د روغتیا نړۍوال سازمان د بیزو چیچک (اېم پاکس) ناروغۍ له امله بېړنی حالت اعلان کړ
د روغتیا نړۍوال سازمان دغه پرېکړه د کانګو په ګاونډیو هېوادونو کې د ویروس له خپرېدو وروسته کړې ده. د بیزو چیچک کولای شي، چې د نږدې تماس له لارې خپور شي.
د روغتیا نړۍوال سازمان دغه پرېکړه د کانګو په ګاونډیو هېوادونو کې د ویروس له خپرېدو وروسته کړې ده. د بیزو چیچک کولای شي، چې د نږدې تماس له لارې خپور شي.
د بیزو چیچک د کانګو دیموکراتیک جمهوریت ته رسېدلی، چېرې چې ویروس د لومړي ځل لپاره په ۱۹۷۰کال کې په انسانانو کې کشف شو او بیا وروسته نورو هېوادونو ته خپور شو.د روغتیا نړۍوال سازمان مشر بېډروس اډانوم غیبریوس وویل، چې سږکال تر دې دمه په کانګو کې د ۱۴زرو څخه ډېرې قضیې او ۵۲۴ مړینې راپور شوې دي.د روغتیا نړۍوال سازمان تر دې وړاندې د ۲۰۲۲کال په مې میاشت کې د بیزو چیچک د خپرېدو له امله په ټوله نړۍ کې د عامې روغتیا بېړنی حالت اعلان کړی و.د دغه سازمان د راپور له مخې، دغه وبا چې اوس په لویه کچه کمه شوې، د شاوخوا ۹۰زرو قضیو څخه د ۱۴۰ تنو د مړینې لامل شوې وه.له بل پلوه د روغتیا نړۍوال سازمان د معافیت متخصصینو لهخوا د بیزو چیچک لپاره دوه واکسینونه وړاندیز شوي هم دي.
له خیبرپښتونخوا څخه سرچینو افغانستان انټرنشنل پښتو ته نن چهارشنبه د (زمري ۲۴مه) ويلي، چې تېره شپه او نن سهار د خیبر درې په جمرود کې ځینو کلیوالو د یوې غونډې پر مهال د اګسټ ۱۴مه د پاکستان د خپلواکۍ ورځ د تورې ورځې په توګه نمانځلې او ویلي یې دي چې د پاکستان حکومت د دوی حقونه نه دي ورکړي او هره ورځ د نا امنۍ له امله وژل کیږي.
وزیرخان اپریدی چې په دغې غونډه او لاریون کې یې ګډون درلود، افغانستان انټرنشنل پښتو ته وويل، چې کومه خپلواکي ونمانځي چې حکومت یې امن لا نه شي ساتلی، هغه وايي: «حکومت مو حق نه راکوي، موږ د پوځي عملیاتو له وجې سلګونه کورنۍ چې دوولس کاله مخکې د تیرا سیمې له خپلې مېنې راکډه کړل شوي یو او تر اوسه پورې مو پوځ خپلې سیمې ته نه پرېږدي او نه دلته خیبر کې سم او معلوم ځای لرو. موږ غواړو بیرته خپلې سیمې ته ولاړ شو.»
تر دې وړاندې ټي ټي پي د یوې خبرپاڼې له لارې د پاکستان په ولسونو غږ کړی و چې دغه ورځې دې د خپلواکۍ په توګه نه بلکې د تورې ورځې په توګه ونمانځي.
بل خوا د شمالي وزیرستان د اسدخیلو کلي یو شمېر اوسېدونکو هم د یوه لاریون په ترڅ کې چې تور بیرغونه یې هم له ځان سره لرل، دغه ورځ د تورې ورځې په توګه ونمانځله.
په خیبرپښتونخوا کې خپلواک خبریال لال وزیر هم افغانستان انټرنشنل ته ويلي، چې د لوی وزیرستان د ځینو سیمو تر څنګ د انګور اډې پرلتوالو هم د پاکستان له حکومته د ناخوښۍ له امله د پاکستان د خپلواکۍ ورځ د تورې ورځې په توګه نمانځلې او پرلتوالو یې تور بیرغونه پورته کړي دي.
په سیمه کې د افغانستان انټرنشنل پښتو خبریال هم وايي، چې په جمرود کې د کوکي خيلو په نوم یوه قبېله چې دغه ورځ یې د تورې ورځې په توګه نمانځلې له ځان سره تور بیرغونه لیږدول.
د پاکستان حکومت تر اوسه پورې په دې اړه څه نه دي ویلي، او نه هم د دغه هیواد امنیتي کسانو د داسې خلکو په وړاندې چې دغه ورځ یې د تورې ورځې په توګه نمانځلې غبرګون ښودلی.
