طالبانو له امریکا څخه د یو شمېر پخوانیو پوځیانو د ورستنېدو خبر ورکړی دی
له افغان شخصیتونو سره د طالبانو د اړیکو کمېسیون د چهارشنبې په ورځ وویل، چې د خوست ولایت د (کې پي اېف) یو شمېر پوځيان د دوی په بلنه له امریکا څخه افغانستان ته ستانه شوي دي.
له افغان شخصیتونو سره د طالبانو د اړیکو کمېسیون د چهارشنبې په ورځ وویل، چې د خوست ولایت د (کې پي اېف) یو شمېر پوځيان د دوی په بلنه له امریکا څخه افغانستان ته ستانه شوي دي.
دغه ځواکونه په تېر حکومت کې د امریکايي پوځیانو لهخوا روزل شوي وو.
د طالبانو کمېسیون د شپږو تنو پوځیانو عکسونه خپاره کړي او لیکلي یې دي، چې د دوی په منځ کې یو یې پوځي افسر، درې تنه یې سرتېري او دوه تنه نور یې مسلکي کارکوونکي دي.طالبانو په دې وروستیو کې هم له امریکا څخه خوست ولایت ته د درېیو تنو پوځیانو د ستنېدا خبر خپور کړی و.د خوست ولایتي قوا چې په اډانه کې یې د افغانستان اووه زریز پوځ د تېر نظام په وخت کې فعالیت کاوه او د امریکا د مرکزي اطلاعاتو لهخوا روزل شوي وو، د جمهوري نظام تر سقوط وروسته دغه ځواکونه امریکا ته ولېږدول شول.د دغو ځواکونو پر فیسبوک پاڼه، د هغو طالب وسلهوالو عکسونه لیدل کېږي چې د همدغو ځواکونو لهخوا وژل شوي وو.تر دې وړاندې ځینو سرچېنو له خوسته افغانستان انټرنشنل ته ویلي وو، چې د دغو ځواکونو تر ۷۰ ډېر کسان په خوست کې د طالبانو د استخباراتو په ریاست کې بندیان دي.د سرچېنو په خبره، د دغو ځواکونو یو شمېر کسان چې د زدهکړو لپاره امریکا ته تللي وو، له زدهکړو وروسته چې کله د خپلو کورنیو د لیدو لپاره خوست ته ورغلي وو، د طالبانو لهخوا نیول شوي دي.یوې سرچېنې دا هم ویلي و، چې طالبانو د دغو ځواکونو له کورنیو څخه په دې پلمه چې هغوی ته به زیان نه رسوي د ډالرو غوښتنې هم کوي.
