طالبان: نږدې دوه زره افغان کډوال له پاکستان او ایرانه راستانه کړل شول

د طالبانو د کار او ټولنیزو چارو وزارت ویاند سمیع الله ابراهیمي د یکشنبې په ورځ د (چنګاښ ۲۴مه) د یوه ویډیويي کلیپ له لارې وايي، چې د ۱۴۰۳ کال په لومړیو دریو میاشتو کې د یادې ډلې د کار او ټولنیزو چارو وزارت له لوري۲۲۴۲۷ کسانو ته د کار جوازونه ورکړل شوي دي.

نوموړی وايي، په یادو کسانو کې یې۶۱۳ تنه بهرني وګړو ته د کار جوازونه ورکړي دي.

واک د طالبانو له رسیدو وروسته په افغانستان کې داسې کومې خپلواکې ادارې یا سازمانونه نشته چې د طالبانو له لوري خپرې شوې دا ډول شمېرې تایید کړي.

ښاغلی ابراهیمي وايي، یادو بهرنیو وګړو ته د دغې ډلې د اصولو او اړتیاوو ته په کتو یې د کار جوازونه ورکړي دي.

د طالبانو د کار او ټولینزو چارو وزارت د معلوماتو له مخې، ۱۴۵۷۰ تنو نارینو او ۱۲۲۱ تنو ښځو ته،د طالبانو تر واک لاندې ادارو کې او ۶۰۲۳ تنو نارینو او ښځو ته په خصوصي ادارو کې د کار کولو جوازونه ورکړي دي.

د طالبانو د کار او ټولنیزو چارو وزارت ویاند وايي، یاد کسان د طالبانو تر واک لاندې په خصوصي سکټور او موسسو کې په دندو ګمارل شوي دي.

طالبان په داسې مهال د ښځو په ګډون له ۲۲ زرو څخه ډیرو کسانو ته د کار د جوازونو د ورکړي خبر ورکوي، چې له تېرو نږدې دریو کالو راهیسې په افغانستان کې د یادې ډلې له لوري د ښځو پر زده‌کړو، له محرم پرته پر سفر کولو او ډیرو نورو فعالیتونو بندیزونه لګول شوي.

ملالې یوسفزۍ د فرانسې له خبرې اژانس سره په یوه مرکه زیاته کړه: «دا د ژورې اندېښنې وړ ده چې پاکستان افغان کډوال مجبوروي چې افغانستان ته ستانه شي، او زه د ښځو او نجونو په اړه ژوره اندېښنه لرم.»

نوموړې وايي، چې ګڼ شمېر افغان نجونې او ښځې په پاکستان کې زده‌کړې او کار کوي.

د شمېرو له مخې تېر کال له پاکستانه څه باندې ۶۰۰ زره افغان کډوال اېستل شوي دي.

د بشري حقونو څارونکو خبرداری ورکړی چې یو شمېر ستانه شوي کډوال د طالبانو له خوا له ځورونې سره مخامخ شوي دي.

ملالې یوسفزۍ هیله څرګنده کړه چې پاکستان به د افغان کډوالو د اېستلو پالیسي پای ته ورسوي او د افغان نجونو او میرمنو «په ځانګړې توګه چې دوی به په افغانستان کې له تیاره راتلونکي سره مخ شي، ساتنه کوي.» هغې یو ځل بیا د افغان نجونو له زده کړو محرومیت ټکان ورکوونکی وباله او د افغان فعالانو د زغم هرکلی یې وکړ.

همدارنګه اغلې یوسفزۍ د ښځو له ګډون پرته د دوحې د ناستې په اړه نیوکه وکړې او ویلي دي: «د نړۍ مشران باید په دې پوه شي چې کله له طالبانو سره کیني او ښځې او نجونې څنډې ته کوي، په حقیقت کې پر طالبانو احسان کوي.»

نوموړې پر هېوادونو په ځانګړې توګه پر فرانسې او کاناډا غږ وکړ، چې د دوحې ناستې وغندي.

رییسه یزدان پرست په جمهوري نظام کې د افغانستان د ملي امنیت ۰۵۰ ریاست د ښځو د څانګې مدیره وه.

نوموړي وايي، چې په کابل کې طالب وسله وال د ۱۴۰۰ کال د مرغومي په ۲۵مه نېټه د کورونو د پلټنې په پلمه د هغوې کور ته ننوتل.

نوموړې وايي، طالبانو د هغې کورته د ننوتلو سره سم پر دې د ټوپک په میل ګوزار وکړ.

هغې وویل: «ما خپله وسله طالبانو ته وسپارله، خو طالب جنګیالیو له ځانه سره یوړه او یوه نیمه میاشت د طالبانو د استخباراتو په ۴۰ ریاست کې د وسله په میل، سوک او لغتو ووهلم او ویې ربړولم.»

نوموړې وايي، چې طالبانو د ملي امنيت د کارکوونکو معلوماتو ته لاسرسى درلود او په دې توګه يې د ملي امنيت پخواني کارکوونکي پېژندل او نیول.

هغې زياته کړه، چې زوى يې هم د ملي امنيت په رياست کې دنده ترسره کوله او هېواد ته د طالبانو له ننوتلو مخکې يې هېواد پریښی وو.

