طالبان: د حيرتان-مزارشريف اورګاډي پټلۍ د بيارغونې چارې د شپږو مياشتو لپاره وغځول شوې
طالبانو د پنجشنبې په ورځ ویلي، چې د دې ډلې د ټول ګټو وزیر محمد عیسی ثاني د ازبکستان د اورګاډي پټلۍ له مشر سره د حیرتانو په بندر کې لیدنه کړې ده.
طالبانو د پنجشنبې په ورځ ویلي، چې د دې ډلې د ټول ګټو وزیر محمد عیسی ثاني د ازبکستان د اورګاډي پټلۍ له مشر سره د حیرتانو په بندر کې لیدنه کړې ده.
د طالبانو د ټول ګټو وزارت وايي، چې په دې غونډه کې د حیرتان- مزارشریف د اورګاډي پتلۍ د بیارغونې چارې د شپږو میاشتو لپاره وغځول شوې.
د دغه وزارت په خبرپاڼه کې راغلي، چې د دې پروژې د غځولو تړون د چهارشنبې په ورځ د تمځایونو د پاتې کارونو د بشپړېدو په موخه لاسلیک شو.
طالبانو په ۱۴۰۲ هجري لمریز کال کې د ۷۵ کیلومترو په اوږدوالي د اورګاډي پټلۍ د ترمیم کار د پیل اعلان کړی و او ویلي یې و، چې دا پروژه به په دریو میاشتو کې بشپړه شي.
دا خبرتیا په ټولنیزو رسنیو کې خپره شوې او یوې سیمه ییزې سرچینې د هغې ریښتینولي تایید کړې. دغې سرچینې افغانستان انټرنېشنل ته ویلي، چې په دایکنډي کې طالبانو څو ځلې ښځو ته د حجاب د نه اغوستلو له امله خبرداري ورکړي او ګواښونه یې کړي دي.
د طالبانو امر بالمعروف په خبرتیا کې راغلي چې ښځې بايد له کوره د وتلو پر مهال «عربي او اسلامي حجاب» واغوندي تر هغې چې کور ته راځي، او «هېڅ ښځه حق نه لري چې خپل حجاب په بازار، ښوونيزو مرکزونو او عامه ځایونه کې لرې کړي.»
په دایکنډي کې ښځو ته د طالبانو وروستی وخت د چنګاښ په ۱۵ پای ته رسیږي.
طالبانو خبرداری ورکړی، چې که کومې ښځې د دوی امر ونه مانه، نو «سزا به ورکړي او زنداني به شي.»
تر دې مخکې طالبانو په دايکنډي کې له ملایانو او ديني عالمانو غوښتي وو چې پر ښځو د طالبانو د خوښې وړ حجاب په اغوستلو کې همکاري وکړي.