درې تنه افغانان په دې و نه توانېدل، چې د بریټانیا په ټاکنو کې د هغه هېواد پارلمان ته لار ومومي. د کارګرر ګوند غړي روحالله یعقوبي له ۱۵زرو د زیاتو رایو، د ډموکرات ګوند غړي ایرج روستاقي له ۴زرو زیاتو رایو او د کارګرا ګوند غړي سراج الحق د ۷۲۳رایو په ګټلو سره ماته وخوړه.
د بریټانیا د ټاکنو د پایلو له مخې، روحالله یعقوبي په خپله ټاکنیزه حوزه کې د ۱۵ زره او ۴۳۷ رایو په اخیستلو سره د ۸۸۰ رایو په توپیر د خپل محافظه کار ګوند له سیال څخه وروسته پاتې شو.
ښاغلی یعقوبي په دغه حوزه کې دویم مقام ګټلی دی.
ښاغلی یعقوبي په ۲۰۰۴ کال د کډوال په توګه بریټانیا ته تللی او د بریټانیا په پارلمان کې لومړنی هزاره توکمی نوماند دی.
په دغو ټاکنو کې ایرج رستاقي بیا څلور زره او ۲۹۲ رایې خپلې کړې او د ۲۰ زره رایو په توپیر یې د کارګر ګوند له سیال څخه ماتې وخوړه. هغه په خپله ټاکنیزه حوزه کې څلورم ځای لري.
په همدې حال کې، سراج الحق پرواني ټولې ۷۲۳ رایې اخیستې او د ۲۵ زره رایو په توپير یې دغه څوکۍ د محافظه کار ګوند سیال ته خوشې کړه. هغه په خپله ټاکنیزه حوزه کې اووم یا وروستی ځای لري.
ښاغلي پرواني په خپلې اېکس پاڼه لیکلي، چې پخوا یې د افغانستان د بهرنیو چارو په وزارت کې د مرستیال ویاند په توګه کار کاوه او په یونان کې د سفارت شارزدافېر هم پاتې شوی دی.
دغو درېیو تنو افغانانو د بریټانیا پارلمان ته داسې مهال لار نه ده موندلې، چې په دغو ټاکنو کې په بریټانیا کې د لږکیو توکمونو شاوخوا ۹۰ تنو د هغه هېواد د پارلمان غړیتوب تر لاسه کړ.
