د شمالي کوریا مشر د نوي تاکتیکي بالیسټیک توغندیو له سپارلو څارنه کړې

د شمالي کوریا دولتي رسنۍ د دوشنبې په ورځ راپور ورکړی چې د شمالي کوریا مشر کیم جونګ اون د لومړۍ کرښې سرتیرو ته د ۲۵۰ نوي تاکتیکي بالیسټیک توغندیو له سپارلو څارنه کړې.

بل خوا سیول وايي، چې دغه توغندي د سویلي کوریا د ګواښولو لپاره کارول کیدی شي.

دغه توغندي د شمالي کوریا د دولتي رسنیو له خوا د دیوې عصري تاکتیکي بریدګرې وسلې په توګه تشریح شوي، چې په شخصي توګه د کیم له خوا ډیزاین شوي او د سویل سره په پوله کې د کوریا د خلکو د اردو واحدونو ته لیږدولو ته چمتو دي.

شمالي کوریا تیره میاشت ویلي وو، چې د بالستیک توغندي نوی تکتیکي ازموینه یې کړې ده.

د سویلي کوریا د لوی درستیز ویاند لی سونګ جون، یوې خبري غونډې ته وویل: "موږ باور لرو چې (دغه توغندي) د بیلابیلو چارو لپاره کارول کیږي، لکه پر سویلي کوریا د برید یا ګواښ لپاره."

د شمالي کوریا د دولتي رسنۍ له خوا خپاره شوي عکسونو کې د سرو بینرونو سربیره د توغندیو قطارونه ښودل شويږ د توغندیو د سپارلو دغه مراسم د شپې له خوا د کیم په ګدون ترسره شوې.

په یوه وینا کې، کیم متحده ایالات د "اټومي وسلو پر بنسټ د پوځي بلاک" په جوړولو تورن کړي او دا چې دغه چارې د هغه هیواد د پوځي وړتیاوو لا پیاوړي کولو ته اړ کړ دی.

د سیول د کوریا چارو د اړوندې ادارې ویاند وویل، چې د شمالي کوریا غیر قانوني اټومي او توغندیز پروګرامونه د کوریا په ټاپووزمه کې د سولې او ثبات لپاره لومړنی ګواښ دی.

د پالیسي مطالعاتو لپاره د اسان انسټیټیوټ اصلي څیړونکي چا دو هیوګن وايي، چې پیونګ یانګ غواړي وښیې چې دا د دې وړتیا لري چې په ګاونډي برید وکړي.