د اغلې یزدانپرست له خوا افغانستان انټرنشنل ته په ورکړل شويو انځورونو کې ښکاري، چې د هغې مخ او بدن د شکنجې له امله شنه شوي دي.

نوموړې وايي، چې د ځايي مشرانو په منځګړتوب د ۱۴۰۰ کال د کب په ۱۵مه د طالبانو له بنده خوشې شوه او له خوشې کېدو وروسته له افغانستانه وتښتېده.

اغلې یزدانپرست چې د ډګروالي رتبه لري وايي: د افغانستان د پخواني ولسمشر ډاکټر نجیب الله له حکومت راهیسې د طالبانو له لومړۍ دورې پرته، د ملي امنیت په ریاست کې یې کار کړی دی.

100%

هغې وويل: «ما ۲۵ کاله د ملي امنيت په رياست کې خدمت کړی دی.»

اغلې یزدان پرست وايي، چې هغه د زندان په کوټه کې یوازې بندي وه او د زندان ټول ساتونکي نارینه وو.

د نوموړې په خبره، له زندانه تر خوشې کېدو وروسته یو کال تر درملنې لاندې وه.

نوموړې وايي، چې طالبانو یې خاوند ۱۳۸۷ کال کې له بهرنیانو سره د کار کولو له امله وواژه.

هغې وویل: «زما میړه د حامد کرزي د ولسمشرۍ پر مهال د بګرام په هوايي ډګر کې ژباړونکی و.»

نوموړې وايي: «طالبانو څو څو ځله زما خاوند ته ګواښونه کړي وو، چې له بهرنيانو سره کار ونه کړي، خو خاوند مې د طالبانو ګواښونه له پامه وغورځول او يو سهار يې کار ته د تللو پر مهال وواژه.»

اغلې یزدانپرست د طالبانو عمومي بښنه یو "چل" ګڼي او وايي چې هېڅوک باید پر دې ډلې باور ونه کړي.

په ورته وخت کې یوې ښځینه فعالې لیلما دولتزۍ له افغانستان انټرنشنل سره په مرکه کې ویلي، چې طالب جنګیالیو د هغې ورنونه په چاقو پرې کړي او پر زخمونو کې یې مالګې ور اچولې دي.

د طالبانو په بندخونو کې دا لومړی ځل نه دی چې بندیان ربړول کېږي، په دې وروستیو کې ګارډین ورځپاڼې او رخشانه رسنۍ په یوه ګډ راپور کې ویلي چې طالب ځواکونو په زندان کې د بشري حقونو پر یوې فعالې جنسي تېری هم کړی دی.

د طالبانو د ریاست الوزرا سیاسي مرستیال دفتر د شنبې په ورځ د (چنګاښ ۲۳مه) د یوې خبرپاڼې په خپرولو سره ویلي، چې په لومړۍ ناسته کې د دغه کمیسیون د چارو پر څرنګوالي خبرې وشوې.

عبدالکبير ویلي، چې له نشه‌يي توکو سره د مبارزې په برخه کې د دوى دريځ څرګند دى او هيچا ته د نشه‌يي توکو د کښت، توليد او قاچاق اجازه نه ورکول کېږي.

په دغه ناسته کې د طالبانو کورنيو چارو وزارت له نشه‌يي توکو سره د مبارزې مشر عبدالحق ادعا کړې چې د کوکنارو ټولې کروندې يې له منځه وړې دي.

نوموړي ټینګار کړی، چې طالبان د نشه‌یي توکو پر وړاندې په مبارزه کې بریالي شوي او نړیواله ټولنه هم دا بریا مني.

د ملګرو ملتونو امنیت شورا په خپل تازه راپور کې ویلي، چې طالب مشرانو د کوکنارو پر کښت له بندیز څخه ګټه پورته کړې، خو کروندګر یې زیانمن کړي دي.

د دوحې په درېیمه ناسته کې طالبانو له نړیوالې ټولنې وغوښتل چې له افغان بزګرانو سره مرسته وکړي.

طالبانو د کوکنارو په کښت او د مخدره توکو په تولید بندیز لګولی دی.

خو تر دې مخکې ملګرو ملتونو په یوه نوي راپور کې ویلي وو چې په بدخشان ولایت کې د طالبانو د مشر حکم له پامه غورځول شوی دی.

د بښنې نړیوال سازمان د شنبې په ورځ د (چنګاښ۲۳مه) پهخپله اېکس پاڼه د طالبانو له خوا د بشري حقونو، په ځانګړې توګه د ښځو له حقونو د سرغړونو په اړه لیکلي، چې «نړۍ هرڅه ویني».

دغه سازمان له دې څخه یوه ورځ وړاندې هم ویلي وو، چې په ټوله نړۍ کې څه باندې ۳۵۰ زره کسانو د یو غوښتنلیک په لاسلیکولو سره له طالبانو یې غوښتي چې بشري حقونو ته درناوی وکړي.

دا په داسې حال کې ده ، چې په تیرو دریو کلونو کې د طالبانو لخوا د بشري حقونو څخه سرغړونې له پراخو نړیوالو غبرګونونو سره مخ شوې.