د پاکستان د پیپلز ګوند مشر د دوشنبې په ورځ په پېښور کې د طالبانو تر کنټرول لاندې د پاکستان او افغانستان ترمنځ د پېچلو مسلو پر حلولو ټینګار وکړ. بلاول بوټو زرداري ویلي، چې شته ستونزې «افغانستان ته په سفر کولو یا هلته د چای په څښلو سره نه حل کېږي.»
د بوټو اشاره د عمران خان د واکمنۍ پر مهال د ای اېس ای د پخواني رییس سفر ته ده، چې د کابل د سقوط په لومړیو ورځو کې یې په سرینا هوټل کې چای څښلی و.
جنرال فیض حمید په سرینا هوټل کې د هغو خبریالانو په ځواب کې چې له ده څخه یې د افغانستان د راتلونکې په اړه پوښتلي وو، وویل: «هر څه به سم شي.»
بلاول بوټو د دوشنبې په ورځ د (چنګاښ ۱۸مه) په یوه خبري غونډه کې وویل: «د افغانستان او پاکستان ستونزې باید حل شي او دا باید ومنو، چې ټولې مسلې د افغانستان په واک کې نه دي.»
داسې ښکاري، چې د افغان طالبانو په اړه د بوټو وروستۍ څرګندونې د پاکستان د پخواني لومړي وزیر عمران خان د څرګندونو په غبرګون کې شوې دي.
عمران خان د جمعې په ورځ د (چنګاښ ۱۵مه) له زندانه په یوه پیغام کې د پاکستان حکومت او د دغه هېواد پوځ ته په خطاب کې لیکلي وو، چې اسلام اباد به د افغان طالبانو له ملاتړ پرته د ترهګرۍ ضد جګړه کې بریالی نه شي.
عمران خان همداراز د پاکستان د بهرنیو چارو پر اوسني وزیر بلاول بوټو او اسحاق ډار هم نیوکه وکړه، چې د طالبانو تر کنټرول لاندې کابل ته یې سفر نه دی کړی.
پاکستان په خیبر پښتونخوا کې د نا امنیو د زیاتېدو په غبرګون کې د تاوتریخوالي او ترهګریزو بریدونو د زیاتوالي د مخنیوي لپاره د "عزم استحکام" په نوم عملیات پیل کړي دي.
تر دې مخکې د پاکستان د دفاع وزیر ویلي و، چې د عملیاتو د یوې برخې په توګه به پاکستان په راتلونکې کې په افغانستان کې د ننه پر ځینو اهدافو بریدونه وکړي.
د هغه په وينا، پاکستاني طالبان خپل بريدونه له افغانستانه تنظيموي.
په دې مکتوب کې راغلي، هغه ښځینه دولتي کارکوونکې چې برحاله دي، خو د نارینه و په شان هره ورځ دندو ته نه ورځي، یوازې د هغوی میاشتیني امتیازات ۵۰۰۰ افغانۍ اجرا کیږي.
دغه ښځينه کارکوونکې پر افغانستان د طالبانو له واکمنۍ وروسته کور ناستي شوې دي.
دا مکتوب د طالبانو د مالیې وزیر محمد ناصر اخوند له خوا لاسلیک شوی دی.
دا په داسې حال کې ده، چې د طالبانو مشر هبت الله اخوندزاده دستور ورکړی و، چې د ټولو دولتي ښځینه کارکوونکو تنخواوې دې پنځه زره افغانۍ ورکړل شي.
د طالبانو دا پرېکړه ددې لامل شوه، چې د یو شمېر دولتي ادارو په ځانګړې توګه د پوهنې او عامې روغتیا وزارتونو د ښځینه کارکوونکو د تنخواوو په ورکړه کې اختلال رامنځته شي.
په تېرو ورځو کې د روغتیایي ادارو یو شمېر ښځینه کارکوونکو افغانستان انټرنشنل سره په خبرو کې وویل، سره له دې چې دندو ته ځي خو ۴۸۰۰ افغانۍ تنخواوې یې ترلاسه کړي دي.
له دې سره، د نجونو د ابتدایه ښوونځیو ځینو استادانو ان د تېرې میاشتې تنخوا هم نه ده ترلاسه کړې.
داسې ښکاري چې د طالبانو د مالیې وزیر محمد ناصر اخوند ددې مکتوب په خپرولو سره غوښتي، چې د هبت الله د فرمان په اړه رامنځته شوی ابهام حل کړي.
د یادولو ده، چې له تېرو څو اونیو راهیسې په کابل کې د څو روغتونو ښځينه کارکوونکو د طالبانو د مشر د وروستي فرمان پروړاندې کار بندیز کړی دی او دا پرېکړه یې ظالمانه بللې ده.
د کابل د روغتونونو د ډاکټرانو یوې ډلې خبرداری ورکړی، چې که طالبان د ښځو د تنخواوو د کمولو په اړه خپله پرېکړه بدله نه کړي، دوی به خپل کاري اعتصاب پراخ کړي.
طالبانو له تېرو شاوخوا درېیو کلونو راهیسې ډېرې ښځې کور ناستې کړي دي او دا مهال ښځې یوازې د امنیت، روغتیا او پوهنې په برخو کې کار کوي.
