د طالبانو د بهرنیو چارو وزیر امیرخان متقي ویلي، چې د ټاپي پروژې د لارې پر سر د ټولو حقوقي خنډونو په لرې کولو سره به د دغې پروژې کار ډېر ژر پیل شي. نوموړي دغه څرګندونې په کابل کې د ترکمنستان له سفیر خواجه عوضوف سره په کتنه کې کړې دي.
د دغه وزارت ویاند عبدالقهار بلخي د چهارشنبې په ورځ د (چنګاښ شلمه) په اېکس پاڼه لیکلي، چې په دغې لېدنه کې د افغانستان په خاوره کې د ټاپي پروژې د غځېدلې نل لیکې، د تورغونډۍ د سټیشن او د هرات د نورالجهاد د برېښنا د ظرفیت د لوړولو په اړه خبرې اترې شوې دي.د طالبانو د بهرنیو چارو وزیر هیله ښودلې، چې د ټاپی پروژې د پلي کېدو پر لاره کې د شته خنډونو په لرې کولو سره به د دغې پروژې عملي چارې ېیر ژر پیل شي.د ټاپي پروژې چارې په ۲۰۱۸ کال کې د تېر رژیم پر مهال په رسمي بڼه پیل شوې وې؛ خو هغه مهال د طالبانو لهخوا د امنیتي ستونزو له امله بېرته وځنډول شوې.که څه هم چې تر اوسه طالبانو او ترکمنستان د ټاپي پروژې د عملي پیلېدا په اړه په رسمي بڼه څه نه دي ویلي؛ خو واک ته د طالبانو له رسېدو وروسته دغې ډلې د ټاپي پروژې پر پیلېدا ټینګار کړی او د هغې د امنیت د ټینګولو ډاډ یې هم څرګند کړی دی.
