ورښت له امله بیا له خپلو مېنو بې ځایه شوي دي.
په افغانستان کې سېلابونو تېرو دوو میاشتو کې تر نورو ولایتونو بغلان، غور او هرات ډېر وځپل.
د ملګرو ملتونو عالي کمېشنري بیا وايي، چې دغو سېلابونو وړمه میاشت لږ تر لږه ۳۴۷ تنه مړه کړي او له ۱۰ زرو څخه زیات کورونه یې ویجاړ کړي دي.
